2022-08-26 08:49:41
Ko’nikish…
“Tarki odat, amri mahol!”deganlaridek,
biz yangi odatga o’rganib unga amal qilgandan ko’ra , ko’pincha bizda shakllanib qolgan tushunchalar va fikrlarga rioya qilamiz… Chunki,
og’riqlarimizga ko’nikib qolganmiz va bu biz uchun sinlagan usul deb o’ylaymiz.
Kimdir yangi bilim olishga qo’rqadi, kimdir yangi ish boshlashga yana kimdir esa, yangi munosabat o’rnatishga cho’chiydi. Bizda aslida uning nima bo’lishi haqida to’laqonli tasavvur bo’lmasdan turib, boshqalarning hayot tajribalarida ko’rgan bilimlarimizdan xulosa yasaymiz. Biroq chiqarayotgan xulosalarimizning mohiyati bilan qanchalik qiziqamiz. Agar atrofdagi xulosa berayotgan insonlarda ijobiy, yetuk inson timsoli bo’lmasachi? Ularda vayronkor yoki zaifliklik bo’lsachi ? Unda nima bo’ladi. Biz ularning maslahati bo’yicha yashab, ko’nikishni boshlaymiz…
E’tiborli bo’ling fikrlarga, sizga aytilayotgan so’zlarga! Boshqalar ta’siriga tushish bu juda achinarli holat, qachonki inson mustaqil fikrlay olmas ekan, o’z shaxsiyatini anglay olmas ekan, u inson boshqalarning fikriga tobe bo’lishni va ko’r-ko’rona ularning ko’rsatmalarini bajarishni boshlaydi. Inson doim izlanishda bo’lishi , o’qib o’rganishi kerak. Va eng asosiysi, yangiliklardan qo’rqmasligi kerak. Axir hech bir harakatni boshlab ko’rmasdan turib qayerdan bilamiz, uni qanday yakun topishini…
Shu sabab yangiliklarga ochiq bo’lish bu insonga doim yashash zavqini beribgina qolmay balki, o’tayotgan vaqtini ham qadrlashni o’rgatadi…
Nafisa Olg’irova
1.3K views05:49
N
