2. “Вақт” (Time 2006). Севишган жуфтлик. Лекин қиз ўз ташқи кўринишидан кўнгли тўлмайди. Муҳими, сурат эмас, сийрат эканини жуда кеч англаб етади. Ғойиб бўлади ва ярим йилдан сўнг пластик операция ўтказдириб, янги қиёфада йигит билан қайта танишади. Лекин вақт ўтиб йигит эски маҳбубасини севишини ва уни кутаётганини англайди. У аввалги қиёфасига қайтолмаслигини билиб жазавага тушади. Йигитга аслида ўзи ким эканини айтади. Бундан ғазабланган йигит ҳам кутилмаганда йўқолиб қолади. У ҳам ўзини ўзгартиради. Ўнлаб янги қиёфалар ичидан қиз уни излашга киришади... Доимгидек охири кутилмаган якун.
