ТАРОЗИ (24. 09 — 23. 10) Бугун яқин келажакка мўлжалланган р | 🌟Munajjimlar bashorati ⚡
ТАРОЗИ (24. 09 — 23. 10)
Бугун яқин келажакка мўлжалланган режаларни қайта кўриб чиқишингиз тавсия қилинади. Шунда иллюзия асирига айланмаслигингиз мумкин. Ишингизни ўта фаоллик билан адо этинг. Жиддий тўсиқларга эрк берманг. Билим олиш, турли курсларга қатнаш ва ижод билан шуғулланиш куннинг иккинчи ярмида хайрли кечади. Муҳаббатда сизни жумбоқли ҳолат кутиб қолади. Оиласизлардан айримларининг севгилиси учрашувга келмайди. Ишқилиб, яхшиликка бўлсин!
ЧАЁН (24. 10 — 22. 11)
10 январ куни тақдир тутқазганига шукр қилинг. Анчадан бери сиз билан илиқ муносабатда бўлиб келган бир инсон бугун корингизга яраши мумкин. Куннинг иккинчи ярмида сизни олқишлар кутади. Ўзингизни йўқотиб қўйманг. Тадбиркорлардан кимдир кечқурун хориж сафарига жўнаб кетиши мумкин. Сафарингиз албатта муваффақиятли ҳамда мазмунли кечади, ишонинг. Сурункали хасталикка йўлиққанлар муолажа ва профилактика масаласини унутиб қўймасинлар.
ЎҚОТАР (23. 11 — 21. 12)
Оила қуришга улгурмаган дўстларимизнинг аксарияти бугун куннинг биринчи ярмида бўлғуси жуфтини учратиб, танишишлари ҳақиқатга яқин бўлиб турибди. Бундан шундай қувониб кетасизки, дунёда сиздан-да бахтлироқ инсон бўлмайди. Фақат яқин келажакда муносабатларни тезроқ мустаҳкамлаш чорасини кўринг. Биринчи навбатга оила ва уй юмушларини қўювчилар учун кечқурунги дам олиш ва яқинлари билан кечадиган мулоқотлар мазмунли ўтади.
ТОҒ ЭЧКИСИ (22. 12 — 20. 01)
10 январда тик оёқда қаттиқ, мустаҳкам туриш пайида бўлинг. Акс ҳолда қаёқдаги ёмон ниятли кимсалар сизни бир зарба билан четга итқитиб ташлашлари ҳеч гап эмас. Шахсий ҳаётда эрталабоқ қарор қабул қилган бўлсангиз, қарорингиздан воз кечманг. Оила мустаҳкамлиги, аҳиллиги, муносабатларга алоҳида эътибор билан ёндашинг. Кечқурун уйингизга чақирилмаган меҳмонлар ташриф буюриш эҳтимоли бор.
ҚОВҒА (21. 01 — 19. 02)
Сўнгги ҳафта ичида қандай ишларга қўл урган бўлсангиз, бугун куннинг биринчи ярмида ҳисоботини тайёрлаб тегишли хулосалар ясанг. Бугун тадбиркорлик сари ташланган илк қадамлар албатта муваффақиятли кечади. Тушдан кейин бемалол банкдан кредит олиб, тегишли ҳужжатларга имзо чекишингиз ва хизмат сафарига жўнаб кетишингиз ҳам мумкин. Қатъиятлилик билан қабул қилинган қарорлар кечқурунга бориб ўз натижасини беради. Бардам бўлинг!
БАЛИҚ (20. 02 — 20. 03)
10 январни узоқ вақт эслаб юрадиган кўринасиз. Чунки бугун ёрқин ҳодисалар, эмоциялар, муҳаббат шу қадар кўп ва хўб бўладики, бахтдан бошингиз гир-гир айланса ҳам ажаб эмас. Асосийси, уларни деб асосий ишингизни унутиб қўйманг. Йўқса, жиддий хатога йўл қўйиб ишдан ҳайдалишингиз ҳам ҳеч гап эмас. Кечқурун ёқимли хабарлар эшитасиз, дўстлар билан учрашиб, мулоқот қиласиз.
