ҚЎЙ (21. 03 — 20. 04) Агар вужудингиз билан ишга шўнғиб кетма | 🌟Munajjimlar bashorati ⚡

ҚЎЙ (21. 03 — 20. 04)

Агар вужудингиз билан ишга шўнғиб кетмасангиз, кунингиз ёқимли ва унумли кечади. Гарчи тез фурсатда адо этилиши лозим бўлса-да, ишларни четга суриб, танаффус эълон қилинг. Акс ҳолда шахсий ва молиявий муаммолар, энг муҳим масалалар ҳал этилмай қолиб кетиши мумкин. Кечқурун ўта муҳим қарор қабул қилишингиз зарур бўлади. Шунинг учун тайёр туринг, бардошли бўлинг. Кечқурун тоза ҳавода сайр қилинг.

БУЗОҚ (21. 04 — 21. 05)

16 январда ишларингизни эркин график бўйича адо этишингизга тўғри келади. Шунда ҳар бир ишга ижодий ёндашиш имконига эга бўласиз. Шу билан бирга анча-мунча энергия ҳам сарфлашингиз лозим бўлади. Оилавий муаммоларни сизнинг ўрнингизга яқинларингиздан бири бартараф этгани маъқул. Кечқурун у қадар ёқимли бўлмаган хабарни етказишлари мумкин. Асабларни кўз қорачиғидек асранг, ўзингизни эҳтиёт қилинг.

ЭГИЗАКЛАР (22. 05 — 21. 06)

Куннинг биринчи ярмида ўзингиз учун кичик бўлса-да, байрам уюштиринг. Байрамга анчадан бери кўришмаган дўстларни таклиф этсангиз, кайфиятингиз янада яхшиланади. Яқинда шахсий бизнесини очганлар учун ҳам бугунги кун унумли, муваффақиятли кечиши кутилмоқда. Сотишга қўйган маҳсулотларингиз жуда қисқа фурсатда сотилиб кетади ва кечқурун даромадини санаб оласиз. Кўз тегмасин!

ҚИСҚИЧБАҚА (22. 06 — 23. 07)

16 январ куни ғам-ташвишларга ён бериб четга чиқиб кетишдан сақланинг. Аксинча фаоллик билан қилиниши керак бўлган ишларга қўл уринг. Тўғри, моддий аҳволингиз яхши эмаслиги кайфиятингизни бузиши табиий ҳол. Лекин буни тўғриласа бўлади. Сиздан қарзи борларга шу ҳақда эслатиб қўйишни унутманг. Бунинг сира уяти йўқ. Тўғри эмасми? Кун давомида фирибгар ва ёлғон ҳисобига кун кўрадиганлар таъсирига тушиб қолишдан эҳтиётланинг.

АРСЛОН (24. 07 — 23. 08)

Бугунги кунингиз жуда ўзгарувчан кечиши кутилади. Бир қарасангиз, кайфиятингиз ё тушиб кетади, ё кўтарилади. Бир қарасангиз, вазият янгича тус олади, тузган режаларингиз барбод бўлади. Молиявий масалада жуда сергак туринг. Ҳар бир қадамингизни ўйлаб босинг, ҳар бир гапни мулоҳаза қилган ҳолда гапиринг. Айниқса, тадбиркорлар катта бир лойиҳага пул тикиш арафасида бўлсалар бу жуда зарур. Куннинг иккинчи ярмида фарзандлар ва рўзғор икир-чикирларига кўпгина пул сарфлаб қўйишингиз мумкин. Бироқ бу билан инқирозга юз тутмайсиз.

ПАРИЗОД (24. 08 — 23. 09)

16 январда нима қилсангиз қилинг, аммо ишхонангиздаги раҳбарлар назарига тушиб қолманг. Йўқса шундай бир вазият юзага келадики, кайфиятингиз бир пул бўлгани етмай, шахсий ҳаётингизга ҳам бу учрашув салбий таъсир кўрсатиши мумкин. Кечқурунга яқин ёқимли хабар эшитасиз. Сизга эски танишлардан бири қўнғироқ қилиб, сердаромад иш юзасидан ҳамкорлик таклиф қилади. Иложи бўлса, кўпроқ тоза ҳавода вақт ўтказинг. Сурункали хасталикка йўлиққан бўлсангиз, тоза ҳаво сиз учун сув ва ҳаводек зарур.