Moslemʼs blog

2022-07-04 08:36:40 Ochish/sharhlash

2022-06-22 19:25:35 Siladayam shunaqami?
Maʼsuliyat koʻpaysa, uyqu keladi.
Ishlarim kam, dardim kam boʻlsa, gʻayratim kevuradi.

Oma lekin ishlar koʻpaysa, uyqum kevuradi. Kuniga 12 soatlab uxlayman.

Nimadan deb oʻylaysiz? Ochish/sharhlash

2022-06-18 21:28:35 Gumonlardan cheklaning. Ochish/sharhlash

2022-06-17 09:06:03 Bir vaqtlar eshitgandim

Bir guruh Yevropalik, mana man degan, olimlar muqaddas kitobimiz qur'oni karimdan yillar mobaynida xato izlab, axiyri "Naml surasi 18-oyatdagi Sulaymon alayhissalom qo'shini va chumoli qissasi" dan xato topdik, deb jar solishibdi.

Ushbu oyatda shunday deyiladi:
Toki, ular chumolilar vodiysiga kelganlarida, bir chumoli: "Ey chumolilar, maskanlaringga kiringlar, Sulaymon va uning askarlari sizlarni bilmasdan parchalab yubormasinlar", dedi.

Olimlar, ushbu oyatdagi "Parchalamoq" fe'li noto'g'ri qo'llanganini, bu fe'l "Sindirmoq" fe'li bilan turdosh bo'lib, uni faqatgina jonsiz, qattiq, kristal jismlarga nisbatan qo'llash mumkinligini, chumoli jonli hasharot va uning organizmi parchalanmasligini aytishibdi.

Oradan bir yil o'tar-o'tmas, Avstraliyalik boshqa olimlar, ularni qur'ondan xato topdik, deb o'zlari yanglishganliklarini, chumoli tanasining 2/3 qismi "Kremniy oksidi", ya'ni shishadan iborat ekanini isbotlashibdi.

P.S.
Mana shunaqa do'stlarim Muqaddas diynimiz bo'lmish, Islom haq dindir. Kitobimiz qur'oni karimni esa bugunga yetib kelguniga qadar, birorta harfi ham o'zgarmagan.

Bizlarga eng oliy maqomga ega bo'lgan dinga e'tiqod qiluvchi, musulmon bandalari qatorida yaratgan zot, Parvardigorimiz Alloh taologa hamd-u sanolar va shu dinni bizlargacha yetib kelishining asosiy sababchisi, Payg'ambarimiz Muhammad S.A.V. ga durud-u salovotlar bo'lsin!

Juma ayyomingiz muborak bo'lsin!

http://t.me/Shukurullo_Akramov

Boshqalarga ham ulashing! Ochish/sharhlash

2022-06-14 17:00:40 Olloh qo'rquv hissini bermaganda, odamzod o'zini halok qilgan bo'lar edi. Ochish/sharhlash

2022-06-13 06:48:22 Шайтон йўлдан уриши мумкинми?

Шайтон ҳукмини ўзига ўхшаганларга ўтказади, дейди Аллоҳ. Биров бошқага ҳукмини ўтказиши учун икки томон бир-бирига ўхшаши ва ҳамжинс бўлиши керак. Гапимиз далили:
"Инс ва жин шайтонларнинг баъзилари баъзиларини ғурурга кетказишлари учун латиф каломларни танларлар" (Анъом сураси, 112-оят).

Шайтон ўзига ўхшаган шайтонларни бошқаради. Чунки ўхшашлик ҳукми билангина таъсирланиш ва боғлиқлик юзага келади.

Аммо Аллоҳга бандалик қиладиган инсонлар томон шайтонга йўл йўқдир.
Аллоҳ иблисга айтади: "Албатта, Менинг бандаларим устида сенинг ҳукмронлигинг йўқдир" (Ҳижр сураси, 42-оят).

Демак, "Мени шайтон йўлдан урди" деганнинг далил-ҳужжати йўқ. Биз ундай инсонга: "Чунки сен ўзинг унга ўхшаган шайтонсан!", деб жавоб берамиз.

Доктор Мустафо Маҳмуд Ochish/sharhlash

2022-06-07 21:50:24 Тепамизда турманг, ёнимизда туринг, таянч бўлинг.

@Abdukarim_Mirzayev нинг Осмондаги Болалар лойиҳасида берган интервюсини томоша қилиш давомида Темур аканинг « Нега биз миллат ўлароқ ривожланмаяпмиз, ёшларимизда илмга бўлган иштиёқ нега йўқ » деб берган саволларига Абдукарим аканинг берган жавоби мени хотиралар денгизига чўктириб юборди.

Ва шу мақолани ёзишга, аниқроғи ичимдаги йиғилиб қолган гапларни ёзишга қарор қилдим.

Ўзим Қашқадарёнинг Туркманистонга чегарадош қишлоқларининг бирида туғилганман.
Ўрта мактабда 2 йил ўқиганимдан сўнг Нишон туманида ихтисослаштирилган мактабда ўқидим, кейин Самарқандда, сўнг эса Қарши шаҳрида ўқиб, охири Тошкентга ўқишга кирдим.

Шу ўтган бир лаҳзалик умримни хотирлар эканман, эришганларимга акаларимнинг (бизда отанинг укаларини шундай аташади) ҳиссаси беқиёс.
Мени ҳар доим қўллаб, ёрдам бериб келишган. Шу сабабли бир неча ўн йиллардан бери яхши бир кадр чиқармаган бизнинг қишлоқда, мен биринчи бўлиб пойтахтга ўқишга кирдим.

Аммо қишлоқда мендан кўра қобилиятлироқ, шижоатлироқ йигитлар, қизлар бор эди.

«Улар нега ҳали ўз йўлини топа олишмади» деб, бир неча кунлар ўйлаб юрдим.

Қишлоқ ҳаётини, одамларини бирма-бир таҳлил қилиб чиқдим. Адашмасам 80 фоизи ишсиз, бирор тайинли жойда ўқимаган чорвадорлар эди.

Ўша «қобилиятли» йигит-қизлар эса уларнинг фарзандлари эди.
Қизиғ-а!

Ўша бизнинг қолоқлигимизга ҳам шу ота-оналар, шу қон-қариндошлар айбдор эмасми?!

Қўлинга китоб олсанг, «Китоб ўқиб, шаҳар оберармидинг» деб қаршилик кўрсатган, бирор иш қилмоқчи бўлсанг, « ёш бола гапга аралашмайди» деб, жеркиб берадиган ота-оналар эмасмикин.

Бу эскилик тарафдорларига қандай чора қўлласак бўлади.

Тўғри бошидан кўп оғир замонлар ўтди. Қанчадан қанча мусибатлар ўтди. Лекин ўша мусибатларга илмсизлик, қолоқлик сабаб бўлмадими?!
Таналарига ўйлаб кўрмайдиларми?

Айтаман десам, гап кўп.
Буларни ўқиётган, ҳурматли обуначилар, ёш бўлсангиз ҳамма нарсани йиғиштириб, илм олинг, тажриба йиғинг, дунёни кўринг, ўз қобиғингизга ўралиб қолманг.
Ёши катта бўлсангиз, илтимос, биз ёшларнинг бошимизда турманг, ёнимизда туринг, таянч бўлинг.

Бу қолоқлик авлоддан авлодга ўтадиган бир касаллик. Кимдир уни даволаши керак.

Мени айтди дерсиз.

https://t.me/moslemsblog Ochish/sharhlash

2022-06-06 20:11:56 Мен жуда осон кечираман. Адоват ё зулм қилганни ҳам дарров кечираман. Ортидан ҳаққига дуо қилиб ҳам қўяман.

Буни миннат ё риё учун айтаётганим йўқ. Раббим менга шунақа муомала қилишидан умидворман холос!

@MubashshirAhmad Ochish/sharhlash

2022-06-06 07:40:58 Солиҳлар бир-бирларига уч нарсани тавсия қилишарди. Агар тарозининг бир палласига олтин, бошқасига шу гапларни қўйилса, бу гаплар оғир вазн босади.

1. Ким ўзи билан Аллоҳ таолонинг ўртасини ислоҳ қилса, Аллоҳ таоло у бандаси билан инсонларнинг ўртасини ислоҳ қилиб қўяди.

Аллоҳ таолога қулликни ўрнига қўйган банданинг бошқа бандалар билан муносабати, Аллоҳ таолонинг фазли билан яхши томонга ўзгаради.

2. Ким ичини ислоҳ қилса, Аллоҳ таоло у бандасининг ташқарисини ислоҳ қилиб қўяди.

Қалб касалликларидан тузалишга уринган банданинг ташқи аъзолари билан қиладиган ишлари ҳам, Аллоҳ таолонинг фазли ила яхши томонга ўзгаради.

3. Ким охират ишига эътибор қаратса, Аллоҳ таоло у бандасининг дунё ва охират ишига кифоя қилади.

Аллоҳ таоло ибодатларга эътиборини кучайтирган бандасининг дунёдаги ва охиратдаги ишларини ўнглаб қўяди.

Нозимжон Ҳошимжон Ochish/sharhlash

2022-06-04 23:05:59 Клип фикрлаш.

Фикрлашни оширишнинг борган сари имконияти камайиб бормоқда, нега бундай ҳолат юз бермоқда?

Буни дунёга тез-тез ўзгарувчи образлар, яъни клиплар орқали қараш талаби вужудга келгани билан баҳолаш мумкин. Бу талабни эса ТикТок видеолар, сторислар, сериаллар, реклама, умуман олганда атрофимиздаги барча нарсалар ривожлантириб юбормоқда.

Замонавий фильмлар кичик-кичик блоклардан ташкил топган, уларда блоклар тез-тез алмашиниб туради. Вирус янгиликларга ҳам эътибор берсангиз, бир янгилик иккинчиси билан боғланмаган.

Масалан, қаердадир портлаш содир бўлганлиги ҳақидаги янгиликдан кейин қандайдир мушукнинг туғилиши ҳақида янгилик чиқади. Натижада эса мияда ўзига хос чалкаш-чулкаш ҳолат содир бўла бошлайди, инсон мияси ҳали бир мавзуни тушуниб олмасдан дарҳол орқасидан иккинчи мавзу кела
бошлайди.

Маълумотнинг тез-тез алмашиши туфайли инсонда маълумотни таҳлил қилиш қобилияти пасайиб боради. Бундай инсонларни бошқариш осонлашади, чунки улар ёлғон маълумотни ростидан ажратиб ололмайди, фақат қабул қилади, таҳлил эса кейинга қолиб кетаверади.

Мияга миллионлаб ёрқин картинкалар жойлашиб олади, бу ҳолатдан қутулиш учун тажриба ўтказинг - ҳеч бўлмаганда клип маълумотдан бир сутка давомида узоқлашинг. Китоб ўқишни бошланг, фильм, тикток, сторислардан узоқлашинг. Ўзингизни клип маълумотдан узоқроқ тутинг. Маълумотни таҳлил қилиш нима эканлигини бир эсланг. Бир кунда фикрлашингиз қанчалик ўсганлигини миянгизда ҳис қиласиз.


@bektoshkhatamov Ochish/sharhlash