ҚЎЙ (21. 03 — 20. 04) Бугун нафақат ўзингиз, балки яқинларин | 🌟Munajjimlar bashorati ⚡

ҚЎЙ (21. 03 — 20. 04)

Бугун нафақат ўзингиз, балки яқинларингизга тегишли муаммоларни ҳам гарданингизга юклашингиз керак бўлади. Рўзғор шундоқ гирибонингиздан олади-ю, қўйиб юбормайди қўяди. Эмоцияни назоратда ушланг. Бўлмаса, бирор аҳмоқликларга қўл уриб қўйишингиз ҳеч гап эмас. Молиявий муаммолар бугун қаршингизда қўл қовуштирганча буйруғингизни кутади. Уларни бартараф этишда гўё чақмоққа, момоқалдироққа айланасиз. Фақат одамлар билан мулоқотда тилингизга эҳтиёт бўлинг.

БУЗОҚ (21. 04 — 20. 05)

5 январ куни шахсий манфаатларингиз ва ҳамкасблар манфаатлари орасида бўзчининг мокисидек бориб келавермаслик учун сал жиддийлашинг. Хизмат сафари таклиф этишса ҳам борманг. Бекорга пул, вақт, куч, асаб йўқотганингиз қолади. Ишингиз билан боғлиқ янги лойиҳалар бўлса, уларни ёруғлик тезлигида ижобий ҳал этишингиз тавсия этилади. Кечқурун тоза ҳавода сайр қилинг. Тўғри овқатланинг. Шамоллаб қолишдан сақланинг.

ЭГИЗАКЛАР (21. 05 — 21. 06)

Дуч келган мушкулотдан нолийверсангиз, муваффақиятга эриша олмайсиз. Эзгу мақсадларга бардош ва темир ирода билан етишингиз лозим. Профессионал касбингиз билан боғлиқ ишларни бажаришда ҳам илҳом манбаини қидириб топинг. Чунки илҳом билан иш битиришнинг гашти ўзгача бўлади. Шахсий ҳаётингизда тузатиб бўлмайдиган хатоларга йўл қўйишдан ўзингизни эҳтиёт қилинг. Агар хаста қариндошлар бўлса, улар ҳолидан хабар олинг. Савобга эга бўлинг.

ҚИСҚИЧБАҚА (22. 06 — 22. 07)

5 январда қандай тадбирни белгилаган бўлсангиз, бошқа кунга қолдиришингиз лозим бўлади. Бугун руҳан тайёр эмассиз. Ҳаётга қандайдир янгиликни тадбиқ эта олмайсиз. Орқаваротдан таралаётган ғийбатлар ҳушёр бўлмасангиз, жуфтингиз билан орангиздаги муносабатларга путур етказиши мумкин. Ғийбат эгаларини топинг-да, юзига айтиб ташланг. Молиявий масалада бугун омадингиз чопади. Лекин харажатларни барибир назоратда ушлашингиз керак.

АРСЛОН (23. 07 — 23. 08)

Анча йиллар биргаликда мушкулотларни енгиб ўтган одамларни айнан бугун унутиб қўйманг. Имкон доирасида уларга қайта-қайта миннатдорчилик билдиринг, ҳурмат бажо айланг. Кун давомида биринчи ўринда овқатланишга эътибор қаратинг. Ҳеч қачон оч юрманг. Куннинг иккинчи ярмида анчадан бери қолиб кетган шахсий муаммоларни ҳам бартараф этишингизга тўғри келади. Кечқурун мўмай дародма эгасига айланасиз. Пулларни керак ерга ишлатинг.

ПАРИЗОД (24. 08 — 22. 09)

5 январ куни тадбиркорлардан кимнингдир рақобатчиси орқасидан аҳмоқона ишларга қўл уриш пайига тушиши мумкин. Алам қиладигани шуки, у одамнинг аслида ким эканини аниқлаш мушкул. Асосийси, ожиз жиҳатларингизни намойиш этиб қўйманг. Кечқурун хонадонингизга меҳмонлар ташрифи кутилмоқда. Ошпазлик санъатингизни намойиш этишингизга тўғри келади шекилли. Ўзингизни эҳтиёт қилинг.