ТАРОЗИ (24. 09 — 23. 10) Агар шахсий бизнесингизни айнан буг | 🌟Munajjimlar bashorati ⚡
ТАРОЗИ (24. 09 — 23. 10)
Агар шахсий бизнесингизни айнан бугун очишга қарор қилган бўлсангиз, қатъиятли ва қайсарроқ бўлишингиз тавсия қилинади. Ҳужжатларни кўздан кечиринг. Шундан сўнг бел бойлаб ишга тушинг. Пул тикиш масаласи ҳам олдиндан режалаштирилган бўлиши лозим. Дам олиш ва тўғри овқатланишга амал қилмасангиз, куннинг иккинчи ярмида ёки кечки пайт саломатлигингиз салбий тарафга ўзгариши мумкин. Жисмоний меҳнатдан бугунча воз кечинг.
ЧАЁН (24. 10 — 22. 11)
16 январ куни истакларингизни ўзингиз чегаралаб қўймасангиз, қаршингизда чексиз имкониятлар эшиклари очилади. Янги танишувлар ташкил этишдан, дўстлар билан суҳбатлашишдан ва иш юзасидан керакли одамлар билан келишувларга эришишдан тийилманг. Кун мобайнида дуч келган ишга қўл уриб кетаверишдан сақланинг. Иложи борича энг муҳим ишларни бажаринг. Илгариги лойиҳаларни келаси ойда ҳаётга тадбиқ этсангиз ҳам бўлаверади.
ЎҚОТАР (23. 11 — 21. 12)
Эрталабдаёқ илгари бартараф этилмай қолиб кетган муаммоларга қайтинг. Уларни тез фурсатда ижобий ҳал этишга ҳаракат қилинг. Бу ишларни адо этишда эса тафаккурга суянинг. Кечки пайт айримлар олис сафарга отланишлари кутилади. Сафар давомида ёқимли хабарлар эшитасиз. Бугун спортнинг фаоллик талаб қиладиган турлари билан шуғулланиш, табиат қўйнига чиқиб дам олиш муваффақиятли кечади.
ТОҒ ЭЧКИСИ (22. 12 — 20. 01)
16 январда кимлардир сизни бефойда ишлар ва суҳбатлар билан банд қилиб қўймаса, режадаги ишларингизни хотиржамлик билан адо этаверишингиз мумкин бўлади. Жуда бўлмаса, бандлигингизни айтсангиз ҳам осмон узилиб ерга тушмайди. Молиявий муаммоларни кечга қадар тўлиқ бартараф эта олмайсиз. Шунинг учун ортиқча зўриқишингиз учун асос йўқ. Кечқурун оила қурмаганлар романтик учрашувга отланишлари кутилмоқда. Вақтингиз чоғ ўцин!
ҚОВҒА (21. 01 — 19. 02)
Оғир вазиятда қолиб кетишни хоҳламасангиз, содир бўлаётган ҳодисаларга тийрак кўз билан боқинг. Ҳар дақиқада ҳушёр туринг. Иблиснинг етагида қолиб кетишдан сақланинг. Ҳеч кимга қарз берманг ва ўзингиз ҳам банклардан кредит олишни эсдан чиқаринг. Шахсий ҳаётингизда ғалати бир ҳодиса содир бўлиши мумкин. Ишқилиб яхшиликка бўлсин.
БАЛИҚ (20. 02 — 20. 03)
16 январ куни эрталаб ишхонангиздаги раҳбарлар билан муносабатларингиз ёмонлашуви кутилади. Лекин сўнгги қарорга келишдан олдин ҳамкасбларнинг бири билан маслаҳатлашинг. Қилган ишларингизни таҳлил қилинг, агар хатога йўл қўйган бўлсангиз, уларни тузатишга ҳаракат қилинг. Ишга кечикишни ҳам бас қилинг. Шахсий ҳаётингизда танаффуслар кутилади.
