#Rahbariyat_qabuli
Qurilish va uy- joy kommunal xo'jaligi vaziri o'rinbosari Ozoda Jo'rayeva bugun
Toshkent shahri va viloyatlardan kelgan jismoniy va yuridik shaxslarning kommunal sohaga oid murojaatlarini qabul qildi.
Xususan, aholining ko‘p qavatli uylarni boshqarish usulini o‘zgartirish, boshqaruv tashkilotlari faoliyatidan norozilik, noqonuniy qurilmalar,
suv ta'minoti va unga qonunga zid ravishda ulanishlar, lift, oqova suv tizimi (kanalizatsiya), billing tizimi
bilan bog‘liq murojaatlari qabul qilindi. Vazir o‘rinbosari boshchiligidagi mutasaddilar aholini qiynayotgan mazkur masalalarni bartaraf etish usullari bo‘yicha huquqiy tushunchalar berdilar. O‘rganish talab etiladigan murojaatlar yuzasidan aniq muddat belgilanib, chora-tadbirlar rejasi muhokama qilindi.
Ozoda Jo'rayeva ko'p qavatli uylarga xizmat ko'rsatuvchi ayrim boshqaruv tashkilotlari faoliyatini tanqid qilar ekan, moliyaviy qonunbuzlishga yo'l qo'yish og'ir oqibatlarga olib kelishini ta'kidladi.
- Kommunal sohada ko'p yillik tajribaga ega odam sifatida aytamanki, xalq puliga xiyonat qilganning kosasi hech qachon oqarmaydi,- dedi Ozoda Jo'rayeva.
Bugungi qabulga yozilgan
20 nafar fuqarodan
16 tasining murojaati ijobiy hal etildi va huquqiy tushunchalar berildi. Qolgan
4 ta murojaat shaxsan vazir o'rinbosari nazoratida bo'lishi ta'kidlandi.
- Aholimizni o'zi istiqomat qiladigan uyning taqdiriga befarq bo'lmaslikka undashimiz kerak. Yillar davomidagi e'tiborsizlik, tomonlarda daxldorlik tuyg'usining mavjud bo'lmaganligi tizimda yetarlicha muammolar yig'ilib qolishiga sabab bo'lgan, -
dedi vazir o‘rinbosari.Rasmiy sahifalarimizga a'zo bo'ling
|Web| Instagram|Facebook|Telegram| Youtube|
