ҚЎЙ (21. 03 — 20. 04) Агар миянгизда профессионал касбингиз б | 🌟Munajjimlar bashorati ⚡
ҚЎЙ (21. 03 — 20. 04)
Агар миянгизда профессионал касбингиз билан боғлиқ ишингизга оид қизиқарли ғоялар бўлса, асосий эътиборни ўшаларга қаратинг. Лекин бу лойиҳаларга молиявий мақсадлар кўзи билангина боқманг. Шахсий ҳаётингизни ижобий тарафга ўзгартириш учун имконият йўқ. Демак, бу ҳаётни сунъий тарзда ўзгартиришга уринмаганингиз маъқул. Рўзғорда муаммолар бўлса, уларни бугуноқ бартараф этишингиз тавсия қилинади. Саломатлигингизнинг қай ҳолатда бўлиши кайфиятингиз билан боғлиқ.
БУЗОҚ (21. 04 — 21. 05)
24 апрел куни профессионал касбингиз билан боғлиқ ишларда омадингиз келади. Сиздаги қизиққонлик йирик лойиҳаларни ҳам сира қийналмасдан ҳаётга тадбиқ этишда катта ёрдам беради. Хавотирга тушманг, кучингиз ҳам, вақтингиз ҳам етарли. Муҳаббатда романтик лаҳзалар давом этади. Тўхташ ҳақида ўйлашга ҳозирча эрта. Ташаббускорликни қўлдан бермаган ҳолда жуфтингиз ёки бўлғуси жуфтингиз билан ўзаро муносабатларни мустаҳкамлаш пайида бўлаверинг.
ЭГИЗАКЛАР (22. 05 — 21. 06)
Муҳаббат изҳори, иш ва сафар пайтида фаолликни қўлдан берманг. Фақат шошма-шошарлик қилманг. Акс ҳолда барча режаларингиз барбод бўлиши мумкин. Қариндошлар билан кун давомида қандайдир кичик байрам тадбирини ташкил этиш ҳам ортиқчалик қилмайди. Бу ишга ёлғизликда қўл урманг. Жамоавийликни танланг. Айниқса, рўзғор икир-чикирларини бартараф этишда ва саломатликни мустаҳкамлашда сергак бўлинг, хатоликларга йўл қўйманг. Ўзингизни эҳтиёт қилинг.
ҚИСҚИЧБАҚА (22. 06 — 23. 07)
24 апрелда кунингиз унумли кечади. Лекин бор кучни ишнинг ўзига сарфлаб қўйманг. Кучингиз ҳали оилавий муаммоларни бартараф этишда ҳам асқотади. Молиявий масалада хавотирга ўрин йўқ. Пулингиз етарли. Даромадингиз ҳам ёмон бўлмайди. Бошқачароқ айтганда, қора қозон қайнашда давом этади. Кечқурун жуфтингиз билан очиқ мулоқотни бошдан кечиришингиз мумкин. Бу ҳам яхшиликка. Омадингизни берсин!
АРСЛОН (24. 07 — 23. 08)
Куннинг биринчи ярмида бир қатор ёрқин ва унутилмас учрашувларни бошдан кечирасиз. Суҳбатлар мобайнида энг муҳим гапларни эшитмай қолишдан сақланинг. Муҳаббатда жаҳлдорликни бир четга суринг. Бу катта жанжалларга сабабчи бўлиши мумкин. Оилали бўлсангиз, фарзандларга алоҳида эътибор қаратинг. Уларни тушунишга ҳаракат қилинг. Бугун хизмат сафарига отланиш муваффақияцизлик келтиради.
ПАРИЗОД (24. 08 — 23. 09)
24 апрел куни романтик лаҳзаларга эга бўлиш учун бор имкониятларни ишга солишингизга тўғри келади. Тўғри, иш кўп, муаммолар бир талай. Аммо шахсий масалага ҳам вақт ажратмасангиз бўлмайди. Саломатликни асраш ҳам биринчи ўринда туриши лозим. Бассейнда чўмилсангиз, танангиз чиниқишига эришишингиз тайин. Парҳез ва ёга ҳам саломатликни мустаҳкамлашда муҳим аҳамиятга эга. Кечқурун тоза ҳавода сайр қилинг. Сурункали хасталикка йўлиққанлар профилактик ҳаракатларни тўхтатмасликлари лозим.
