ТАРОЗИ (24. 09 — 23. 10) 30 апрел куни яхшилик ва ёмонлик бил | 🔮Munajjimlar Bashorati🔮

ТАРОЗИ (24. 09 — 23. 10)

30 апрел куни яхшилик ва ёмонлик билан баравар кураш олиб борасиз. Агар турли усуллар ёрдамида ёмонликни ўзингиздан ҳайдаб солсангиз, шундай ҳолатда яхшиликни чақириб олишга уринасиз. Уринишларингиз натижаси тушдан сўнг кўринади. Ишонинг, албатта ғалаба сиз томонда бўлади. Сабаби, сиз Яратгандан фақат яхшилик сўраб талпинасиз. Кечқурун оилангизда бирпаслик кўнгилсизлик ҳукм суриши мумкин. Ухлашга ётишдан олдин олисда яшайдиган қариндошлардан бири ҳақида хушхабар эшитасиз.

ЧАЁН (24. 10 — 22. 11)

Ортиқча вазндан халос бўлиш вақти етди шекилли, бугун чаён буржининг баъзи вакилларига юлдузлар эрта тонгдан спорт билан шуғулланишни, парҳез тутишни маслаҳат беришмоқда. Бу масалада албатта ижобий натижаларга эришасиз. Куннинг иккинчи ярмида олисга сафар қилишингиз мумкин. Тадбиркорлар фойдали шартномаларга имзо қўйишади. Шахсий ҳаётда кўнглингизни қорайтириб турган рашк балосидан воз кечсангиз, ҳаммаси яхши бўлади.

ЎҚОТАР (23. 11 — 21. 12)

30 апрел куни бировлар маслаҳати билан эмас, қалб амрига бўйсунган ҳолда иш тутасиз. Хатолар бўлади, аммо улар ҳам сизга мактаб вазифасини ўтайди. Айниқса, муҳим ҳужжатларга имзо чекишда жиддий хатога йўл қўйишингиз мумкин. Сизни кўра олмайдиган, ғайирлигини сир тута олмайдиганлар билан муносабатларга чек қўйганингиз маъқул. Шунда асаблар ҳам дам олади, соғлиғингизга путур етмайди.

ТОҒ ЭЧКИСИ (22. 12 — 20. 01)

Тоғ эчкиси буржи вакилларини бугун саломатлик биринчи навбатда безовта қилиб ўтади. Бу сизнинг руҳий ҳолатингиз билан боғлиқ. Туйғуларни ўз вақтида жиловлай билмасангиз, ўзингизни ёмон ҳис эта бошлашингиз турган гап. Организмингиз кучли. Шунинг учун ҳам хавфли вируслар сизга яқин кела олмайди. Асосийси, руҳиятингизни кўз қорачиғидек сақласангиз бас. Кечқурун овқатланишда ҳам эҳтиёт бўлинг. Ҳозирги кунда кўкатлар қўшиб тайёрланган таомлар кўпроқ фойда беради.

ҚОВҒА (21. 01 — 19. 02)

30 апрел куни иш масаласида кутилган натижага эришиш учун омадсизликка қарши уруш эълон қилишингиз лозим. Югуриб елиш, интилиш, тажрибали одамлардан маслаҳатлар олиш туфайлигина сиз ғалабага эришасиз. Шубҳасиз, ғалабангизни раҳбарларингиз ҳам олқишлашади. Мукофот тақдим этишса ҳам ажаб эмас. Бугун пул масаласида таваккалчилик, азартли ўйинларга берилиш муваффақияцизлик келтиради.

БАЛИҚ (20. 02 — 20. 03)

Балиқ буржи вакиллари бугунги кунни асабийлашмасдан ўтказишса ҳам катта гап. Айниқса, муҳаббат бобида кўпчилик балиқ буржида туғилганлар бардош камлиги сабабли ҳам кўнгилсизликларга дуч келишлари мумкин. Шундай қилингки, одамлар, ҳамкасблар сиз ҳақингизда фақат яхши гапларни гапиришсин. Бошқа ишга ўтиш, янги уйга кўчиш 30 апрел куни хайрли кечади. Соғлиғингизни эҳтиёт қилинг.


Yaqinlaringgizga ham ulashing

•┈•┈••┈•┈•❁ ❁•┈•┈•┈••┈•
@Munajjimlar_Bashorati_Muchallar
•┈•┈••┈•┈•❁ ❁•┈•┈•┈••┈•