ТАРОЗИ (24. 09 — 23. 10) 5 январда оқимга қарши сузишни хоҳл | 🌟Munajjimlar bashorati ⚡
ТАРОЗИ (24. 09 — 23. 10)
5 январда оқимга қарши сузишни хоҳлаб қоласиз. Негадир шуни ихтиёр этасиз. Лекин билинг, бу сизни боши берк кўчага олиб киради. Шунинг учун муаммони ижобий ҳал этиш учун курашнинг бошқачароқ, қалтис бўлмаган йўлини танланг. Профессионал касбингиз билан боғлиқ ишларни адо этаётганда, пулнинг кетидан қувманг. Шундай берилиб ишлангки, борлиғингиз иш билан қоришиб кецин. Бу сизга ҳам пул келтиради, ҳам ўзингиз бажарган ишдан ҳузур қиласиз.
ЧАЁН (24. 10 — 22. 11)
Куннинг биринчи ярмида азалий орзуларингиздан бири ҳақиқатга айланиши мумкин. Тайёр туринг. У шундай катта тезликда ҳақиқатга айланадики, беихтиёр ўзингизни йўқотиб қўйишингиз турган гап. Оилалилар кўпдан бери бирга яшаб келаётган жуфтини арзимас баҳона билан танқид остига олмасинлар, кўнгли оғрийди. Инжиқликларни, принспиалликларни кўчада қолдиринг-да, ана ундан кейин уйга киринг.
ЎҚОТАР (23. 11 — 21. 12)
5 январда аҳмоқгарчиликларга йўл қўйиш, хатолар, бепарволиклар, лоқайдликлар сира кечирилмайди. Шу қоидага ҳам шахсий ҳаётда, ҳам ишда қатъий амал қилинг. Ортингизда сизни ғийбат қилувчилар, сизга ҳасад қилувчилар ғимирлаб қолиши кутилмоқда. Уларга қарши бекитиқча кураш олиб боринг. Кечқурун айримлар хизмат сафарига жўнаб кетиши мумкин. Овқатланиш режимини зинҳор буза кўрманг.
ТОҒ ЭЧКИСИ (22. 12 — 20. 01)
Бугун ишда пухта режали, харидларда ҳушёр, тежамкор бўлинг. Бусиз ишларингиз бароридан келмайди, пала-партиш қилинган харидлар туфайли бор пулингизни ҳавога совурасиз. Ёки харидлар қилишни бугунча тўхтатиб турсангиз ҳам зиён қилмайди. Оилангиз, рўзғорингиз билан боғлиқ ишларни биринчи ўринга қўйинг. Баъзилар кечқурун узоқ муддатли хизмат сафарига фавқулодда жўнаб кетишлари мумкин. Ўзингизни эҳтиёт қилинг. Душманлар назаридан сақланинг.
ҚОВҒА (21. 01 — 19. 02)
5 январ куни кимлардандир қарзингиз бўлса, куннинг биринчи ярмида узиб қўйишингиз тавсия қилинади. Бугундан қолдирсангиз, охири яхши бўлмаслиги мумкин. Оилалилар ҳаётида кичик жанжаллар юзага келиш эҳтимоли бор. Ҳойнаҳой, бу жанжаллар ҳам сизнинг эҳтиёцизлигингиз туфайли юзага келса керак. Оғирроқ бўлинг. Асабларни асранг.
БАЛИҚ (20. 02 — 20. 03)
Бугун шахсий ҳаётингизда ажойиб бир туб бурилиш кузатилиши мумкин. Азалдан нимани ўйлаб юрган бўлсангиз, амалга ошади. Тушдан кейин кўчада бир инсон билан тасодифан танишиб қолишингиз эҳтимоли бор. Бу танишув дунёга бўлган қарашларингизни буткул ўзгартириб юбориши турган гап. Ижодкорларни кун давомида илҳом парилари тарк этмаслиги кутилади. Шу баҳонада бир-биридан ажойиб асарлар яратсангиз, ажаб эмас. Саломат бўлинг.
