Namangantoday.uz

2022-10-05 19:18:52 Президент қарори билан Наманганда янги институт ташкил этилди

Ўзбекистон Республикаси Президентининг тегишли қарори билан Наманган тўқимачилик саноати институти ташкил этилди.

Институтда ўқув жараёни 2023/2024 ўқув йилидан бошланади ва кредит-модуль тизимига асосланади.

Олий ва ўрта махсус таълим вазирлиги, Президент таълим муассасалари агентлиги, «Ўзтўқимачиликсаноат» уюшмаси ва «Ўзбекистон пахта-тўқимачилик кластерлари» уюшмаси тўқимачилик саноати ривожланган хорижий давлатлар олий таълим ташкилотлари билан ҳамкорликда Институтнинг замонавий ўқув дастурларини яратади.

Ўз навбатида, 2024/2025 ўқув йилига қадар Институт ҳузурида тўқимачилик технопарки фаолияти йўлга қўйилади.

2026/2027 ўқув йилига қадар Институтнинг камида 2 та бакалавриат таълим йўналиши ва 3 та магистратура мутахассислигининг халқаро тан олинган ташкилотлар аккредитациясидан ўтказилади.

Институтга Наманган шаҳар, «Гулобод» МФЙ, Жанубий айланма йўли кўчаси, 17-уйда жойлашган бино ва иншоотлар берилади.

Обуна бўлинг t.me/namangantoday Ochish/sharhlash

2022-10-05 12:55:00 Чортоқ туман тиббиёт бирлашмаси раҳбари вазифасини бажарувчи Тоҳир Мўминов лавозимидан озод этилди

Сентябрь ойида Чортоқ туманида кунлик туғилишлар сони ўртача 20 тага ортиб кетгани боис шифохонада ўрин-жойлар етишмовчилиги юзага келган. Оқибатда ушбу туғуруқ бўлимидаги палаталарда ўрин-жойлар санитар-эпидемиологик талабларга риоя этилмаган ҳолда жойлаштирилган.

Туман тиббиёт бирлашмаси раҳбарияти томонидан мазкур масалани ҳал этиш бўйича ўз вақтида керакли чора-тадбирлар кўрилмаган. Шу сабабли Чортоқ туман тиббиёт бирлашмаси раҳбари вазифасини бажарувчи Тоҳир Мўминов лавозимидан озод этилди.

Обуна бўлинг t.me/namangantoday Ochish/sharhlash

2022-10-05 09:46:17 #тайинлов

Тўхтасинов Акбаржон Алишер ўғли Янги Наманган тумани ҳокимининг ўринбосари — инвестициялар ва ташқи савдо бўлими бошлиғи этиб тайинланди

Тўхтасинов Акбаржон 1990-йили Наманган шаҳрида туғилган.

Меҳнат фаолиятини 2011-2012 йилларда Бирлашган Араб Амирлигида  "Baker and spaice" LLC сотувчиси лавозимида бошлаган.

Ҳозирга қадар Наманган "Ostrich Farm" МЧЖ директори лавозимида фаолият олиб бораётган эди.

Тўхтасинов Акбаржон Алишер ўғли Янги Наманган тумани ҳокимининг 2022-йил 30-сентябрдаги қарори билан Янги Наманган тумани ҳокимининг ўринбосари — инвестициялар ва ташқи савдо бўлими бошлиғи этиб тайинланди.

Обуна бўлинг t.me/namangantoday Ochish/sharhlash

2022-10-05 09:16:50 Тиббиёт йўналиши битирувчилари тўлиқ ставкагача ишлаши мумкин

Ҳукумат қарорига мувофиқ, Қорақалпоғистон Республикаси, вилоятлар ва Тошкент шаҳрида тажриба-синов тариқасида 2022/2023 ўқув йилида:

барча тиббиёт ва ОТМларнинг “Даволаш иши”, “Педиатрия иши” ва “Тиббий-профилактика иши” йўналишлари битирувчи курсларига тўлиқ ставкагача оилавий шифокор, тез тиббий ёрдам шифокори ва санитария бўлимларида шифокор сифатида;

барча тиббиёт ОТМлар, республика ихтисослаштирилган илмий-амалий тиббиёт марказлари ва Тиббиёт ходимларининг касбий малакасини ривожлантириш марказининг магистратура ва клиник ординатура битирувчилари мутахассисликлари бўйича тўлиқ ставкагача ишлаши мумкин.

"Даволаш иши”, “Педиатрия иши” ва “Тиббий-профилактика иши” йўналишлари бўйича барча босқич талабалари фанлар ва амалий машғулотларнинг назарий қисмини масофавий ўзлаштиради.

ССВ шифокорларга бўлган эҳтиёжни аниқлайди ва биринчи босқичда 2022 йил 1 октябрдан Сурхондарё вилоятида, иккинчи босқичда эса 2022 йил 1 ноябрдан барча ҳудудларда талабаларни вакант ўринларга ишга жойлаштиради.

Обуна бўлинг t.me/namangantoday Ochish/sharhlash

2022-10-04 18:30:48 Namangantoday.uz pinned a video Ochish/sharhlash

2022-10-04 18:28:59 Энди туғруқхоналарда гувоҳнома ўрнига QR-кодли маълумотнома берилади.

Обуна бўлинг t.me/namangantoday Ochish/sharhlash

2022-10-04 14:26:48 Вазирлар Маҳкмасининг 2022 йил 3 октябрдаги 558-сонли қарори билан 2022/2023 ўқув йилидан бошлаб давлат умумий ўрта таълим муассасаларида ўқувчилар учун тасдиқланган шакллардаги ягона мактаб формасини жорий этиш талаби расман бекор қилинди.

Обуна бўлинг t.me/namangantoday Ochish/sharhlash

2022-10-03 17:38:19 Ўзбекистон биринчи борти Будапештга қўнди

Обуна бўлинг t.me/namangantoday Ochish/sharhlash

2022-10-03 08:46:10 4 октябрь куни Наманганда ҳаво ўзгариб туради, ёғингарчилик бўлмайди. Шарқдан секундига 5-10 метр тезликда шамол эсади. Кечаси 8-13, кундузи 20-25 даража илиқ бўлади.

Обуна бўлинг t.me/namangantoday Ochish/sharhlash

2022-10-02 09:18:26 Шавкат Мирзиёев 3-4 октябрь кунлари расмий ташриф билан Венгрияда бўлади.

Будапешт шаҳрида Венгрия Президенти Каталина Новак ва Бош вазири Виктор Орбан билан олий даражадаги музокаралар;
Венгриянинг етакчи компания ва банклари раҳбарлари билан учрашув ўтказилади.

Обуна бўлинг t.me/namangantoday Ochish/sharhlash