Mirzaobod texnologiya texnikumi

2021-06-23 11:20:31 Sirdaryo va Jizzax bilimdonlari diqqatiga!

Sirdaryo va Jizzax viloyatlarida o’tadigan Zakovatning breyn-ring turnirida ishtirok etish uchun roʻyxatga olish davom etmoqda.

Ro’yxatga olish 23-iyun soat 23:59 da yakunlanadi.

www.zakovat.tv sayti orqali 6 kishilik jamoangiz bilan yoki yakka tartibda ariza yuboring hamda qiziqarli intellektual tadbir ishtirokchisiga aylaning!

Bilimingizni sinang, gʻolib boʻling va 100 mln soʻm sovrinni qoʻlga kiriting!


Kanalga ulanish:
@mirzaobodtexnikum Ochish/sharhlash

2021-06-22 18:52:27 Full stack dasturchi Saidbek Arislonov 18 yoshdagilarga nima degan boʻlardi...

@mirzaobodtexnikum Ochish/sharhlash

2021-06-22 04:50:41 #motivatsiya #hayrli_tong

Sizni muvafaqqiyatga nima chorlaydi?

Ochlik!

Biror maqsad yo'lida qilayotgan harakatlaringizdan ko'nglingiz to'lmasligi, yana ham ko'prog'ini xohlashingiz bu - ochlik

O'qishga, o'sishga, yangi narsalarni yaratishga bo'lgan ochlik - inson uchun chinakam muvafaqqiyat kalitidir

P.s: bu yerda ochlik mol-dunyo uchun ishlatilmagan. Dunyo uchun ochlik - hech qachon insoniyatga naf keltirmagan

Kuningiz hayrli o'tsin!

@mirzaobodtexnikum Ochish/sharhlash

2021-06-21 10:41:06 Вақтдан унумли фойдаланиш учун асосий 7 қоида

Кўпчилигимизда вақтдан унумли фойдаланиш муаммоси мавжуд ва уни тўғри режалаштиришни билмаймиз. Бу эса инсонга салбий таъсир кўрсатади. Сиз вақтингиз қандай ўтиб кетганлигини ва кун давомидаги ҳеч нарсага улгурмай қолганингизни сезмай қоласиз. Бундай ҳолатларни олдини олиш учун биз сизни вақтингизни бошқаришнинг 7 та қоидасини тақдим етамиз.

1. Дафтарингизга вақтингизни ўғирлайдиган нарсалар ҳақида ёзинг.
Aгар сиз вақтингизни кераксиз кўп нарсаларга сарфлаётган бўлсангиз ҳамда муҳим вазифаларни бажариш учун етарли вақтингиз бўлмаса бу ҳолатни қайтадан кўриб чиқиб уни ўзгартиринг.

2. Доимий равишда ўз устингизда ишланг.
Барчамиз учун мураккаб ҳолат бу ўз устимизда ишлашдир. Ўзингизда фойдали кўникмаларни шакллантириш учун бир ой давомида шу иш билан мунтазам шуғуллансангиз бу одатга айланади. Aгарда ўз устингизда ишлаш кўникмасини шакллантира олсангиз ҳар қандай тўсиқларни бемалол енгиб ўта оласиз.

3. Кун, ҳафта, ой ва йил учун ишларингизни аниқ режасини тузинг.
Бундай режа ва бажарилиши шарт бўлган вазифалар рўйхати ёрдамида сиз кўп вақт сарфланадиган ишларни синчковлик билан кўриб чиқиб айни вақтда ҳамда кейинги режалаштирилган ишларни аниқлаш мумкин.

4. Китоб ўқинг.
Сиз исталган жойда, навбатда, жамоа транспортида, табиатда китоб ўқишингиз мумкин. Бунинг учун шунчаки севимли китобингизни ўзингиз билан бирга олиб юриш кифоя.

5. Ишни тасодифий тарзда танланг.
Ҳар сафар бўш вақтингиз пайдо бўлди дегунча, режалаштирилган рўйхатингиздаги бирор бир вазифани тасодифий тарзда танланг. Бу тез қарор қабул қилишга ёрдам беради.

6. Дангасалик билан курашинг.
Шуни ёдда тутингки, сиз ўтказиб юборган вақт ҳеч қачон қайтиб келмайди. Вақтингиздан беунум фойдаланманг. Бефойда ўтказилган вақт бу келажагингизга ёмон таъсир кўрсатади.

7. Фойдали ишни завқ билан бажаринг.
Уйингизни тозалашингиз керакми? Aгарда тозалаш пайтида севимли қўшиғингизни тинглаб шуғуллансангиз ишингиз анча мароқли кечади. Ёдингизда бўлсин, ўз ишларини кейинга қолдирадиган инсонлар ҳеч қачон муваффақият қозонмайдилар.

@mirzaobodtexnikum Ochish/sharhlash

2021-06-20 19:39:35 кун ҳикмати


«Ҳаёт дафтарида кўп хатолар қилмагинки, қаламдан олдин ўчирғич тугаб қолмасин, тавбадан олдин ҳаётинг».

Шайх Зулфиқор Аҳмад Нақшбандий ҳазратлари.

@mirzaobodtexnikum Ochish/sharhlash

2021-06-20 16:06:57 Проффессионал таълим муассасаларида янги 2021-2022 ўқув йилига тайёргарлик ишлари бошланган. Қабул жараёнлари ҳам тез орада бошланади. Биз билан бўлинг ва охирги ишончли ва расмий янгиликлардан хабардор бўлиб туринг.

@mirzaobodtexnikum Ochish/sharhlash

2021-06-20 16:05:23 Профессионал таълим муассасаларига ўқишга қабул қилиш

Касб-ҳунар мактабларида кириш имтиҳонлари (тест синовлари, касбий (ижодий) имтиҳон, ёзма имтиҳон) натижаси бўйича танловдан ўтмаган абитуриентлар тўғрисида маълумотлар Қорақалпоғистон Республикаси Халқ таълими вазирлиги, вилоятлар ва Тошкент шаҳар халқ таълими бошқармаларига касбий таълимни ривожлантириш ва мувофиқлаштириш ҳудудий бошқармалари томонидан беш иш кунида тақдим этилади ҳамда ўқувчи ўзи ўқиган умумий ўрта таълим мактабида таълим олишни давом эттириши таъминланади.

Абитуриентлар профессионал таълим муассасаларига ўқувчилар сафига қабул қилингандан кейин Ўзбекистон Республикаси Соғлиқни сақлаш вазирлигининг хулосасига кўра тиббий кўрикдан ўтказилади.

Профессионал таълим муассасаларига талабаларни қабул қилиш бўйича ҳужжатларни расмийлаштириш, статистик ҳисоботларни тайёрлаш, таҳлил ўтказиш, ташкилий ва низоли масалаларни ҳал этиш, қоидага кўра, ҳар йили ўқув йили бошлангунга қадар якунланади. Ўқишга қабул қилинганлар тўғрисидаги якуний ҳисоботлар Олий ва ўрта махсус таълим вазирлиги томонидан Давлат комиссиясига киритилади.

Улашинг: @mirzaobodtexnikum Ochish/sharhlash

2021-06-20 16:02:25 Профессионал таълим муассасаларига ўқишга қабул қилиш

Профессионал таълим муассасаларига ўқишга қабул қилиш
Коллеж ва техникумларда қабул комиссиясининг абитуриентларни тўлов-контракт асосида ўқишга тавсия этиш тўғрисидаги қарори қабул қилингандан кейин тегишли таълим муассасаси билан юридик ёки жисмоний шахслар ўртасида белгиланган тартибда шартномалар расмийлаштирилади.

Коллеж ва техникумларнинг касблар ва мутахассисликлар бўйича тўлов-контракт миқдори бир ўқувчини ўқитиш билан боғлиқ сарф-харажатлардан кам бўлмаган миқдорларда, вазирлик ва Ўзбекистон Республикаси Молия вазирлигининг таклифлари асосида Давлат комиссияси томонидан тасдиқланади.

Профессионал таълим муассасаларига белгиланган давлат буюртмаси параметрларидан ортиқ ҳужжатлар тушганда уч иш кунида касб-ҳунар мактаблари томонидан касбий таълимни ривожлантириш ва мувофиқлаштириш ҳудудий бошқармаларига, коллежлар томонидан тегишли вазирликлар ва идораларга, техникумлар томонидан тегишли олий таълим муассасаларига бу ҳақида маълумот киритилади.

Касбий таълимни ривожлантириш ва мувофиқлаштириш ҳудудий бошқармалари, тизимида коллежлар ва техникумлар бўлган вазирликлар ва идоралар, ҳузурида техникумлар бўлган олий таълим муассасалари уч иш кунида абитуриентларни ўқишга қабул қилиш имконияти ва ўқитиш қувватини ҳисобга олиб, қўшимча ўрин ажратиш ёки абитуриентлар ўртасида кириш имтиҳонлари (тест синовлари, касбий (ижодий) имтиҳон, ёзма имтиҳон) ўтказиш юзасидан касб ва мутахассисликлар бўйича таклифларни вазирликка киритади.

Улашинг: @mirzaobodtexnikum Ochish/sharhlash