ҚЎЙ (21. 03 — 20. 04) Бугун ҳаётингиздаги барча ноқулайликлар | 🌟Munajjimlar bashorati ⚡
ҚЎЙ (21. 03 — 20. 04)
Бугун ҳаётингиздаги барча ноқулайликлар, сизга зиён етказадиган энергетикадан халос бўлиш учун шай туринг. Ана ўшанда ёмонликлар аслида қаердан келишини билиб оласиз. Қолаверса, бугун қийналган, кўмак сўраганлардан ёрдамингизни аяманг. Сизнинг саховатингиз ҳеч қачон жавобсиз қолмайди. Барчага яхшилик қилиш асносида ўз бахтингиз, ҳаловатингиз сари талпинишдан тойманг. Кечқурун тоза ҳавода сайр қилинг.
БУЗОҚ (21. 04 — 21. 05)
4 январда назарингизда бажараётган ишларингиз бефойдадек туйила бошлайди. Аммо қалбингизга мурожаат этишни, унга қулоқ тутишни ҳам унутманг. У сизга албатта тўғри йўл кўрсатади. Бугун ёқимли мусиқа тинглаш, походга чиқиш, театрга тушиш хайрли кечади. Оиласизларни кечқурун романтик учрашувга таклиф қилишади. Овқатланиш меъёрини бузманг. Режимга амал қилинг. Айримлар айнан кечқурун бош ва ошқозон оғриғидан безовталанишлари мумкин. Оғриқларга қарши курашда халқона усуллар асқотади.
ЭГИЗАКЛАР (22. 05 — 21. 06)
Атрофдагилар билан жанжаллашмаслик, ўртада англашилмовчиликлар юзага келмаслиги учун ўз устингизда ишланг. Агар вазиятни тўғри баҳолай олсангиз, ҳаётингиз тобида бўлади. Куннинг иккинчи ярмида илгари бажарилмай қолган ишларни охирига етказиб қўйишингиз лозим бўлади. Шахсий ҳаётда эса яқинларингиз ишончини оқлаш учун хизмат қиладиган усуллардан унумли фойдаланинг. Тунда оғир ҳазм бўлувчи таомлар истеъмолидан тийилинг.
ҚИСҚИЧБАҚА (22. 06 — 23. 07)
4 январ куни ўзгаларнинг ишига аралашсангиз, жуда ноқулай вазиятда қолиб кетишингиз турган гап. Бировларни танқид қилишдан тийилинг. Ундан кўра шахсий муаммоларингизни бартараф этиш ҳақида қайғуринг. Сафарга чиқиш, самолётда парвоз қилиш учун бугунги кун жуда қулай ва хайрли кечади. Агар меҳнат ёки ўқиш таътилида бўлсангиз, бемалол жомадонга керакли буюмларни жойлаб, сафарга отлансангиз бўлади.
АРСЛОН (24. 07 — 23. 08)
Тадбиркор бўлсангиз, принсипиалликдан қочинг. Бу одат билан фойдали шартномаларни имзолай олмайсиз. Тушдан кейин жуда муҳим бир хабарни етказишади. Оиласизлар эса куннинг иккинчи ярмида бир кўришда муҳаббат деб аталмиш жараённи бошдан ўтказишлари мумкин. Бу имкониятни зинҳор қўлдан чиқара кўрманг. Кечқурун спортнинг фаол турлари билан шуғулланинг. Бу машғулот ёқмаса, яқинларингиз билан ширин суҳбатлар қуринг.
ПАРИЗОД (24. 08 — 23. 09)
4 январда кайфиятингиз аълолигидан еттинчи осмонларда парвоз қилишингиз кутилади. Лекин бу сизга фақат зиён етказиши мумкин. Энг қулай имкониятларни ва мўмай даромадни қўлдан чиқарасиз. Шундай экан, еттинчи осмонни бошқа кунга қолдира туринг. Саломатлигингизга ҳеч нарса хавф солмайди. Фақат янги йил байрамидан кейинги чарчоқлар ва кетган пуллар маъюс торттириши мумкин. Бардам бўлинг. Кечқурун тоза ҳавода сайр қилинг.
