2022-08-25 12:29:07
Shayx Gʻazzoliyning hozirjavobliklaridan:
Hijobsiz bir qiz shayxning ishxonalariga kirdi. Buni ko‘rgan bir yigit g‘azabnok holda: "Bu iflos nega kelibdi?" deb so‘radi.
Shayx shunday javob qildilar: "Tabib kasalni qabul qiladi, sog‘lomni emas!".
--------
Bir yigit: "Ey shayx! Allohga soqolsiz qanday yo‘liqasiz?" dedi.
Shayx: "Unga sog‘lom qalb bilan yo‘liqaman!" deya javob qildilar.
Bu bilan quyidagi oyatga ishora qilganday bo‘ldilar:
"U kunda na mol manfaat berar va na bolalar. Magar kim Alloh huzuriga toza qalb ila kelar, (o‘sha manfaat topar)" ("Shuaro" surasi, 88-89-oyatlar).
----------
Bir yigit shayx Muhammad Gʻazzoliydan: "Ey shayx, namoz o‘qimaganning hukmi nima?", deya so‘radi. U kishi shunday javob berdilar: "Hukmi - uni o‘zing bilan masjidga olib borishingdir. Yaxshilikka chaqiruvchi bo‘l, amallarga hakam emas!!"
https://t.me/Misr_Al_Azhar
148 views09:29