НИЯТИНГИЗГА БЕФАРҚ БЎЛМАНГ
Динимизда жуда кўп нарса ниятга боғлиқ. Доимо дуо қилаётганда ниятни тўғри қила билиш керак экан. Аллоҳдан тортинмай бекаму кўст сўрайвериш лозим. У Мехрибон Зот. Истаганимиздан кўпроғини ҳам беради. Шахсан ўзим ҳам Роббимдан йиғлаб сўраган нарсамни аслида тоқатим кўтара олмаслигини кейин, Аллоҳ уни рўёбга чиқаргач англадим..
Афғонистонлик Ҳасан Маъруф етти йил фарзанд кўрмади. Юрагида нуқсони борлиги учун ҳамиша Аллоҳга, "Роббим наслимни давом этишини кўрмасимдан жонимни олмагин", деб дуо қиларди. Еттинчи йил у ўғил фарзанд кўрди. Туғуруқхонага чақалоқни кўргани шошилди. Ўғлини кўриб қувончи ичига сиғмади...
Маъруф оталик бахтини ҳис қилишга улгурди, аммо туғуруқхонадан чиқмади...Юрак хуружидан омонатини топширди..
Аёлининг кўзларида жиққа ёш билан айтган сўнгги сўзлари туғуруқхонани ларзага келтирди:
"Армонингиз қолмади бегим, наслингиз давом этади!". Улашингhttps://telegram.me/Muxlisuz
