2023-04-19 11:05:07
2023-yil 30-aprel - O‘zbekiston Respublikasi Referendumi kuni
April 30, 2023 –Referendum day in Uzbekistan
Hurmatli O‘zbekiston fuqarolari!
O‘zbekistonning yangi Konstitutsiyasi bo’yicha referendumi 30-aprel kuni O‘zbekistonning Vashington shahridagi Elchixonasi va New York shahridagi Bosh konsulxonasida o‘tkaziladi.
Ushbu sanada Referendumda ishtirok etish imkoniyatiga ega bo‘lmagan fuqarolar uchun AQShning ushbu shaharlarida muddatidan oldin ovoz berish uchun ko‘chma referendum uchastkalari tashkil etiladi:
- 20-aprel kuni Philadelphia (manzil: 10663 Bustleton Ave, Pennsylvania 19116, vaqti: 16:00-19:00);
- 21-aprel kuni Orlando (manzil:8009 Orange Ave Orlando, Florida 32809, vaqti: 09:00-15:00);
- 22-aprel kuni Brooklyn (manzil:16 Avenue О, Brooklyn, New York 11204, vaqti: 15:00-18:00);
- 23-aprel kuni Paykesville (manzil: 1004 Reisterstown Road, Pikesville, Maryland – 21208, vaqti: 09:00-15:00);
- 23-aprel kuni Burlingame (manzil: 1818 Gilbreth Rd, unit 228 Burlingame, California 94010, vaqti: 17:00-20:00);
- 23-aprel kuni Dover (manzil: Princeton Avenue 4, Dover, New Jersey 07801, vaqti: 12:00-15:00);
Bundan tashqari, 19-apreldan 26-aprelga qadar ertalab soat 09:00 dan kech 18:00 gacha Vashingtondagi Elchixona va New Yorkdagi Bosh konsulxona binosida ham muddatidan oldin ovoz berish imkoniyati yaratiladi.
Referendum kuni 18 yoshga to‘lgan O‘zbekiston fuqarolari ovoz berish huquqiga ega bo‘lib, ulardan uchastka referendum komissiyasiga o‘z shaxsini tasdiqlovchi hujjat, xususan, O‘zbekiston pasporti, ID kartasi, harbiy guvohnomasi yoki Vatanga qaytish guvohnomasini taqdim qilish so‘raladi.
Yuqoridagi joylardagi referendum tadbirlarida ko‘p sondagi fuqarolarimizning ishtirok etishi kutilmoqda. Shu bois, Siz ham referendumda qatnashib, vatandoshlarimiz bilan qiziqarli uchrashuvlar, xalqimizning boy madaniy-ma’rifiy merosi va O‘zbek mehmondustligi namunalaridan baxramand bo‘lasiz.
Amerikada istiqomat qilayotgan barcha fuqarolarni o‘z konstitutsiyaviy huquqidan foydalanish uchun yuqorida ko‘rsatilgan referendum uchastkalaridan birida ovoz berishga chaqiramiz.
Ehtirom bilan,
O‘zbekistonning AQShdagi Elchixonasi va New Yorkdagi Bosh konsulxonasi
Aloqa uchun: tel:, 202-8875300, +212-754-7403, +202-251-8298
3.6K views08:05