ҚЎЙ (21. 03 — 20. 04) 30 апрел куни ҳар бир ҳаракатингизни а | 🔮Munajjimlar Bashorati🔮
ҚЎЙ (21. 03 — 20. 04)
30 апрел куни ҳар бир ҳаракатингизни ақлни ишлатган ҳолда содир этинг. Молиявий ҳамда оилавий масалада яқинларингиз ва сизнинг орангизда келишмовчиликлар юзага келиши мумкин. Агар ўзингиз ҳақ бўлмасангиз, тортишиб ўтиришингиз шарт эмас. Суюкли инсонингизга нисбатан ҳам бугун босиқлик билан муносабатда бўлинг. Кечқурун дўстлар даврасига йўл олишингиз кутилади. Саломатлигингиз бугун сизни безовта қилмаслигини юлдузлар башорат қилишган.
БУЗОҚ (21. 04 — 21. 05)
Бугунги кунингиз омадли ва хайрли кечади. Фақат атрофга яхшилаб назар ташлагачгина ҳаракатлар содир этишингиз талаб этилади. Серқатнов йўлларда йўл қоидаларига риоя қилинг, жароҳат олишингиз хавфи бор. Оила қурмаган бўлсангиз, қайсарлик деган ярамас жиҳатни қувиб солинг, акс ҳолда жуфт топишингиз мушкул кечади. Иш жойингизда ҳамкасблардан бири билан айтишиб қолишингиз кутилади.
ЭГИЗАКЛАР (22. 05 — 21. 06)
30 апрел куннинг биринчи ярмида эринмасдан сўнгги бир ой ичида амалга оширган ишларингизни хомчўт қилинг. Бу иш жойингиздаги қилишингиз лозим бўлган юмуш ҳисобланиб, арзимаган хато ҳам раҳбарлар қаршисида юзингизни шувут қилиши муқаррар. Куннинг иккинчи ярмида кайфиятингиз тушиши кузатилади. Туйғуларни жиловлашга ҳаракат қилинг. Оила қурмаганлар вақтни шошилтириб фақат ўзларига зиён қилишлари мумкин. Шунинг учун вазиятга қараб иш тутишингизга тўғри келади.
ҚИСҚИЧБАҚА (22. 06 — 23. 07)
30 апрел куни гапирадиган гапларга ҳаддан зиёд эрк берманг, етакчиликка ҳам интилманг. Бу яхшилик билан тугамаслиги турган гап. Кун давомида ҳар бир ҳужжатга синчкловлик билан имзо қўйинг. Кечқурун молиявий аҳволингиз яхшиланиши кутилади. Баъзилар лоторея ўйнаб катта пул ютиб олиши ҳам эҳтимолдан холи эмас. Ухлашга ётишдан олдин тоза ҳаводан тўйиб нафас олишингиз тавсия этилади.
АРСЛОН (24. 07 — 23. 08)
30 апрел куни арслон буржи вакиллари учун биринчи ўринда муҳаббат масаласи туради. Бу оиласи йўқларга тегишли. Улар баҳорнинг аввалида учратган одам билан бугун орани очиқ қилиб олишлари лозим. Куннинг иккинчи ярмида олис сафарга отланишингиз эҳтимоли бор. Бу сафар ҳаётингиздаги унутилмас лаҳзаларни бахш этади. Моддий аҳволингизни яхшилаш учун бугун яхшигина тер тўкишингиз керак бўлади.
ПАРИЗОД (24. 08 — 23. 09)
Бугун паризод буржида таваллуд топганларнинг аксарияти йирик харидлар қилиш арафасида туришибди. Эрталаб уйғонибоқ худди шу мақсадда дўкон ё бозорга йўл оласиз. Бунинг учун пулингиз етарлидан ҳам етарлироқ. Турмуш қурмаганлар ҳам бугундан мамнунлик, ёқимли лаҳзаларни умид қилаверсалар бўлади. Кечқурун қўлингизга бир талай пул келиб тушиши кутилмоқда. Ижод соҳасида қалам тебратувчилар кечқурун юзлаб мухлисларни титрата оладиган ажойиб бир асарга қўл уришлари эҳтимоли бор.
