ҚЎЙ (21. 03 — 20. 04) Бугун энг аввало саломатлигингиз ҳақид | 🌟Munajjimlar bashorati ⚡
ҚЎЙ (21. 03 — 20. 04)
Бугун энг аввало саломатлигингиз ҳақида қайғуришингиз талаб этилади. Акс ҳолда турли хасталиклар хавфи остида қолишингиз ҳеч гап эмас. Бўлар-бўлмас, зерикарли ва нафи тегмайдиган ишларни бажаришдан тийилинг. Эрта тонгда югуришни, кунига зарур витаминлар ичишни одат қилинг. Оиласизларнинг қай бири яқинда кимнидир қаттиқ севиб қолган бўлса, бугун уларни ҳақиқий романтика кутади. Туйғуларингизни кўз қорачиғидек асрашингиз керак. Шунда бахт сизни ҳеч қачон тарк этмайди. Рамазон ҳам тугамоқда, Рўзадорларга хизматини қилиб қолинг.
БУЗОҚ (21. 04 — 21. 05)
30 апрелда куннинг биринчи ярмини табиат қўйнида кечирганингиз маъқул. Шундай жойни танлангки, кислородга мўл бўлсин. Оилалиларни фарзандлари ё яқинлари қувончли хабар ва ҳодисадан огоҳ этишади. Молиявий масалада чегарадан чиқманг, йўқса муваффақияцизликка учрайсиз. Пластик карточкангизга келиб тушадиган пулларни синчковлик билан назоратдан ўтказинг. Кечқурун албатта тоза ҳаводан тўйиб нафас олинг.
ЭГИЗАКЛАР (22. 05 — 21. 06)
Профессионал касбингиз билан боғлиқ йирик лойиҳаларни амалга оширишда фаоллик талаб этилади. Муҳаббатда эса қалбингизни беҳуда банд этиб турган шубҳа-гумонларни ҳайдаб солинг. Агар суюкли инсонингиз туйғулари қанчалар софлигини исботлаб улгурган бўлса, шубҳаланишдан не наф? Ноўрин шубҳалар ёлғизланиб қолишингиздан бошқасига ярамайди. Дўстлар билан мулоқотда бардош ва шинавандаликка кенг ўрин беришингиз керак.
ҚИСҚИЧБАҚА (22. 06 — 23. 07)
30 апрел куни тўғри йўлдан адашмаслик учун барча масалаларни, ҳаракатларни жой-жойига қўйиб чиқишингиз лозим бўлади. Огоҳлик бу инсон учун энг яхши сифатдир. Уни асосий ишларни бажариш палласида ҳаракатга келтиринг. Турли хасталикларга қарши профилактика амаллари ҳам муваффақиятли ўтади. Шу баҳонада нафақат хасталикдан халос бўла борасиз, балки иммунитетингизни ҳам бир баҳя кўтариб оласиз. Муҳаббатда бугун муаммога дуч келмайсиз.
АРСЛОН (24. 07 — 23. 08)
Бирданига бир талай ишга ёпишманг. Натижаси яхши бўлмайди. Агар олдингизга эзгу мақсад қўйган бўлсангиз, мақсад сари олға қадам ташланг. Бугун мартабангизни бир поғона юқорилатиш ва мўмай даромад кўриш учун қулай имкониятлар бор. Улардан унумли фойдаланишга ҳаракат қилинг. Шахсий ҳаётингизда айрим масалаларда асаббузарликлар юзага келиши мумкин. Вазиятни тубдан ўзгартириш учун яқин инсонингиз, қариндошларингиз билан келишган ҳолда иш тутишингиз керак.
ПАРИЗОД (24. 08 — 23. 09)
30 апрелда муҳаббатда ён беришга мойил ва романтикага яқин бўлинг. Жуфтингиз ёки бўлғуси жуфтингизни бировларга рашк қилаверганингиз билан муносабатлар мустаҳкамланиб қолмайди. Шахсий бизнесингизга эга бўлсангиз, рақобат ҳар қачонгидек албатта бўлади. Рақобатга қарши ҳалоллик билан курашинг. Асосийси, рақобатчиларга ожиз жиҳатларингизни сездириб қўйманг. Қолганини Оллоҳнинг ўзи ижобий ҳал қилиб беради иншооллоҳ. Олис сафарга чиқишни режалаштирган бўлсангиз, бошқа кунга қолдиринг.
