2022-05-02 01:42:45
Assalomu Alaykum va Rohmatullohi va Barokatuhu
Ramazon hayitingiz muborak bo‘lsin.
تَقَبَّلَ اللهُ مِنَّا وَمِنْكُمْ صَالِحَ الْأَعْمَالِ
“Taqobbalallohu minna va minkum solihal a’maal” – “Alloh bizu sizdan solih amallarimizni qabul qilsin”.*
O‘tgan Ramazonda tutgan ro‘zalarimiz, o‘qigan Qur’on tilovatimiz, tarovih va tahajjud namozlarimiz – barcha solih amallarimizni Robbimiz nuqsonu kamchiliklarini to‘ldirib qabul qilsin.Ushbu muborak kunda Robbimizdan butun dunyodagi mazlumlar, shu jumladan, ayni kunlarda bosqinchi Isroil zulmiga qarshi kurashayotgan Falastindagi birodarlarimiz, Sharqiy Turkistondagi uyg‘ur qardoshlarimiz, Myanmadagi rohinja og‘a-inilarimiz va boshqa zulmga tutilganlarga najot va nusrat berishini so‘rayman. Duo bilan bo‘lsa ham qiynalganlarni eslash, ularning haqqiga yaxshilik tilash bu haqda umuman so‘z ochmaslikdan yaxshiroqdir.
Alloh barcha mo‘min-musulmonlarning umri va rizqiga baraka bersin, doimo yaxshiliklar ustida bardavom etsin, oxirimizni xayrli qilsin. Bizni dunyoda ham, oxiratda ham yutuqqa erishgan bandalaridan qilsin.
_____________________
*
عَنْ جُبَيْرِ بْنِ نُفَيْرٍ، قَالَ: كَانَ أَصْحَابُ رَسُولِ اللهِ صَلَّى اللهُ عَلَيْهِ وَسَلَّمَ إِذَا الْتَقَوْا يَوْمَ الْعِيدِ يَقُولُ بَعْضُهُمْ لِبَعْضٍ: تَقَبَّلَ اللهُ مِنَّا وَمِنْكَ.
Tobeinlardan Jubayr ibn Nufayr aytadi: “Rosululloh sollallohu alayhi va sallamning sahobalari hayit kuni uchrashib qolishsa, bir-birlariga: “Taqobbalallohu minna va minkum” – “Alloh bizdan va sizlardan yaxshi amallarimizni qabul aylasin”, deyishardi”. Bu asarni Hofiz Ibn Hajar Al-Asqaloniy rivoyat qilib, “Sanadi hasan”, deb aytgan. “Fathul-Boriy”, Ikki hayit kitobi, “Islom ahli uchun ikki hayit sunnatlari” bobi, 951-hadis sharhi.
1.3K views22:42