Соғлиқни сақлаш вазири ўринбосари – Санитария-эпидемиологик осойишталик ва жамоат саломатлиги хизмати бошлиғи Баҳодир Юсупалиев:
— SARS-CoV-2 вируси геномини ўрганиш учун
Инновацион ривожланиш вазирлиги ҳузуридаги Илғор технологиялар марказига юқумли касалликлар шифохонасидан ПЗР усулида олинган 33 та мусбат натижали томоқ-бурун намунаси “британча штамм”ни аниқлаш мақсадида юборилганди. Ушбу намуналар ПЗР скрининги орқали биринчи босқич текширувидан ўтказилган. Натижада, улар орасида мутацияга учраган намуналар ҳам аниқланган. Куни кеча иккинчи тест босқичида мутация аниқланган намуналардан бирининг геном қисмларида “британча штамм”га хос бўлган қўшимча мутация мавжудлиги тасдиқланган.
Бу намуна эса 10 ёшли бемор Ш. (қиз бола)га тегишли экани маълум бўлган.
Ҳозирда беморнинг умумий ҳолати қониқарли, шикоятлари йўқ, тегишли тиббий стандартлар бўйича даво муолажаларини олмоқда. Бемор билан бирга бўлган оила аъзоларида манфий натижа аниқлангани сабабли уй шароитида изоляцияга рухсат берилган.
Эслатиб ўтамиз, айни пайтда Ўзбекистонда Anhui Zhifei Loncom Biofarmaceutical компанияси томонидан ишлаб чиқарилган янги коронавирус вакцинаси III фаза клиник синовлари ўтказилмоқда.
Тадқиқотда иштирок этинг ва пандемияни тўхтатишга ўз хиссангизни қўшинг! Кўнгиллиларни рўйхатдан ўтишга таклиф этамиз!
__________________
Бизнинг расмий саҳифаларимиз|Мы в социальных сетях
Telegram | Facebook | YouTube | Instagram
