2023-02-08 11:58:51
#xazina
Yodimda bor, bolaligimda opa-ukalar haddan tashqari to‘palon qilsak, buvim rahmatli "bejag‘im" bo‘malaring derdilar. Shu so‘z qulog‘imga rosa g‘alati eshitilardi.
Nihoyat mana shu so‘z qayerdan olinganini topdim.
"Bejag‘im" - "Bejoy" - joysiz, makonsiz, ya’ni bolalarga qarata aytilganda bir joyda turmaydigan, "yerga ursang osmonga sapchiydigan" degani ekan.
Buvim maktabni ikkinchi yoki uchinchi sinfini zo‘rg‘a tugatganman, otam qo‘ymaganlar o‘qishga,- derdilar.
Hozir o‘ylab qolaman, o‘sha paytlar bilim berish shunaqa zo‘r bo‘lganmi yoki odamlarni o‘zi boshqacha zukko edimi?!
Bunday deyishimning sababi, hozirga qadar buvimni eslaganimizda quloqni "tetiklashtiradigan" ajoyib iboralar va so‘zlarini ko‘p eslaymiz. Agar bizga o‘xshab 9-11-sinflar-u, insitutlarni tugatganlarida bilmadim katta tomli kitoblar yozgan bo‘larmidilar...
Gapning indallosi, bugundan sizlarga "boshqacha" so‘zlarning ma’nosini ilinib boraman.
@muqaddasfayozova
14 viewsMuqaddas FAYOZOVA, edited 08:58