3 октябрь куни Ucell Самарқандга ташкил қилган пресс-турда бўлдик. Асосий мақсад Ucell алоқа операторининг вилоятни сифатли алоқа ва тезкор интернет билан таъминлаш бўйича амалга ошираётган лойиҳалари билан танишиш эди. Ўзгаришлар сезилди — интернет “учяпти”.
“Ucell-Samarqand” ҳудудий бўлими директори Эмил Куртназаров бизни “Самарқанд” халқаро аэропорти, Silk Road Samarkand туристик маркази ва шаҳарнинг марказий туманларидаги объектлар билан таништирди. Унинг айтишича, айни пайтда Самарқандда 20 та 5G алоқа стандартидаги ускуналар ўрнатилган ва ишлаяпти. Бундан ташқари, яна 325 та 2G, 3G ва LTE 4G форматидаги объектлар қурилган.
Қолган ҳудудларда ҳам янги таянч станцияларни қуриляпти. Ucell бу лойиҳалар аввало бизнес учун эканини яхши тушунади ва шунинг учун ҳаракат қиляпти. Тўғрисиям шу, абонентларинг кўп бўлишини хоҳласанг, олдин шунга яраша сифатли хизматни таъминлаш керак.
