سكينة | Sakinat

2022-07-11 04:15:05 Набий соллаллоҳу алайҳи васалламга салавот айтишнинг 40 фойдаси:

1. Аллоҳнинг амрига бўйсунган бўласиз.
2. Набий алайҳиссаломга Аллоҳ билан бир хил салавот айтган бўласиз.
3. Фаришталар билан бир хил салавот айтган бўласиз.
4. Бир салавот эвазига Аллоҳдан ўнта салавот оласиз.
5. Ўн даражага кўтариласиз.
6. Ўнта ҳасанот оласиз.
7. Ўнта ёмонлигингиз ўчирилади.
8. Дуоларингиз ижобат бўлади.
9. Набий соллаллоҳу алайҳи васалламнинг шафоатларига мушарраф бўласиз.
10. Гуноҳларингиз магфират қилинади.
11. Энг муҳим ишларда Аллоҳ таолонинг Ўзи кифоя қилади.
12. Қиёмат куни Набий соллаллоҳу алайҳи васалламга яқин бўласиз.
13. Танг аҳволда қолган бўлсангиз, салавотингиз садақанинг ўрнига ўтади.
14. Хожатларингиз бароридан келади.
15. Аллоҳ ва Фаришталарнинг салавотига мушарраф бўласиз.
16. Покланиб, мусаффо бўласиз.
17. Ўлим олдидан жаннат башоратига сазовор бўласиз.
18. Қиёмат кунидаги қўрқинчдан қутуласиз.
19. Унутган нарсангиз ёдингизга тушади.
20. Салавотингизга Набий соллаллоҳу алайҳи васаллам жавоб қайтарадилар.
21. Мажлисларингиз хайрли бўлади.
22. Камбағалликдан кутуласиз.
23. Бахилликдан қутуласиз. 24. Дуоибаддан омонда бўласиз.
25. Салавот сизни жаннат йўлига олиб боради.
26. Аллоҳ ва Унинг Расули зикр қилинмайдиган ёмон мажлисдан омон бўласиз.
27. Хутба ва бошқа сўзларингиз мукаммал бўлади.
28. Сирот кўпригида нурга мушарраф бўласиз.
29. Жафодан қутуласиз.
30. Осмонлар-у ер аҳли орасида Аллохнинг чиройли мақтовига сазовор бўласиз.
31. Баракот соҳиби бўласиз.
32. Аллоҳнинг раҳматига мушарраф бўласиз.
33. Расулуллоҳ соллаллоҳу алайҳи васалламнинг муҳаббатларига сазовор бўласиз.
34. Набий алайҳиссаломга суюкли бўласиз.
35. Салавот сизни ҳидоятга элтиб, қалбингизни жонлантиради.
36. Исмингиз Набий соллаллоҳу алайҳи васалламга кўрсатилади.
37. Сирот кўпригида собитқадам бўласиз.
38. Набий алайҳиссаломнинг ҳақларини адо қилган бўласиз.
39. Аллоҳни зикр ва шукр қилган бўласиз.
40. Салавот дуодир, яъни Аллоҳдан ҳабибига мақтов сўраш ёки банда ҳожатларини сўрашидир. Ochish/sharhlash

2022-07-11 01:25:01 Bomdod paytida ko'chalar bo'm-bo'sh, jimjit bo'lib, keyinroq esa tiqilinch, shovqun-suron bo'ladi. Shuning o'zi dunyoga berilib, oxiratni unutganlar qanchalik ko'pligini bildirmaydimi? Bor-yo'q g'am-tashvishimiz dunyo bo'lib qolmasin, Allohim.

"Saodatga yetaklovchi hikmatlar" Ochish/sharhlash

2022-07-10 16:16:09 كيف ادعوك وانا عاصي! وكيف لا ادعوك وأنت كريم!

Нечук дуо қилай, ахир гунохкорман! Нечук дуо қилмай, ахир Сен Каримсан! Ochish/sharhlash

2022-07-10 15:08:19 #Hadisi_Qudsiy 12

АҲДГА ВАФО ҚИЛИНГ

«Эй Одам фарзанди! Сизларга инъом қилган неъматимни эсланг ва Менга берган аҳдингизга вафо қилинг. Шунда Мен ҳам Ўз аҳдимга вафо қиламан. Мендангина қўрқинглар. Йўлбошловчисиз тўғри йўлга тушиб бўлмаганидек, жаннатга ҳам амалсиз йўл йўқдир. Шунингдек, мол машаққатсиз йиғилмайди. Худди шундай ибодатимга ҳам сабр қилсангизларгина, жаннатга кирасизлар. Аллоҳга нафл ибодатлар билан яқинлашинг. Менинг розилигимни ўзларингиз орангиздаги мисскинлар розилигидан изланг. Уламолар мажлиси орқали раҳматимга рағбатли бўлинг. Чунки раҳматим бир лаҳза ҳам улардан ажралмайди. Аллоҳ таоло: «Эй Мусо! Айтаётганларимни эшит. Ҳаққи ростки, ким мискинга такаббурлик қилса, Қиёмат кунида уни (зарра ёки майда чумоли) суратида тирилтираман. Кимки мискинга тавозеъли бўлса, дунё ва охиратда у(нинг даражаси)ни кўтараман. Кимки мискинни обрўсизлантириш учун сирини ёйса, Қиёмат кунида уни сири пардаланмаган ҳолда тирилтираман. Кимки қашшоқни хорласа, бас, у Мени жангга чорлабди. Ким Менга иймон келтирса, дунё ва охиратда фаришталар у билан қўл бериб сўрашади», деди». Ochish/sharhlash

2022-07-09 21:05:04 Sakinat - arabchada سَكَنَ - "sokin bo'lmoq", "tinch bo'lmoq", "xotirjam bo'lmoq" fe'lidan olingan bo'lib, سَكِينَةٌ (Sakinat) ning ma'nosi - "qalb sokinligi, "qalb xotirjamligi", "qalb osoyishtaligi" ma'nosini bildiradi.

Qalbimiz sokin bo'lishligini istab kanalga biroz o'zgartirish kiritdik. Allohim barchamizning qalbimizni O'zi xotirjam qilsin. Ochish/sharhlash

2022-07-09 20:27:16 «لينذر» بالياء والتاء به «من كان حيا» يعقل ما يخاطب به وهم المؤمنون «ويحق القول» بالعذاب «على الكافرين» وهم كالميتين لا يعقلون ما يخاطبون به.

"(Бу Қуръон) тирик бўлган шахсларни огоҳлантириш ва кофирларга (азоб) сўзини ҳақ қилиши учундир."

("Ёсин" сураси, 70-оят)

Агар Куръон бизни огоҳлантирмаса, демак, биз ўлик эканмиз.

Аллоҳим, бизларни аҳли Қуръонлардан, хослардан қилгин. Ochish/sharhlash

2022-07-09 20:16:37 Ҳар бир нарсанинг ўлчов бирлиги бор.

- Темир тонналаб ўлчанади.
- Мева килолаб ўлчанади.
- Олтин граммлаб ўлчанади.
- Олмос қийротлаб ўлчанади.
- Охират амаллари зарралаб ўлчанади.

«Ким зарра мисқолича яхшилик қилса, шуни ҳам кўради. Ким зарра мисқолича ёмонлик қилса, шуни ҳам кўради»

(Залзала сураси, 7-8- оятлар).

Огоҳ бўлинг! Аллоҳнинг моли қимматбаҳодир. Огоҳ бўлинг! Аллоҳнинг моли жаннатдир. Шундай экан, мусобақалашувчилар мана шунда мусобақалашсин! Ochish/sharhlash

2022-07-09 16:35:52 #Hadisi_Qudsiy 11

ОХИРАТНИ УНУТМАНГ

«Эй инсонлар! Бу дунё ҳовлиси йўқлар учун ҳовлидир, моли йўқлар учун молдир. Мол-дунёни ақли йўқлар йиғади. Фаҳми йўқлар эса мол-дунёга хурсанд бўлади. Таваккали йўқлар унга ҳирс қўяди. Маърифати йўқлар эса дунё истакларини талаб қилади. Ким йўқ бўлувчи неъмат, узуқ-юлуқ ҳаётни хоҳласа, ўз нафсига зулм этиб, Роббисига исён қилибди. Яна охиратни унутиб, дунёсига алданибди. "Гуноҳнинг очиғини ҳам, махфийсини тарк қилингиз!" Албатта гуноҳ қилувчи кимсалар ўзлари қилиб ўтган гуноҳларига жазо олажаклар» (Анъом, 120). Эй Одам фарзанди! Менинг риоямни қилинг, Мен билан тижорат қилинг, Мен билан муомала қилинглар, фойдаларингиз нақд, дарҳол хазинамга жўнатаверинглар. Чунки ҳузуримда кўз кўриб, қулоқ эшитмаган ҳамда инсон қалби ҳис қилмаган нарсалар бордир. Xазина тугаб ҳам, камайиб ҳам қолмайди. Мен саховат ва улуғлик эгаси бўлган Зотман». Ochish/sharhlash

2022-07-09 07:10:00 Assalomu alaykum va rahmatullohi va barokatuh, aziz dindoshim!

Alloh Sizni doim O'z panohida asrasin. Qurbon Hayitingiz muborak bo'lsin! Ochish/sharhlash