ТАРОЗИ (24. 09 — 23. 10) Ҳамкасблар, ҳатто яқин дўстларга ҳа | 🌟Munajjimlar bashorati ⚡

ТАРОЗИ (24. 09 — 23. 10)

Ҳамкасблар, ҳатто яқин дўстларга ҳам қаттиқ ишониб юборишингиз тавсия этилмайди. Қалбингизгагина суянинг, ундан маслаҳат сўранг. Хаёлларни тартибга сола билсангиз, ишларингиз ўнгидан келгани ўша. Жуфтингиз, ёки бўлғуси жуфтингиз билан ёқимсиз мавзуларда суҳбатлар ташкил этманг. Шахсий бизнесингиз бўлса, рақобатчилардан ниҳоятда эҳтиёт бўлинг. Улар вақти келса, ўгай отадан ҳам ваҳшийроқ кимсага айланишади.

ЧАЁН (24. 10 — 22. 11)

4 майда хаёлот оламингиздаги катта пулларга ишониб қолманг. Орзулаш бошқа, пул топиш буткул бошқа. Реал ҳаётга реал кўз билан боқинг. Бугун оммавий тадбирларда иштирок этиш, табиат қўйнида дам олиб қайтиш, севишганлар учун кино, театрга тушиш жуда хайрли ҳамда ёқимли кечади. Тиш дўхтирига бориб тишларни даволатиш ҳам сизга ёқимли туюлади. Бу ҳақиқат. Кўпчилик рўзғордаги майда-чуйда ишлардан чарчаши мумкин. Ўзингизни қўлга олинг.

ЎҚОТАР (23. 11 — 21. 12)

Янги танишувлар сари талпинаётганлар учун бугунги кун қулай имкониятларни бажонидил ҳадя этади. Сиз ақлли ва бир-биридан яхши одамлар билан танишиб, бу танишувлардан бир олам илиқ таассуротлар оласиз. Рўзғордаги электр қуввати асосида ишлайдиган жиҳозлар бузилган бўлса, уларни мутахассиснинг ўзига қўйиб беринг. Чумчуқ сўйса ҳам қассоб сўйгани яхши-да, тўғри эмасми? Сафардан воз кечингки, бугун жароҳат олишингиз хавфи бор.

ТОҒ ЭЧКИСИ (22. 12 — 20. 01)

4 май куни анчадан бери сиз билан елкадош бўлган инсонлар диққат марказингизда бўлади. Улар билан бирга яна кўплаб юқори чўққиларни забт этишга киришасиз. Бироқ айрим қариндошлардан эҳтиёт бўлинг. Улар ишингиз орқага кетиши тарафдори. Кечқурун ўта ёқимли хабар эшитасиз. Кутилмаганда мўмай даромад эгасига айланасиз. Шахсий автомобилингиз бўлса, серқатнов йўлларда эҳтиётингизни қилинг.

ҚОВҒА (21. 01 — 19. 02)

Бугунги кунингиз кучли босим остида ўтиши кутилмоқда. Тез фурсатда адо этилиши лозим бўлган ишларингиз кўпайгандан кўпаяди. Сиз руҳан ўзингизга яқин инсонлар билангина мулоқот қилинг. Ҳасадгўй, кўнгли қора, миш-мишчи, ғийбат усталаридан ўзингизни олиб қочинг. Саломатлигингиз тобида бўлади. Лекин асаблар панд бериш арафасида. Уларни даволатиш керак. Кўпроқ вақтингизни тоза ҳавода ўтказинг. Бу ҳам асабни тинчлантиради.

БАЛИҚ (20. 02 — 20. 03)

4 майда катмонингиз гўё ёруғлик тезлигида пулга тўла бошлайди. Аммо бу ҳам ўзингизни тўлақонли бахтли ҳис эта олиш учун кам. Суяклигингиз билан муносабатларда романтика етишмаяпти. Бугун сафарга чиқиш, спорт билан шуғулланиш ва томорқада ишлаш қўшимча позитив тақдим этади. Оилангизда таъмир билан боғлиқ юмушлар ҳам сизни кутиб турибди. Бардам бўлинг!