ҚЎЙ (21. 03 — 20. 04) 2 май сиз учун ажойиб тарзда кечиши кут | 🌟Munajjimlar bashorati ⚡

ҚЎЙ (21. 03 — 20. 04)

2 май сиз учун ажойиб тарзда кечиши кутилмоқда. Албатта, уйда ўтириш ўрнига ташқарига чиқсангиз, янги танишувларни бошдан кечирсангиз, яхшилик сиз томонга юз буриши мумкин. Оила қурмаган бўлсангиз, бу романтик танишувдан иборат бўлиши мумкин. Ижодкорлар назарга тушар даражадаги асарларни яратиш учун янги усуллар ўйлаб топишлари зарур. Муҳаббатда жуфтингиз ёки бўлғуси жуфтингиз билан муносабатлар асли ҳолича сақланиб қолади. Ҳайит байрами муборак бўлсин.

БУЗОҚ (21. 04 — 21. 05)

Куч ва имкониятларингизни чамалаб олгач, янги лойиҳаларга, ишларга қўл уринг. У спорт бўладими, иқтисодга тааллуқлими, фарқи йўқ. Барибир сиз ғолиб бўласиз. Профессионал касбингиз билан боғлиқ ишларда, шахсий бизнесингиз бўлса, бизнесда омадингиз кулиши кутилади. Шахсий ҳаётингизда фавқулодда хавотирли лаҳзалар юзага келиши мумкин. Хотиржамликни қўлдан берманг. Саломатликни ва асабларни асранг. Ҳайит байрами муборак бўлсин.

ЭГИЗАКЛАР (22. 05 — 21. 06)

2 майда сизни мўмай даромад кутмоқда. Агар эрталаб керакли жойда, керакли вақтда ҳозир бўлсангиз, куним туғди деяверинг. Тадбиркорлар бугун олис сафарга отланишлари мумкин. Лекин борадиган ерингиз ҳақида кўпроқ маълумотга эга бўлишни унутманг. Муҳаббатда муаммолардан қочишни хаёлингизга ҳам келтирманг. Барибир уларни бартараф этишга мажбурсиз. Кечқурун тоза ҳавода сайр қилинг. Атмосферада давом этаётган магнит бўронларидан ўзингизни эҳтиёт қилинг. Ҳайит байрами муборак бўлсин.

ҚИСҚИЧБАҚА (22. 06 — 23. 07)

2 май куни камроқ фикрлаб, кўпроқ ишланг. Худди шу принсип сизни кўнгилсизликлардан ҳимоя қилади. Бизнесменларнинг мартабаси бир неча поғонага юқорилайди. Даромадларига даромад қўшилиши кузатилади. Муҳаббатда ҳам омадингиз чопади. Ишқий саргузаштлар тобора кучайиб боради. Бундай муҳаббатга борлиғингизни, қалбингизни бағишласангиз арзийди. Кечқурун оила даврасида вақт ўтказишингиз тавсия этилади. Тўғри овқатланинг. Меъёрни билинг. Ҳайит байрами муборак бўлсин.

АРСЛОН (24. 07 — 23. 08)

Саломатлигингиз панд бермоқчи эмас. Лекин дўстлар, танишлар билан муносабатларда муаммо пайдо бўлиши тайин. Яхшилаб ўйланг. Қачон ва қандай хатога йўл қўйдингизки, муаммо туғилди. Балки ортиқча гап гапириб қўйгандирсиз? Оилалиларнинг хонадонида ҳам майда кўнгилсизликлар пайдо бўлиши эҳтимолдан холи эмас. Майда-чуйда гапларни ковлаштираверилса, шундай даҳанаки жанжаллар юзага келаверади. Улар катталашиб кетишининг олдини олинг. Ҳайит байрами муборак бўлсин.

ПАРИЗОД (24. 08 — 23. 09)

2 май куни сизни тажрибали, ақлли ва маданиятли одамлар қуршаб олиши мумкин. Ҳали содир бўлмаган ҳодисалар ҳақида бош қотириб ҳаётингизни мураккаблаштирманг. Атрофда содир бўлаётган ҳодисаларга оддий кўз билан қарашга ҳаракат қилинг. Молиявий муаммоларни эса жойида бартараф эта боришингиз тавсия қилинади. Аёллар ва қизлар бугун асосий эътиборни ташқи кўринишига эътибор беришдан бошлашса, фойдадан холи бўлмасди. Кўз тегмасин! Ҳайит байрами муборак бўлсин.