Нима сабаблигини билмадиму, лекин бу йил “Ташаббусли бюджет” ҳ | Муҳрим

Нима сабаблигини билмадиму, лекин бу йил “Ташаббусли бюджет” ҳақида негатив чиқишлар ҳам кўп (бошқа тизимларнинг муаммолари, хато-камчиликларини ҳам унга боғлаб ташлашяпти фурсатдан фойдаланиб), уни мана шу негатив чиқишлардан ҳимоя қилишга уринишлар ҳам кўп. Мана яна битта қарши ҳужум: https://t.me/davletovuz/17471

Ким билсин, балки лойиҳа устига ҳақиқатан ҳам унинг дискредитация қилинишидан манфаатдор “қора булутлар”нинг катта-катталари келиб қолгандир, шунча миллион одамларга маъқул келаётган лойиҳани ҳар доимгидек икки-учта асоссиз негатив баҳона йўқ қилишмоқчидир. Билмадим, нима бўлаётганидан бехабарман, тўлиқ бехабарман.

Лекин уни қоралаётган, унга қарши чиқаётганларга ҳеч иккиланмай бир гапни айтишим мумкин: “ТАШАББУСЛИ БЮДЖЕТ”ДАН ҚЎЛИНГНИ ТОРТ!

“Ташаббусли бюджет” ишлашда давом этиши, унинг бюджети ҳозиргидан ҳам катта ва қамрови ҳозиргидан ҳам кенгроқ бўлиши керак.