ТАРОЗИ (24. 09 — 23. 10) 21 апрел сизнинг кунингиз. Руҳан енг | 🌟Munajjimlar bashorati ⚡

ТАРОЗИ (24. 09 — 23. 10)

21 апрел сизнинг кунингиз. Руҳан енгил бўласиз, кун бўйи тақдирнинг ўзи сизга ажойиб совғаларни ҳозирлаб туради. Моддий жиҳатдан эса ажойиб бир инсон пайдо бўладики, бу масалада қайғуришга умуман ҳожат қолмайди. У сизга нафақат моддий, балки маънавий етуклик ҳам ҳадя қилади. Ишда ҳамкасблар билан ҳазил-мутойиба орқали тиллашинг. Кечқурун уйингизга анчадан бери кўришмаган дўстингиз ташриф буюриши мумкин.

ЧАЁН (24. 10 — 22. 11)

Оила қурмаганлар яқиндагина танишган одам билан боғлиқ катта режалар тузмай тургани маъқул. Олдин уни назоратдан ўтказинг, сизга мосми, йўқми, шуни аниқланг. Мўмай даромаддан бугун умид қилмасангиз ҳам бўлади. Чунки олдингизда турган йирик режалар ҳали амалга ошганича йўқ. Куннинг иккинчи ярмида сурункали хасталиклар қўзғалиш эҳтимоли бор. Олдини олган ҳолда зарур дори-дармонларни тахт қилиб қўйинг.

ЎҚОТАР (23. 11 — 21. 12)

21 апрел куннинг биринчи ярмида фириб исканжасида қолишингиз хавфи сезиляпти. Агар шу вазифтдан ақл билан силлиқ чиқиб кетмасангиз, узоқ вақт азобланиб юришингизга тўғри келади. Бугун ишингизни, истеъдодингизни тўғри баҳолайдиганлар билангина ҳамкор бўлинг. Ортиқча вазндан қийналаётган бўлсангиз, чорасини кўриш пайти етди. Спорт ва парҳез сизга ёрдам беради. Кечқурун имконингиз бўлса, бассейнда чўмилинг, сузиш машқларини бажаринг. Бу ҳам сизга енгил тортишингизда ёрдам беради.

ТОҒ ЭЧКИСИ (22. 12 — 20. 01)

21 апрел куни ҳар бир адо этиладиган ишнинг пухта режасини тузинг. Дўстлар ёрдамидан воз кечманг. Шахсий ҳаётингизда ҳам бугун омадингиз кулади. Ҳамкасблар сизга кутилмаган совғалар тайёрлаб туришибди. Ишларингизни жамоавий тарзда бажаришга ҳаракат қилинг. Ўшанда даромад ҳам, унум ҳам сизники бўлади. Иммунитетингизни кўтармоқчи бўлсангиз, мева шарбатларини ичиб юринг. Кечқурун спиртли ичимликлар истеъмолига берилманг. Рамазон ҳайит байрами муборак бўлсин.

ҚОВҒА (21. 01 — 19. 02)

Бугун уйни капитал таъмирдан чиқариш ва янги уйга кўчиб ўтиш муваффақият келтиради. Рамазон ҳайити байрамини кўтарингки руҳда ўтказасиз. Шахсий ҳаётингизда ҳам тақдирнинг ажойиб совғаси тайёр турибди. Оилангизда янги меҳмон дунёга келиши мумкин. Оила қурмаган бўлсангиз, бугун тақдирингизни боғлаш мумкин бўлган одам билан танишасиз. Агар кечга қадар ишларингизни дўндира олсангиз, мукофотини албатта оласиз.

БАЛИҚ (20. 02 — 20. 03)

Шахсий ҳаёт масаласида бир қарорга келмасангиз бўлмайди. Оилангизда келишмовчиликлар, шубҳа-гумонлар кезиб юрибди. Улардан халос бўлишнинг бирдан бир йўли ишончдир. Жуфтингизга қаттиқ ишонсангизгина, бахт қасрини мустаҳкамлай оласиз. Кечки пайт ўзингиз учун қимматли бир инсондан совға қабул қилиб олишингиз кутилади. Оиласи йўқларга романтик учрашувлар бугун бир олам шодлик бахш этади. Рамазон ҳайити байрамингиз муборак бўлсин.