Ақл Витаминлари

2020-10-31 05:38:21 НEГА МАҚСАДЛАРИНГИЗ АМАЛГА ОШМАЙДИ?

Қачонки одамлар мақсад қўяр эканлар, улар ўзларига албатта унга эришаман дея ваъда беришади. Улар буни хоҳлашади, исташади, аммо уларда руҳлантирувчи ҳиссиёт йўқ, жиддий сабаблар йўқ. Ва улар бунга диққат эътиборини жамлашмайди, токи ўзлари кутган ҳодиса амалда содир бўлмагунча. Бунга сабаб уларда қатъий қарорнинг йўқлигидир. Сиз қатъий қарор қабул қилсангиз, сизда руҳлантирувчи ҳиссиёт пайдо бўлади.

Унутманг, қачонки сиз мақсад қўяр экансиз ҳиссиётли тасаввурга, жиддий сабабларга эга бўлинг ва уларга доимий мурожаат қилинг. Ана ўшанда миямиз «бунга алоқадор ва мақсадга эришишда ёрдам берувчи барчасини пайқашим зарур экан» дейди. Бунда катта куч мужассамлашган.

Ваъдалар эмас, қарорлар ҳаётимизни ўзгартиради қарор бу сизни мақсад сари ҳаракатга ундайди ваъдада эса фақатгина бажариш истаги бўлади. Ochish/sharhlash

2020-10-26 17:57:27 Михни деб мамлакат қўлдан кетди.

Инглизларнинг "For Want of a Nail" шеърини ўқиганмисиз? Унда бир михни деб Қироллик қўлдан кетгани айтилади.

Михни деб тақа қўлдан кетди.
Тақани деб от қўлдан кетди.
Отни деб чопар қўлдан кетди.
Чопарни деб хабар қўлдан кетди.
Хабарни деб жанг қўлдан кетди.
Жангни деб мамлакат қўлдан кетди.
Ҳаммаси тақага қоқилмаган бир михни деб кетти.

Амалларингизни кичик санаманг. Менинг танловим, ишим, фикрим нима бўлади, деб ўйламанг.

Бир михни деб, Қироллик қўлдан кетиши мумкин. Бир сўмни деб ҳам.

Франция "озчилик радикалларнинг" бойкоти деб типирчилаб қолгани бежиз эмас. Сиз ўз имкониятларингизни билмаслигингиз мумкин. Франция эса сизнинг имкониятларингизни билади.

Саид Комил Ochish/sharhlash

2020-06-16 11:31:11 ​ТАСАВВУР ҚИЛИНГ!

Тасаввур қилинг! Шунча одам қиёмат куни сиздан ҳаққини олишни кутиб, навбатда турса.

Биридан қарз олиб, қайтармагансиз, бошқасидан ўғрилик қилгансиз, яна бирига маҳсулотнинг айбини айтмай сотгансиз, яна бошқасининг ерини алдов, фирибгарлик йўли билан тортиб олгансиз.

Шунингдек, бирини ургансиз, бирини сўккансиз, бирини ғийбат қилгансиз, бошқасини алдагансиз, яна бирига хиёнат қилгансиз, одамларнинг мулкини ўзлаштиргансиз, уларга зулм қилгансиз ва ҳоказо.

Шунча одамга ҳаққини бера оласизми?! Савобингиздан бериб, етказа оласизми?! Агар савобларингиз етмаса, уларнинг гуноҳларидан сизнинг бўйнингизга қўйилади.

Тасаввур қилинг! Бир марта сажда қилишнинг савобига муҳтож бўлиб турганингизда, минглаб, миллионлаб одамларнинг гуноҳини бўйинга олиш қанчалик даҳшат!

Азизлар, тавба қилайлик! Бировларнинг ҳаққи зиммамизда турган бўлса, тезда қайтариб берайлик, қарзлардан тезроқ қутулайлик, урушганларимиз билан ярашайлик, ғийбат қилганларимиздан узр сўраб, уларнинг розилигини олайлик, шу тарзда бизда одамларнинг моддий ва маънавий ҳақлари қолмаслигига эришайлик!

Аллоҳ таоло барчамизни Ўзининг ҳузурига ёруғ юз билан боришимизни насиб этсин, омин!

http://t.me/nozimjonuz Ochish/sharhlash

2020-05-27 11:36:43 КЕЛАЖАКДА ФАҚИР БӮЛИБ КЕТАДИГАН ОДАМНИ 15 БЕЛГИСИ

1. Эрта туришни ёқтирмайди

2. Имкон туғилди дегунча дам олишни яхши кӯради

3. Интилувчан одамларни "пул учун жонини хам беради бу" деб ҳисоблайди.

4. Хар кунги машғулоти бир ҳил: ошхона, телевизор, интернет, ётоқ ва хожатхона

5. Ишсиз, ишга жойлашса маоши оз деб нолийди.

6. Бой одамдек хаёл суради, аммо ҳаракат қилмайди

7. Доим бировга суяниб яшайди.

8. Интернетга кӯп вақтини сарф қилади.

9. Жонини қийнагиси келмайди.

10. Бир иш қилса "қовун" туширадигон одати бор

11. Яхши кӯрган сӯзи: "Ӯша кун келаверсинчи".

12. Пулни тежашни билмайди, пул бӯлди дегунча тезроқ ишлатиб юбориш пайига тушади.

13. Қарз олишни яхши кӯради.

14. Ақл ӯргатишга уста бӯлади.

15. Энг муҳими: кӯп ёлғон гапиради.

Сизда xам бу белгиларнинг бирортаси булса тезда муолажа қилинг! Ochish/sharhlash

2020-05-06 23:18:15 #Ҳикоя

Нафақага чиққан ўқитувчининг ўрнига бошқа муаллима синфга кирди. Дарсни тушунтиришни бошлади. Талабаларнинг биридан савол сўраганди, бошқа барча талабалар кулиб юборди. Ўқитувчи ҳайрон бўлди. Талабаларга қараб ўринсиз кулгунинг сирига етди. Сабаб: синфда ҳамма аҳмоқ, ақлан ноқис ҳисоблайдиган талабага савол бергани экан. Дарс тугаб талабалар синфни тарк этадиган маҳал, муаллима ўша талабани чақирди. У билан холи қолиб, қоғозчага ёзилган икки қатор байтни берди ва:
- Буни исмингни ёдлагандек ёдлаб кел, ҳеч кимга айтма, - деди.
Кейинги дарсда муаллима ўша икки қатор шеърни ёзув тахтасига ёзди. Уни маъносини, фасоҳатини тушунтирди. Сўнг уни ўчириб:
- Ким ҳозирги шеърни ёдлаб қололди, - деб сўради. Ҳеч ким чурқ этмади.
Фақат ўша «иккичи» минг ҳаяжон, ийманиш билан қўл кўтарди. Ўқитувчи:
- Қани, жавоб бер, - деди. У шеърни ёдлаб берди. Устоз уни кўп мақтади, бошқалар ўрнак олишини айтди. Талабалар бу ҳолатда ҳайратга тушар, кимдир кеча кулгани учун хижолат бўлар, кимдир ҳайрат билан қарар эди. Бу ҳол ҳафта давомида давом этди. Ўқитувчи у талабани мақтарди. Ўқувчиларнинг у ҳақидаги тушунчалари ўзгара бошлади. У боланинг ҳам руҳий ҳолати ижобий томонга бурилиш ясади. Ўзига бўлган ишонч уйғонди. Олдинги ўқитувчи ҳисоблагандек ахмоқ эмаслигини англади.
Талабалар билан илмда мусобақа қила олишини, ўз устида ишласа, аълочи бўла олишини билди. Нафақат шу фандан, балки, бошқаларидан ҳам аъло баҳолар ола бошлади. Мактабни яхши натижалар билан битириб, олийгоҳга кирди, сўнг магистратурани битирди. Доктор бўлишни ҳам мақсад қилди.
У ўқитувчиси ҳақида ёзаркан:

«Инсонлар икки тоифага бўлинадилар: бири яхшиликлар калити бўлса, бошқаси унинг қулфидир. Бирлари сизни шижоатлантириб, қўлингиздан тутиб, умид бағишлайди. Сиздаги дарду аламни ҳис қилади. Ҳаёт йўлингизни белгилашингизга сабаб бўлади.
Бошқалари эса, сиздаги иқтидорни беркитиб, ёмонликларни очади. У сизни руҳан эзишдан, ўзгалар олдига ерга уришдан, азоб беришдан роҳат туяди. Қанчадан-қанча инсонлар бундай ўқитувчиларнинг қурбонига айланади. Бутун умри ўзини тиклолмай ўтади» деди. Ochish/sharhlash

2020-04-30 10:55:48 ​Тарқатинг!!!

ЎЗГИДРОМЕТ ШТОРМ ОГОҲЛАНТИРИШ ЭЪЛОН ҚИЛДИ!

Ўзгидромет хабарига кўра, 1-2 май кунлари Ўзбекистон ҳудудига Туркманистон орқали Каспий денгизининг жанубий районлари устида шаклланган нам ҳаво оқими киради.

1 майда Бухоро, Навоий, Қашқадарё, Сурхондарё, Самарқанд вилоятларида куннинг иккинчи ярмида ёмғир, айрим жойларга кучли ёмғир ёғиши кутилмоқда, момақалдироқ бўлиши мумкин. Республиканинг қолган ҳудудларида кечга бориб ёмғир, айрим жойларга кучли ёмғир ёғиши, момақалдироқ бўлиши мумкин. Қорақалпоғистонда, Андижон, Наманган, Фарғона вилоятларида ёғингарчилик бўлмайди.

2 майда республикада ёмғир, айрим жойларга кучли ёмғир ёғади, момақалдироқ бўлиши мумкин. Бухоро ва Навоий вилоятларида кечаси ва эрталаб ёмғир, айрим жойларга кучли ёмғир ёғади, момақалдироқ бўлиши мумкин. Қорақалпоғистонда, Хоразм вилоятида ёғингарчилик бўлмайди.

Шамолнинг тезлиги 15-29 м/с гача кучайиши, айрим жойларда шамол шиддати 23-28 м/с гача етиши мумкин.

30 апрель-3 май кунлари республиканинг тоғолди ва тоғли ҳудудларида сел келиши хавфи бор.

Манба:
https://t.me/uzgydromet/1293
====================================
Эслатма: Ушбу хабар ваҳима тарқатиш мақсадида қўйилмади. Эҳтиёт чораларини кўриб, ҳар қандай вазиятда ҳам ўзингизни йўқотиб қўйманг!

https://t.me/joinchat/AAAAAFdhwvK39Vn_nU45Cw Ochish/sharhlash

2020-04-29 10:02:43 Нима сабабдан Японияда коронавирус туфайли фавқулодда ҳолат ёки карантин эълон қилинмади?

Японияда 1 апрелдан барча ўқувчилар одатий тартибда ўқишни давом эттиради. Ҳозирги кунда бутун дунёда гигиена қоидалари кучайтирилган тартибда тарғиб қилинмоқда. Давлат раҳбарлари ўз фуқароларига қўлларни тез-тез совунлаб ювишга, юзга қўл билан тегмасликка, қўл бериб, қучоқлашиб кўришмасликка, уйларни тез-тез тозалаб туришга, тўғри овқатланишга чақирмоқда.

Японияда эса ҳаммаси бошқача, деб ёзади ушбу мамлакатда яшовчи биолог Владимир Белоусов. У коронавирусга қарши курашишда бутун дунё Япониядан ўрганиши керак бўлган жиҳатларни санаб ўтади.

Гигиена. Японияга борганлар эътибор берган бўлса, японлардан ҳеч қандай ёқимсиз ҳид чиқмайди ёки енгил ифорли атирнинг ҳиди келади.
Бунинг сабаби шундаки, японияликлар тозаликка ўта эътиборли. Улар бир кунда уч марта (энг камида 2 марта) душ қабул қилади. Қўлини тез-тез ювади.
Японлар кийимини тез-тез алмаштиради. Ички кийимни кун давомида бир неча марта алмаштириш норма ҳисобланади.
Японияда одамлар бир-бирига қўл теккизмайди. Қўл бериб кўришиш, қучоқлашиш ёки шунчаки тегиниш — фақатгина энг яқин қариндошлар ўртасидагина кузатилиши мумкин.

Саломлашиш. Японлар ҳар доим таъзим қилиб сўрашади.
Японияда одамлар ўзаро масофа сақлайди. Дўконда, банкомат олдида ёки жамоат транспортига навбат бўладими, ҳеч ким бир-бирига тиқилиб олмайди. Шароит тақозо қилса, улар ўзаро бир метрдан узоқроқ масофа сақлайди.

Санитар ишлов бериш. Японияда нафақат мавсумий эпидемия пайтида, балки йил давомида барча жамоат жойлари, жамоат транспортининг барча турларида дезинфекция қилиш ишлари олиб борилади.
Уларнинг айримлари сутка давомида автоматик равишда амалга оширилади. Масалан, жамоат жойларидаги эскалаторнинг қўл билан ушланадиган қисми сутка давомида махсус аппарат ёрдамида антисептик гел билан дезинфекция қилинади.

Ҳожатхоналар. Бутун мамлакат бўйлаб ҳожатхоналар бепул, топ-тоза ва жуда яхши қурилиб, жиҳозланган. Ҳожатхонада қўлингизни совунлаб ювиб, ўзингизни тартибга келтиришингиз мумкин. Аксарият ҳожатхоналарда ички кийимни ёки пайпоқни алмаштириш ёки кийим кийиш учун ҳам шароит яратилган.

Дўконлар. Деярли барча озиқ-овқат дўконларида қўл ювиш учун махсус раковина ва совун қўйилган.
Дўконларда озиқ-овқат маҳсулотлари қадоқланган ва герметик идишларга солинган. Ҳатто картошка ҳам полиэтилен пакетларга солиб қўйилган. Қадоқланмаган сабзавотлар жуда кам учрайдиган ҳолат.

Ниқоб. Агар япониялик шамолласа, у бошқаларга касалликни юқтирмаслик учун шу заҳотиёқ ниқоб тақиб олади. Ҳар доим шундай бўлган, бу —улар учун қоида.

Японияликлар ўз ватанидан ташқарига чиқишни ёқтирмайди. Ташқи дунё улар учун агрессив, ғалати ва хавфли бўлиб кўринади.

Озиқ-овқат. Японияда озиқ-овқат маҳсулотлар сифатли, уларнинг яроқлилик муддати жуда қисқа. Мамлакатда озиқ-овқат маҳсулотлари сифатига дунёдаги энг қатъий талаб ўрнатилган. Сабаби японияликлар аксарият маҳсулотларни (тухум, денгиз маҳсулотлари, сабзавот, мева ва бошқалар) пиширмасдан истеъмол қилади.
Япониядаги маҳсулотлар шу қадар сархил ва табиийки, уларни хомлигича қўрқмасдан ейиш мумкин. Японлар худди шундай қилади. Мамлакатда аксарият маҳсулотларнинг қадоғига «хомлигича ейиш мумкин» деб ёзиб қўйилган. Масалан, бу ерда тухум ва айрим турдаги балиқларни пиширмасдан еса бўлади.

Спорт. Японлар ўта ҳаракатчан. Улар жуда кўп югуради, ҳаракатли ўйинларни ўйнайди, спорт билан шуғулланади. Айнан шу хусусият уларга кекса ёшгача бардамликни, тетикликни сақлаб қолишга ёрдам беради.

Меъёр. Японлар овқатни меъёрида истеъмол қилади. Кексалар орасида ҳам тўладан келган японияликни деярли кўрмайсиз.

Умуман олганда, ҳозир бутун дунёда карантин вақтинчалик фавқулодда ҳолат деб аталиб, кучли назорат остида бажарилиши талаб қилинаётган чоралар Японияда замонавий маданиятли инсоннинг кундалик табиий гигиенаси ҳисобланади. Бу қоидалар японларга туғилганидан бошлаб сингдирилади, шунинг учун японлар уларга бутун ҳаёти давомида амал қилади.

Манба: Daryo.uz
====================================
КАНАЛГА УЛАНИНГ.
https://t.me/joinchat/AAAAAFdhwvK39Vn_nU45Cw Ochish/sharhlash

2020-04-21 13:21:21 ЮКСАК АҚЛ-ИДРОКНИНГ КУТИЛМАГАН УЧ БЕЛГИСИ:

Ҳурфикрли қарашлар, ёлғизликни ва тунги яшаш тарзини севиш. Булар ва бошқа хусусиятлар сиз бошқалардан кўра ақллироқ эканлигингиз ҳақида айтиши мумкин.

. Ёлғизликни севиш.

Эволюцион психолог Сатоси Канадзаванинг яна бир кашфиёти: ақлли кишилар дўстлари билан камроқ учрашсалар ўзларини бахтлироқ ҳис қиладилар. Шуниси қизиқки, кўпчилик кишилар учун ҳаммаси аксинча: улар ошналари билан қанча тез-тез мулоқот қилиб турса, ўзларини шунча яхши ҳис қилишади.

Бундай қарама-қарши ҳақиқатнинг сабаби яққол кўриниб турибди. Ақл-идроки юқори бўлган одамнинг фикри кўпроқ мураккаб вазифалар ва лойиҳаларга қаратилган, дўстона ўтиришлар эса уларни фақат чалғитади.

. Тунги яшаш тарзи.

Олдинги банддагидек, Канадзаванинг фараз қилишича, ақлли кишиларнинг кун тартиби олдиндан қабул қилинган кун тартибидан тубдан фарқ қилади. Яъни, бизнинг аждодларимиз сутканинг ёруғ вақтларидан унумли фойдаланишга ҳаракат қилишган ва қоронғи тушиши билан ухлашга ётишган, ҳозир эса юқори ақл-идрок соҳиблари бундай одатга амал қилмайдилар.

Руҳшунослар томонидан олинган маълумотлар бу фикрнинг тўғрилигини тасдиқлайди. Кечроқ ухлайдиган ва турадиган кишилар эрта турувчиларга қараганда ақллироқ бўладилар.

. Ишонишга мойиллик.

2014 йилда эълон қилинган тадқиқотлар юксак ақл-идрок одамларга ишониш қобилияти билан боғлиқлигини кўрсатади. Бу ерда гап нафақат қариндошлар ва дўстлар, балки жамиятнинг бошқа вакиллари тўғрисида ҳам бормоқда.

Бунинг маъноси шуки, ақлли одамлар ишониш мумкин бўлмаган одамларни бошқалардан кўра яхшироқ танийдилар. Шунинг учун бошқаларга уларнинг кўнгли очиқ.
====================================
Каналга уланинг:
https://t.me/joinchat/AAAAAFdhwvK39Vn_nU45Cw Ochish/sharhlash

2020-04-19 18:24:02 KORXONA TURLARI VA BOSHQARISH USULLARI

Kulba – korxonada hammaning o’ziga tegishli «qo’shimcha» biznesi bor. Director nimadir, director muovini yana nimadir, ombor mudiri esa kanselyariya tovarlarini sotib tirikchilik qilishadi. Manfaatlar qarama-qarshiligi mavjud.

Ari uyasi – hamma o’z ishini biladi, vazifalaridan mamnun, qiziq muammolar o’z yechimini kutayapti, mutaxassis qadrlanadi, xullas, havas qilgudek sharoit yuzaga kelgan.

Direktor va vaxtyorlar – hamma narsani faqat director hal qiladi. Qolganlar vaxtyor darajasiga tushirilgan. Korxona unumdorligi director unumdorligi bilan belgilanadi.

Kaptarxona (devlar makoni) – it egasini tanimaydigan, kim nima qilishi belgilanmagan, tartibsiz korxona. Kulbaning «rivojlangan» ko’rinishlaridan. Aksariyat payt hamma o’z ishi bilan band, muammo tug’ilganda yugurib qolishadi.

Mikromenejment – boshqaruv burnini hamma burchakka suqishga harakat qiladi. Xodimlarning shaxsiy jonbozliklari so’ndiriladi.
Aslida barcha ichki nizolar, tanish-bilishlarga qilinadigan va’dalar va biznesga qarshi bo’lgan ishlarni qo’q qilishga erishilsa, bunday korxonaning tengi yo’q.

Bobir Ismoilov «Korxona quramiz» kitobidan olindi.

====================================
Kanalga ulaning:
https://t.me/joinchat/AAAAAFdhwvK39Vn_nU45Cw Ochish/sharhlash

2020-04-18 08:45:07 Кайфиятни кўтарамиз

Бир тўда эшак ҳайдаб келаётган одам Афандига :
- Менга ўнта эшакни ҳайдаб боришимни буюришганди, санаганимда ўнта эди, биттасини миниб кетаётиб йўлда санасам тўққизта чиқди, овқатлангани тўхтаганимда санасам яна ўнта, ҳозир яна тўққизта, сиз ҳам санангчи нечта эшак бор, деса, Афанди, ўн битта, дермиш.
====================================
Каналга уланиш:
https://t.me/joinchat/AAAAAFdhwvK39Vn_nU45Cw Ochish/sharhlash