Namangan Koronavirus info I Rasmiy xabarlar

2021-07-28 11:05:10 28 июль кундуз куни Ўзбекистонда кам булутли об-ҳаво сақланиб туради, ёғингарчилик кутилмайди, фақат Қорақалпоғистонда баъзи жойларда қисқа муддатли ёмғир ёғиши, момақалдироқ бўлиши мумкин. Ҳарорат нисбатан пасайди ва 33-38° ни ташкил этади. Республика бўйича баъзи жойларда шамол тезлиги 17-22 м/с гача кучайиши кутилмоқда, баъзи жойларда чангли бўрон билан 25-30 м/с гача кучайиши мумкин.

Республиканинг тоғли ҳудудларида ёғингарчилик кутилмайди. Шамол 7-12 м/с тезликда эсади, баъзи жойларда 17-22 м/с гача кучаяди, баъзи жойларда чангли бўрон билан 25-30 м/с гача кучайиши мумкин. Ҳаво ҳарорати 25-30° бўлади. Ochish/sharhlash

2021-07-17 07:46:18 Вирусология илмий тадқиқот институти директори Эркин Мусабоев Газета.uz га берган интервьюсида коронавирус ва вакцинация ҳақидаги муҳим саволларга жавоб берди:

— Агар одамда касаллик белгиларсиз кечаётган бўлса, эмлашдан олдин ПЗР тестини топшириш керакми?

— Агар бемор жуда хоҳлаётган бўлса, албатта топшириши мумкин. Аммо, умуман олганда, нимага керак? Шунчаки эмланиш лозим.

— Вакцинадан кейин иситмаси кўтарилиб, тумов бўлганлар нима қилиши керак?

— «Парацетамол» ичиш керак. Бошқа ҳеч нарса керак эмас.

— Вакцинанинг биринчи ёки иккинчи дозасидан сўнг одам коронавирус билан касалланса, у учинчи дозани олиши керакми?

— Йўқ, тамом. Агар у касал бўлиб қолса, давом эттирилмаса ҳам бўлади, чунки аллақачон иммунитет етарлича ҳосил бўлган. Соғайгач, унга эмлаш керак бўлмайди. Чунки касаллик энди иммунитет тизимини рағбатлантирувчи омил сифатида ишлайди.

Давоми...

@ssvuz
@ssvmatbuotkotibi Ochish/sharhlash

2021-07-17 07:46:01 #Наманган вилояти #Соғлиқни_сақлаш_бошқармаси тизимидаги вакант лавозимлар учун очиқ мустақил танлов эълон қилинди

Президенти ҳузуридаги Давлат хизматини ривожлантириш агентлиги Наманган вилояти филиали вилоят соғлиқни сақлаш бошқармаси билан ҳамкорликда бир қатор вакант лавозимларга очиқ мустақил танловлар эълон қилади:

Вилоят соғлиқни сақлаш бошқармасида:
— Бошқарма бошлиғининг Тиббий ёрдамни ташкиллаштириш бўйича биринчи ўринбосари;

— Бошқарма бошлиғининг рақамлаштириш ва давлат хусусий шериклик бўйича ўринбосари;

— Бошқарма бошлиғининг оналик ва болаларга тиббий ёрдамни ташкиллаштириш бўйича ўринбосари.

Туман (шаҳар) тиббиёт бирлашмаларида:
— Уйчи тумани тиббиёт бирлашмаси бошлиғи;

— Норин тумани тиббиёт бирлашмаси бошлиғи;

— Учқўрғон тумани тиббиёт бирлашмаси бошлиғи;

— Чуст тумани тиббиёт бирлашмаси бошлиғи;

— Чортоқ туман тиббиёт бирлашмаси бошлиғи;

— Поп тумани тиббиёт бирлашмаси бошлиғи;

— Давлатобод тумани тиббиёт бирлашмаси бошлиғи;

— Косонсой туман тиббиёт бирлашмаси бошлиғи;

— Мингбулоқ тумани тиббиёт бирлашмаси бошлиғи;

— Наманган шаҳар тиббиёт бирлашмаси бошлиғи;

— Наманган тумани тиббиёт бирлашмаси бошлиғи;

— Тўрақўрғон тумани тиббиёт бирлашмаси бошлиғи;

— Янгиқўрғон тумани тиббиёт бирлашмаси бошлиғи.

Танловда иштирок этиш истагида бўлган номзодлар Давлат фуқаролик хизматчилари вакант лавозимларининг ягона очиқ порталидан рўйхатдан ўтишлари, мавжуд вакант лавозимни танлаб, сўралган ҳужжатларни электрон шаклда тақдим этишлари лозим.

Ҳужжатлар 2021 йил 16 июлдан 25 июлгача (шу куни ҳам) қабул қилинади.

Порталдан фойдаланиш бўйича видеоқўлланма

Ягона идентификация тизими — id.egov.uz'дан рўйхатдан ўтиш бўйича видеоқўлланма

@ssvuz
@ssvmatbuotkotibi Ochish/sharhlash

2021-07-17 07:44:50 Ўзбекистон мусулмонлари идораси Уламолар кенгаши коронавирус билан боғлиқ вазиятдан келиб чиқиб, фатво эълон қилди.

Унга кўра, Қурбон ҳайити намози бекор қилинди, ўрнига уйда Зуҳо намозини ўқиш тавсия этилди. Шунингдек, жума намозлари ҳам тўхтатилмоқда. Қуйида фатво матни тўлиқ ҳолда келтириб ўтилади. Ochish/sharhlash

2021-07-13 09:55:48 ​ Кеча юртимизда 497 нафар кишида коронавирус, 283 нафар кишида пневмония аниқланиб, 4 нафар бемор вафот этди

2021 йил 12 июль ҳолатига кўра, Ўзбекистонда коронавирус инфекцияси қайд этилганлар сони 116918 (+497) нафарни ташкил этмоқда.

Янги касалланиш ҳолатларининг:
24 нафари Қорақалпоғистон Республикасида,
38 нафари Андижон вилоятида,
23 нафари Бухоро вилоятида,
27 нафари Жиззах вилоятида,
18 нафари Қашқадарё вилоятида,
10 нафари Навоий вилоятида,
41 нафари Наманган вилоятида,
43 нафари Самарқанд вилоятида,
19 нафари Сирдарё вилоятида,
51 нафари Сурхондарё вилоятида,
26 нафари Фарғона вилоятида,
9 нафари Хоразм вилоятида,
46 нафари Тошкент вилоятида,
122 нафари Тошкент шаҳрида коронавирусга чалинган беморлар билан мулоқотда бўлганлиги сабабли намуна олинган фуқаролар орасида аниқланган.

Бундан ташқари, кеча кун давомида 283 нафар кишида пневмония аниқланди.

Кеча кун давомида:
Қорақалпоғистон Республикасида 103 нафар,
Бухоро вилоятида 9 нафар,
Қашқадарё вилоятида 20 нафар,
Навоий вилоятида 15 нафар,
Наманган вилоятида 42 нафар,
Самарқанд вилоятида 43 нафар,
Сирдарё вилоятида 26 нафар,
Сурхондарё вилоятида 82 нафар,
Фарғона вилоятида 54 нафар,
Хоразм вилоятида 13 нафар,
Тошкент вилоятида 41 нафар,
Тошкент шаҳрида 56 нафар бемор тузалиб, касалликдан соғайганлар жами 112018 (+504) нафарга етди ва соғайиш кўрсаткичи 96 фоизни ташкил этмоқда.

Шунингдек, 4 нафар коронавирусга чалинган бемор вафот этиб, касалликдан вафот этганлар сони 778 нафарни ташкил қилди.

Соғлиқни сақлаш вазирлиги
Матбуот хизмати.

@ssvuz
@ssvmatbuotkotibi Ochish/sharhlash

2021-07-10 07:41:19 ​​ССВ: ИЮЛЬ ОЙИДА ҚИСҚА РАҚАМЛИ 1003 CALL-МАРКАЗИГА МУРОЖААТЛАР СОНИ ОШДИ

Мамлакатимизда “COVID-19” пандемиясининг илк кунлариданоқ жамоатчиликнинг касаллик билан боғлиқ саволларига ўз вақтида жавоб бериш, тиббий йўл-йўриқ кўрсатиш тизими йўлга қўйилган эди. Бир йил аввал ишга тушган қисқа рақамли 1003 Call-маркази ҳозирда ҳам туну кун фаолият кўрсатмоқда.

Ўтган йил касаллик авжига чиққан вақтда унда 200 нафардан ортиқ профессор ўқитувчилар, тажрибали шифокорлар уч сменада узлуксиз фуқароларнинг мурожаатларига жавоб берган бўлса, ҳозирда 25 нафар мутахассис уч сменада қўнғироқларни қабул қилмоқда. Уларнинг орасида тиббиёт фанлари номзоди ва докторлари, малакали мутахассислар бўлиб, фуқаролардан тушган саволларга тиббий асосланган жавоблар ва тавсиялар беришмоқда.

Маълумот учун, Call-марказга жорий йилнинг май ойида кунига ўртача 300 та қўнғироқ келиб тушган бўлса, июнь ойида бир кунда ўртача 200-400 нафар фуқаро мурожаат қилган.

Июль ойига келиб эса, кунлик мурожаатлар сони ўртача 1400 тагача кўтарилиб кетди. Жумладан, 1-8 июль кунлари жами 11 120 қўнғироқ келиб тушди, солиштириш учун: июнь ойининг охирги 8 куни давомида 3 737 нафар фуқаро қўнғироқ қилганди.

Июнь ойида марказда 15 та мутахассис қўнғироқларга жавоб берган бўлса, июлда мурожаатлар сони ошгани муносабати билан ҳозирда улар сафига яна 10 нафар мутахассис қўшилди.

Энг кўп берилаётган саволларга эътибор берадиган бўлсак, пандемиянинг биринчи кунларига қараганда ҳозирда аҳолининг коронавирус инфекцияси тўғрисида хабардорлиги анча ошганлиги боис саволлар мазмуни бирмунча ўзгарган. Бугун вируснинг қайси штаммлари юртимизда қайд этилган, улар клиникаси бўйича бир-биридан қандай фарқ қилади, болаларда уларнинг белгилари қандай намоён бўлмоқда, бир марта касалланган киши яна қайта вирусни юқтириши мумкинми каби қатор саволлар берилмоқда.

Шунингдек, коронавирусга қарши эмлаш билан боғлиқ саволлар ҳам долзарб бўлиб турибди. Бунда аҳолини коронавирусга қарши эмланиш тўғрими, вакциналарнинг қандай акс таъсирлари бор, қайси вакцинани қабул қилган маъқул, бошқа давлатга бориш учун эмланиш шартми, ўзимизни қандай ҳимоялашимиз мумкин каби қатор саволлар қизиқтирмоқда. Ўз ходимларини ҳимоялаш мақсадида вакцинация қилишни истаган ташкилотлардан “вакцинани қаердан олса бўлади?” каби савол ҳам келиб тушмоқда.

Бундан ташқари, аксарият мурожаатчилар Тошкент шаҳар ва вилоятлардаги COVID-19 билан оғриган беморларни қабул қилаётган шифохоналарнинг манзили ва қайси тиббиёт муассасаларида бўш жой мавжудлигини ҳам сўрашмоқда.

Бир сўз билан айтганда, Call-марказ фуқароларни қийнаган саволларига вақтида жавоб бериш, уларга йўл-йўриқ кўрсатиш борасида ўз вазифасини бажариб, аҳоли оғирини енгил қилмоқда.

Эслатиб ўтамиз, 1003 ягона қисқа рақамли Call-марказ Соғлиқни сақлаш вазирлиги томонидан 2020 йилнинг 15 март куни ишга туширилганди. Фуқароларимиз ушбу рақамга қўнғироқ қилиб, коронавирус инфекцияси билан боғлиқ барча саволларга малакали мутахассислардан аниқ ва асосли жавоб олишмоқда.

Соғлиқни сақлаш вазирлиги
Матбуот хизмати.

@ssvuz
@ssvmatbuotkotibi Ochish/sharhlash

2021-07-09 17:18:25 #online

Наманган вилояти ҳокими Коронавирусга қарши курашиш марказида

Коронавирус инфекциясига чалинган беморларни марказлашган ҳолда даволаш, уларга тезкор ва сифатли тиббий хизмат кўрсатиш мақсадида Наманган шаҳридаги “Баркамол авлод” спорт мажмуасида ўтган йил ташкил этилган ва касалланиш кўрсаткичлари камайиши билан ёпилган даволаш ва тақсимлаш маркази яна иш бошлагани ҳақида хабар бергандик.

Бугун Наманган вилояти ҳокими Шавкатжон Абдураззақов ана шу марказга борди.

Масъул идоралар вакиллари билан марказнинг узлуксиз ва самарали фаолият олиб бориши учун яратилган шароитлар, галдаги вазифалар мухокама этилди.

Марказда ҳозирги кунда бир вақтнинг ўзида 400 нафар беморни даволашга мўлжалланган даволаш ўринлари ташкил этилган. Бундан ташқари реанимацион ҳолатдаги беморларни даволашга ҳам алоҳида эътибор қаратилган.

Вилоят раҳбари врач ва ҳамширалар учун алоҳида шароитлар яратилишига эътибор қаратилишини таъкидлади.

- Бу ерда ҳар ҳар қандай ҳолатда ҳам электр энергияси, ичимлик суви ҳамда кислород узилиши мумкин эмас. Барча электр генераторлари доимо шай туриши, кислород захиралари аввалдан етказиб берилиши шарт! – вилоят ҳокими барча масъулларга тегишли кўрсатмалар берди.

Шу пайтгача COVID-19 инфекцияси аниқланган беморлар Наманган шаҳридаги юқумли касалликлар шифохонасида даволанаётган эди. Аммо бугунги кунда касалликка чалиниш ҳолатлари кўпаяётгани сабабли марказни қайта очишга тўғри келди. Бу ерда вилоятимизнинг турли ҳудудларидан келтирилаётган беморларни даволаш учун барча зарур тиббий жиҳозлар мавжуд, дори воситалари захираси яратилган. Ҳозирда 100 нафарга яқин малакали тиббиёт ходимлари марказда ишлашга жалб қилинган.

Кўп таъкидланаётганидек, касаллик белгилари ва асоратлари бир хил эмас, ўзгариб турибди. Айни пайтда коронавирус юқтирган беморларда асосан, ҳолсизлик, бўғимлар оғриғи, диарея кузатилмоқда. Ўтган йил беморларда дастлабки босқичда ўпкада зарарланиш кузатилган бўлса, ҳозир касалликнинг беш-олтинчи кунидан бу хавф юзага келяпти.

Шу сабабли аҳолидан карантин қоидаларига қатъий риоя қилишлари ҳамда касалликка қарши эмлаш жараёнларида фаол иштирок этишларини сўраймиз.

Саломатлигимизни асраш ўзимизга боғлиқ – тиббий ниқоб тақиш, ижтимоий масофани сақлаш, соғлом турмуш тарзига амал қилсак касаллик биздан йироқ бўлади.

Эслатиб ўтамиз, айни пайтда вилоятда аҳолини оммавий эмлаш ҳамда рейд тадбирлари олиб борилмоқда. Ochish/sharhlash

2021-07-09 17:18:25 Ochish/sharhlash

2021-07-09 13:53:02 Россияда фуқаро вакцина деб оддий сув билан “эмланган”

РФ Калуга вилоятининг “Жуковский” номидаги марказий шифохонасида фуқаро коронавирусга қарши вакцина ўрнига сув билан “эмланган”. Ҳодиса жамоатчиликка ошкор бўлгач, вилоятдаги барча эмлаш пунктлари текширувдан ўтказилиши, бундай қўпол хатога йўл қўйган тиббиёт ходими эса ишдан бўшатилиши маълум қилинди. Бу ҳақда ТАСС ахборот агентлиги хабар бермоқда.

Ижтимоий тармоқларда ушбу ҳодиса Ўзбекистонда содир бўлгани ҳақида ҳам айрим хабарлар тарқалди. Ўзбекистон Соғлиқни сақлаш вазирлиги матбуот хизмати мазкур ҳодиса Ўзбекистонда бўлмаганини тасдиқлади.


@xushnudbek Ochish/sharhlash

2021-07-09 11:51:25 ​ССВ: Вакцинация бошлангандан бери юртимизда жами 869 минг нафардан ортиқ юртдошимиз коронавирусга қарши тўлиқ эмланди

8 июлда мамлакатимиз ҳудудлари бўйлаб 122529
доза COVID-19га қарши вакцина қўлланилди. Улардан:
1-босқич эмланганлар 88574 нафарни,
2-босқич эмланганлар 17116 нафарни,
3-босқич эмланганлар 16839 нафарни ташкил қилди.

Айни кунгача мамлакатимизда жами 4614894 доза вакцинадан фойдаланилди. Улардан:
1-босқич эмланганлар 2769107 нафарни,
2-босқичда эмланганлар 1387048 нафарни,
3-босқич эмланганлар 458739 нафарни ташкил қилди.

Шу кунгача тўлиқ эмланган фуқаролар 869867 нафарни ташкил қилмоқда.

8 июль кунидаги эмлаш кўрсаткичлари бўйича юқори ўринларни:
Фарғона вилояти (22637 доза),
Наманган вилояти (19260 доза),
Андижон вилояти (15564 доза) банд қилди.

Жами эмлашлар бўйича юқори кўрсаткичлар:
Наманган вилоятида 574236 доза,
Фарғона вилоятида 559892 доза,
Андижон вилоятида 531112 дозани ташкил қилмоқда.

Эмлаш жараёнлари давом этади.

Соғлиқни сақлаш вазирлиги
Матбуот хизмати.

@ssvuz
@ssvmatbuotkotibi
@sanepidxizmat Ochish/sharhlash