#TalabaVizasi: #DHS (Ichki Xavfsizlik Vazirligi) talabalarni h | Mirakmal Niyazmatov
#TalabaVizasi: #DHS (Ichki Xavfsizlik Vazirligi) talabalarni hali-veri tinch qo'ymaydiganga o'xshaydi...
F, M, va J vizalariga cheklovlar taklif qilinmoqda. Yangi taklif qilinayotgan asosiy qoidalar:
1. #DurationOfStay: #F1Viza bilan kelayotganlarga D/S (Duration of Stay) o'rniga AQShga aniq cheklangan muddatga kirishga ruxsat beriladi;
2. #TilKursi: Til kursiga kelayotganlarga jami 24 oyga visa beriladi. Bu muddatdan keyin yana til kursiga yozilishga ruxsat berilmaydi;
3. #Overstay: Viza muddatiga rioya etmasdan qolib ketayotganlar) darajasi 10% katta bo'lgan davlat fuqarolariga ham 24 oydan ko'pga viza berilmaydi. O'zbekiston ham bu ro'yxatda. Ikki yillik muddat tugaganidan keyin talaba viza muddatini uzaytirish uchun alohida ariza topshirishi kerak bo'ladi;
4. #DegreeLevels: Bir darajada bo'lgan o'quv dasturlarida o'qishga ruxsat berilmaydi. Masalan, bir bakalavrdan ikkinchi bakalavr dasturiga topshirishga chek qo'yiladi. Yoki, magistraturadan keyin bakalavrga o'qish va hkz.;
5. #GracePeriod: O'quv dasturi tugaganidan keyin AQShni tark etishga 60 kun o'rniga 30 kun beriladi;
6. #H1B: H1Bga ariza topshirganlar uchun viza avtomatik ravishda 1-aprelgacha uzaytiriladi. Ammo javob chiqmagan taqdirda talaba 30 kun ichida AQShni tark etishi kerak.
Jamoatchilik yangi qoidalar bo'yicha o'z fikrlarini 26-oktyabrgacha yuborishi mumkin. Qoidalar keyingi yil yanvardan kuchga kirishi kutilmoqda.
Advokat Mirakmal Niyazmatov Amerikaga immigratsiya va immigrant hayoti haqida. Facebook - https://www.facebook.com/MirakmalNiyazmatov/ . Blog - http://uzbekimmigrant.com...