ҚЎЙ (21. 03 — 20. 04) 5 январ куни ташвишларингиз керагидан ҳ | 🌟Munajjimlar bashorati ⚡

ҚЎЙ (21. 03 — 20. 04)

5 январ куни ташвишларингиз керагидан ҳам кўпроқ бўлади. Қарзларни узиш, рўзғордаги муаммоларни бартараф этиш ва тадбиркор бўлсангиз, ҳамкорлар билан иш юзасидан янги келишувларга эришиш билан кунингиз ўтади. Оилавий ҳаётда жуда ёқимли бир хабар эшитишингиз кутилади. Бу ё янги меҳмон туғилиши, ё янги квартирага кўчишингиз билан боғлиқ хабар бўлиши мумкин. Кун давомида хотиржамликка эътибор қаратинг.

БУЗОҚ (21. 04 — 21. 05)

Бугун имкон доирасида кўнгли очиқ, ҳазил-мутойибага мойил одамлар билан мулоқот қилинг. Қора кўнгил кимсалар билан тиллашиб барака топмайсиз. Бекорга кайфиятингизни бузганингиз қолади. Бугун табиат қўйнида дам олиш, кабобхўрлик, дўстона зиёфатлар уюштириш, ҳаммомга бориш учун жуда қулай кечади. Кечқурун тоза ҳавода сайр қилинг. Ухлашга ётишдан олдин енгил ҳазм бўлувчи таомлар, масалан, ёгурт истеъмол қилинг.

ЭГИЗАКЛАР (22. 05 — 21. 06)

5 январда кунингизни қатъий тартибда режалаштириб олинг. Режасиз ҳаракатлар фойда келтирмайди. Режали ҳаракатлар эса аксинча ҳам даромад, ҳам обрў, ҳам хуш кайфият бахш этади. Бу реклама ёки ижод билан шуғулланадиганларга ҳам тааллуқли. Кечқурун ёрқин бир учрашувни бошдан кечиришингиз эҳтимоли бор. Бугун ухлаб кўрадиган тушингиз ўнгидан келиши мумкин. Тоза ҳаво сайрини ҳам унутиб қўйманг.

ҚИСҚИЧБАҚА (22. 06 — 23. 07)

Ишингиз юришмаса, моддий аҳволингиз нолга тушиб қолса-да, барибир ҳийла, найранг, ёлғон ва хиёнатга муккангиздан кетманг. Ундан кўра ҳаётга реал кўз билан боқишга одатланинг. Оила қурмаганларнинг аксарияти бугун тушдан кейин муҳаббат шаробини тотишади. Романтика оғушида вақт ўтказишади. Бундан танлаганингиз ҳам беҳад мамнун тортади. Кечқурун сершовқин давралардан қочинг.

АРСЛОН (24. 07 — 23. 08)

5 январ куни ўзингизни худди қўл-оёғи кишанланган банди каби ҳис эта бошлайсиз. Кимдан нимани сўраманг, рад этаверади. Сиз дунёни янада гўзаллаштиришни хоҳлайсиз, изн бера қолишмайди. Муҳаббат бу муаммога барҳам бера олади. Айнан у сизга хуш кайфият бахш этиб, кўнгил ғуборларингизни ҳайдаб солади. Молиявий масалада ҳалол пешона тер эвазига тўплаган пулларингизни таваккалчиликка асосланган мақсадларга сарфлаб қўйманг.

ПАРИЗОД (24. 08 — 23. 09)

Бугун эрталабдан зарарли одатларга қарши курашга отланинг. Бундай одатлар сизда камчиликни ташкил этса-да, барибир курашишдан тийилманг. Интернет орқали ўзингиз учун фойдали адабиётларни топиб мутолаа қилишингиз ҳам фойдадан холи бўлмайди. Молиявий муаммоларни ҳал этишда сизга ёрдамчилар жуда зарур бўлади. Айниқса, шахсий бизнесингиз бўлса, бир ўзингиз бу муаммони бартараф эта олмайсиз.