QURILISH VA UY-JOY KOMMUNAL XO'JALIGI VAZIRLIGI

2023-07-24 12:53:29 #JARAYON

Qurilish sohasida ochiq va shaffof nazorat o‘rnatiladi

Xabar berganimizdek, hududlar bo'ylab “Korrupsiya-rivojlanishimizga toʻsiq” mavzusida seminarlar o‘tkazilmoqda. Qurilish va uy-joy kommunal xo‘jaligi vazirligi boshchiligida Samarqand, Jizzax, Sirdaryo, Farg'ona, Andijon va Namangan viloyatlarida tashkil etilgan seminarlarda hududiy boshqarma rahbariyati va xodimlari ishtirok etishdi.

Seminarda vazirlikning Korrupsiyaga qarshi kurashish bo‘limi boshlig‘i J.Fayziyev tomonidan “Korrupsiyaga qarshi kurashish faoliyatini samarali tashkil etishga doir qoʻshimcha chora-tadbirlari toʻgʻrisida”gi PQ-5177-sonli Qaror hamda “Korrupsiyaga qarshi murosasiz munosabatda bo‘lish muhitini yaratish, davlat va jamiyat boshqaruvida korrupsiyaviy omillarni keskin kamaytirish va bunda jamoatchilik ishtirokini kengaytirish chora-tadbirlari to‘g‘risida”gi PF-6257-sonli Farmonning mazmun-mohiyati haqida atroflicha mulohaza yuritildi.

Shuningdek, sohada korrupsiyani keltirib chiqaruvchi ayrim omillar haqida so‘z bordi. Tizimda ochiq va shaffof nazorat o‘rnatilishi qurilish obyektlarida ro‘y berishi mumkin bo‘lgan hodisalarning bevosita oldini olishga xizmat qilishi alohida ta'kidlandi.

O‘z navbatida bildirilgan fikr va xulosalar asosida mavjud muammolarni bartaraf qilish hamda sohani tubdan takomillashtirish bo‘yicha tegishli chora-tadbirlarni ishlab chiqishga kelishib olindi.

Rasmiy sahifalarimizga a'zo bo'ling
|Web| Instagram|Facebook|Telegram| Youtube| Ochish/sharhlash

2023-07-24 10:29:19 #OAV_NIGOHIDA

"Buxoroenergomarkaz"da 2023-2024-yillar kuz-qish mavsumiga qay darajada hozirlik ko‘rilmoqda?

Rasmiy sahifalarimizga a'zo bo'ling
|Web| Instagram|Facebook|Telegram| Youtube| Ochish/sharhlash

2023-07-24 10:23:57 #Qonunchilik

O‘zbekiston Respublikasi Prezidentining “Ko‘p kvartirali uylarni boshqarish tizimini yanada takomillashtirish va boshqaruvchi tashkilotlarni moliyaviy sog‘lomlashtirish borasidagi qo‘shimcha chora-tadbirlar to‘g‘risida” 2022-yil 4-avgustdagi PQ-346-son qaroriga asosan muammoli kreditor qarzdorliklari mavjud bo‘lmagan va moliyaviy-iqtisodiy holati barqaror hisoblangan ko‘p kvartirali uylarga xizmat ko'rsatuvchi boshqaruv organlari faoliyati aralashuviga yo‘l qo‘yilmaydi.

Rasmiy sahifalarimizga a'zo bo'ling
|Web| Instagram|Facebook|Telegram| Youtube| Ochish/sharhlash

2023-07-24 09:53:08 #MUNOSABAT

"Kusherbayevga murojaat" telegram messenjerida e'lon qilingan Toshkent shahar Sergeli tumani yangi qurilgan ko'p qavatli (China house) uy fuqarolarining murojaati Toshkent shahar Qurilish va uy-joy kommunal xo'jaligi sohasida hududiy nazorat qilish inspeksiyasi tomonidan joyiga chiqqan holda murojaat egalari bilan birga o'rganildi va mas’ullarga yuzaga kelgan kamchiliklarni bartaraf etish yuzasidan tushuntirish ishlari o'tkazildi.

Shuningdek, "LUX CITY HOUSES" MCHJ rahbarlariga mavjud muammolarni 20 ish kuni ichida bartaraf etish mas'uliyati yuklanib, bu bo'yicha kafolat xati ham olindi.

Rasmiy sahifalarimizga a'zo bo'ling
|Web| Instagram|Facebook|Telegram| Youtube| Ochish/sharhlash

2023-07-24 09:46:30 #MUNOSABAT

Kun.uz saytida e'lon qilingan "Yoʼlsiz yoʼlovchilar — trotuarni ham egallayotgan quruvchilar qachon standartlarga amal qiladi?" mavzusidagi maqolada poytaxtimiz hududlarida amalga oshirilayotgan qurilish maydonlari atrofidagi holat keskin tanqid qilingan. Haqiqatdan ham maqolada ko'rsatilgan holatlar o'rinli. Toshkent shahar Qurilish va uy-joy kommunal xo'jaligi sohasida hududiy nazorat qilish inspeksiyasi mazkur holatlarni manziliga chiqqan holda o'rgandi va mas’ullarga mavjud muammolarni bartaraf etish yuzasidan tushuntirish ishlarini olib bordi.

Xususan, ko'rsatib o'tilgan obyektlar atrofi joyida tozalanib, tartibga keltirildi. Havoga chang ko'tarilmaslik choralari ham ko'rilib, asfalt yo'lga zarar yetkazilgan joylar to'g'irlangan va trotuarlar piyodalar o'tishi uchun qulay holatga keltirildi. Biz OAV va umuman keng jamoatchilik tomonidan sohaga oid ko'tarilgan barcha muammolar yechimiga xayrixohmiz va odamlarning fuqarolik pozisiyasini yuksak qadrlaymiz. Nazorat ishlari hududlar bo'ylab davom etadi.

Yuqorida ushbu holatlarning avvalgi va hozirgi ko'rinishi aks etgan.

Rasmiy sahifalarimizga a'zo bo'ling
|Web| Instagram|Facebook|Telegram| Youtube| Ochish/sharhlash

2023-07-24 08:29:50 #OAV_NIGOHIDA

Aholi uy-joy bilan ta’minlanmoqda

Rasmiy sahifalarimizga a'zo bo'ling
|Web| Instagram|Facebook|Telegram| Youtube| Ochish/sharhlash

2023-07-24 07:34:27 #Kommunal_madaniyat

Energiyani tejash bu oila budjetini tejash demakdir. Unutmang, huquq va majburiyatlaringiz siz istiqomat qilayotgan uydan boshlanadi. Bizni kuzatishda davom eting va kommunal sohaga oid bilimlaringizni oshiring.

Rasmiy sahifalarimizga a'zo bo'ling
|Web| Instagram|Facebook|Telegram| Youtube| Ochish/sharhlash

2023-07-22 13:15:30 #JARAYON

Bugungi kunda joylarda kuz-qish mavsumiga tayyorgarlik ishlari jadal ketmoqda. 2023-2024-yillar mobaynida respublikadagi 5 388 ta koʼp kvartirali uyni 251,2 mlrd soʼm mablagʼ hisobidan kuz-qish mavsumiga tayyorlash maqsadida mukammal va joriy taʼmirlash boʼyicha reja koʼrsatkichlari tasdiqlangan. Jumladan, 1 082 ta uyning tom qismini, 3 315 ta kirish yoʼlaklarni, 2 139 ta elektr taqsimlovchi shitlarni, 882 ta uyning yertoʼla qismini, 353 ta uyning muhandislik tarmoqlarini, 1 111 ta uyning fasad qismini taʼmirlash, hamda 1 568 ta temir eshik, 1493 ta kodli qulflar 3 191 ta framuga oyna romlar oʼrnatish ishlari olib borilmoqda.

Toshkent shahrida ham ishlar koʼlami keng, minglab uylarning kommunikatsiya tizimlari toʼliq yangilanyapti. Bugun vazir oʼrinbosari Ozoda Joʼraeva Uchtepa tumanida faoliyat yuritayotgan “Yosh avlod” BSK hamda Chilonzor tumanidagi “Yashil makon” BSKlarning kuz-qish mavsumiga koʼrilayotgan tayyorgarligini koʼzdan kechirdi. Аholi bilan muloqot qilib, keksalar holidan xabar olindi.

Rasmiy sahifalarimizga a'zo bo'ling
|Web| Instagram|Facebook|Telegram| Youtube| Ochish/sharhlash

2023-06-10 16:12:59 #ONLAYN

Ayni daqiqalarda Qurilish va uy-joy kommunal xoʻjaligi vaziri oʻrinbosari Ozoda Joʻrayeva Namangan viloyatida koʻp qavatli uylarga xizmat koʻrsatish sohasida  faoliyat yurituvchi boshqaruv tashkilotlari vakillari hamda sohaga daxldor mas’ullar bilan tizimda mavjud muammolar, ularni bartaraf etish yechimlari yuzasidan uchrashuv oʻtkazmoqda. Vazir oʻrinbosari ikki kun davomida viloyatdagi eng muammoli hududlarda boʻlib, boshqaruv tashkilotlari faoliyatida uchrayotgan muammoli holatlarni bartaraf etdi. Shuningdek, ularning faoliyatida aniqlangan kamchiliklar, xususan, boshqaruv tizimining yoʻlga qoʻyilmaganligi, aholi orasida targʻibot-tashviqot ishlari olib borilmaganligi, qoʻshimcha servis xizmatlar yoʻlga qoʻyilmaganligi, BSKlar moddiy-texnika bazasining yetarli emasligini qat’iy tanqid ostiga oldi.
- Boshqaruv tashkilotlariga berilayotgan bir qator  imkoniyatlardan unumli foydalanish kerak. Namangan xalqi oʻzining tadbirkorligi bilan nom qozongan. Koʻp qavatli uylarga xizmat koʻrsatish sohasida  ham ana shu jihatlarni ishga solish kerak. Qoʻshimcha xizmatlarni yoʻlga qoʻying, aholi bilan samarali ishlang, tashkilotingizni rivojlantiring,- dedi vazir oʻrinbosari.
       Uchrashuvda BSK rahbarlarining xizmat koʻrsatish sohasini rivojlantirish boʻyicha qator taklif va murojaatlari qabul qilindi. Xususan, noqonuniy qurilmalarni bartaraf etish, moddiy-texnika bazasini xarid qilishda imtiyozli kredit olish, chiqindi bilan bogʻliq muammolarni hal etish, aholining majburiy badal toʻlov tushumlarini oshirishning qonuniy asoslarini ishlab chiqish kabi soʻrovlariga tegishli tartibda javob berildi, takliflar yozib olindi.
      Ochiq va samimiy ruhda oʻtkazilgan uchrashuvda kommunal sohani rivojlantirishdagi istiqbolli vazifalar belgilab olindi.

Rasmiy sahifalarimizga a'zo bo'ling
|Web | Instagram| Facebook |Telegram | Youtube| Ochish/sharhlash

2023-06-10 12:31:53 #ONLAYN

  Ozoda Joʻrayeva Namangan shahri Davlatobod tumani “Toʻquvchi” mahalla fuqarolar yig’inida mahalla raisi, faollari, koʻp qavatli uylarning uy boshilari hamda boshqaruv tashkilotlari vakillari bilan uchrashdi.
      Unda mahalla faollari bilan boshqaruv tashkilotlarining hamkorligi sohani yanada takomillashtirilishda qoʻl kelishi ta’kidlandi.
      Ozoda Joʻrayeva mahalla raisi boshqaruv tashkilotlari faoliyatida muhim ahamiyat kasb etishini aytib oʻtdi.
     - Mamlakatimizda kommunal soha, xususan, koʻp qavatli uylarga xizmat koʻrsatish orqali aholiga qulay sharoit yaratish maqsadida keng islohotlar amalga oshirilmoqda. Sir emas, yillar davomida aholining kommunl sohaga boʻlgan ishonchi kamayib ketgan edi. Siz mahalla raisi va faollarini aholi saylaydi. Ular sizga ishonadi, sizning koʻp qavatli uylar taqdirida rolingiz katta. Shu bois koʻp qavatli uylarga xizmat koʻrsatuvchi boshqaruv tashkiloti faoliyatini qoʻllab-quvvatlab, aholi orasida amalga oshirilayotgan ishlar boʻyicha tushuntirish ishlarini olib borishingiz maqsadga muvofiq boʻlardi,- dedi Ozoda Joʻrayeva.
     Shuningdek, uchrashuvda sohani takomillashtirish boʻyicha amalga oshirilishi rejalashtirilgan ishlar yuzasidan taklif va mulohazalar qabul qilindi.

Rasmiy sahifalarimizga a'zo bo'ling
|Web | Instagram| Facebook |Telegram | Youtube| Ochish/sharhlash