Mufrad.uz | Rasmiy kanal

2022-10-03 13:50:33 Ибн Аббос розияллоҳу анҳумо айтадилар:
«Модомики сенда икки нарса — исроф ва манманлик бўлмаса, хоҳлаганингни е, хоҳлаганингни кий».
Иккисини Бухорий ривоят қилган.

Шарҳ: Машҳур саҳобий Абдуллоҳ ибн Аббоснинг бу ҳикматли гаплари Набий алайҳиссаломнинг таълимотларини у зотдан эшитган кишининг ўз иборалари билан айтиши, десак хато бўлмас. Яна шуни таъкидлашимиз лозимки, ушбу ривоятларда Аллоҳ ҳалол қилган, ҳалол-пок йўл бидан топилган неъматлар ҳақида сўз кетмоқда.

Улашинг
@mufrad_uz Ochish/sharhlash

2022-10-02 17:11:06 УСТОЗЛАР

Мен шоир эмасман ашъор битувчи,
Лек юрак тубидан қуйилар сўзлар.
Кимгадир ёқмаса, кимгадир ёқса,
Аввало, минг узр, эй қора кўзлар.

Донолар демишки, ҳаёт муаллим,
Шунингчун ушладим қўлга қаламни.
Бандаликка бориб ногоҳ қоқилсам,
Айбим ошкор этиб бузманг оламни.

Устoзнинг сўзини қaйтaриш тугул,
Гaр изн бeрмaсa гaпириб бўлмaс.
Тинглaб турмoқ кeрaк сўзлaгaн чoғи,
Ҳaттo нoмин aйтиб чaқириб бўлмaс.

Мубoрaк қўлини ўпсaк ҳaм кaмдир,
Дуo қилмoқ кeрaк кaмoлин тилaб.
Улaр пaйғaмбaрнинг вoрислaридир,
Oрoм oлмoқ кeрaк бoшлaрин силaб.

Ҳaр бeргaн сaбoғи oлтиндaн қиммaт,
Aдo этaй дeсaнг етмaс xaзинa.
Улaргa ҳeч нaрсa кeрaкмaс aсли,
Мeҳр бeрсaнг етaр дилдaн oзгинa.

Эркин ҚУДРАТУЛЛОҲ

Каналга уланиш учун

@mufrad_uz Ochish/sharhlash

2022-10-02 16:06:25 ЭТГАЙМИЗ ТАЪЗИМ

Устозга малаклар ташлайди нигоҳ,
Уларнинг раъйини қайтармоқ гуноҳ,

Отамиздан зиёд бердилар таълим,
Жондан ортиқ кўриб, этгаймиз таъзим.

Гўё фарзандидек билиб бизларни,
Дейдилар: «Масрурман, кўрсам сизларни».

Устозлар биз учун қуёшдир, ойдир,
Мурувват, садоқат, меҳрга бойдир.

Ўсяпмиз уларнинг таълимин олиб,
Ҳаёт ташвишларин измига солиб.

Бахтимизни кўзлаб кўрсатди ҳиммат,
Берган сабоқлари олтиндан қиммат.

Покиза қалблари қордек буғубор,
Шогирдлар камолин кўрса бахтиёр.

Айтган гап-сўзлари асалдан ширин,
Ўргатгандир бизга яшашнинг сирин.

Ёдингизда тутинг буни ҳар қачон:
Устозлар етаклар жаннатга томон.

Дуо қилгайдирмиз, бор бўлсин мангу,
Зарра миқдоринча кўрмасин қайғу.

Очилиб юрсинлар мисоли ғунча,
Саломат бўлсинлар дунё тургунча.

Эркин ҚУДРАТУЛЛОҲ

@mufrad_uz Ochish/sharhlash

2022-10-01 06:14:25 «Устоз» десанг бас!

Талабалик даври ўтиб кетади,
Қанча ғам-аламни ютиб кетади,
Қалбдаги жароҳат битиб кетади,
Уни бир кўрганда, «Устоз» десанг бас.

Кимга имкон кулар, кимгадир омад,
Кимга қувонч берар, кимга даромад,
Шу қутлуғ даргоҳда чиқардинг савод,
Уни бир кўрганда, «Устоз» десанг бас.

Сендан сўрамайди олтину кумуш,
Бош кўкка етса-да, қилма фаромуш,
Вақтингни олса ҳам рўзғору юмуш,
Уни бир кўрганда, «Устоз» десанг бас.

Устозга шуҳрату шавкат керакмас,
Ичига қурт тушган савлат керакмас,
Муҳаббат кифоя, давлат керакмас,
Уни бир кўрганда, «Устоз» десанг бас.

Ногаҳон қоқилсанг тутар қўлингдан,
Гард юқмасин дейди ўнгу сўлингдан,
Қизғалдоқлар унсин юрган йўлингдан,
Уни бир кўрганда, «Устоз» десанг бас.

Мевада бор ҳатто нордону тахир,
Битта ҳарф бўлса-да ўргатган ахир,
Сенинг омадингдан туймоқда фахр,
Уни бир кўрганда, «Устоз» десанг бас.

Кибрни улоқтир, қулоқ тут бирпас,
Шукрки, нодону эмассан нокас,
Юрагим тубидан чиқмоқда бир сас:
Уни бир кўрганда, «Устоз» десанг бас.

Майли дунё кулсин, фарёд йиғласин,
Айбдор этиб қалбга наштар тиғласин,
Ягона илтимос эсдан чиқмасин,
Уни бир кўрганда, «Устоз» десанг бас!

ЭРКИН ҚУДРАТУЛЛОҲ

Каналга уланиш учун

@mufrad_uz Ochish/sharhlash

2022-10-01 06:11:21 Ахли илм Устозга ҳурматнинг гўзал кўринишидан бири! Талабалар устознинг йўлини кесиб ўтмадилар. Бу одоб нафақат устозлар, балки ота-оналаримиз ва ўзимиздан катта ҳар қандай инсонлар учун ҳам кўрсатилса ибратдир. Ochish/sharhlash

2022-09-30 16:52:59 @mufrad_uz Ochish/sharhlash

2022-09-29 22:18:28 @mufrad_uz Ochish/sharhlash

2022-09-29 22:17:56 @mufrad_uz Ochish/sharhlash

2022-09-29 20:30:52 Ochish/sharhlash