Менинг Биринчи Президентим

2021-02-01 17:46:22 ​​#Хотира
#ИсломКаримов83

“Мен у даврларни эсласам фақат ностальгия ҳис этаман”

Ислом Каримов даврининг илк йилларида мактабни тугатиб, турк лицейида таълим олдим. Лицейни тугатгач, иқтисодиёт университетига ўқишга кириб, муваффақиятли тамомладим. Турли жойларда иш фаолиятимни юритдим. Орада савдо-сотиқ, шоу-бизнес ишларида ҳам тирикчилик қилиб турдим.

Мактаб давридан бошлаб то 2007 йилгача динда собит, 5 вақт намозда полвон, рамазон ойларида рўзамизни канда қилмай ибодатда бўлиб келганман. Кўчада ҳужжат текшириш пайтларида сумкамдан жойнамоз ҳам, тасбеҳ ҳам чиқар эди. Ходимлар ҳижолат бўлиб, «ука хизматчилик, узр» деб, тезда қўйиб юборишар эди.

Ишхоналаримда намозхон раҳбар ва ходимлар иқтидо қилишар эди, яъни имомликка ўтар эдим.
Ўрта миёна яхши яшадик. Ҳар жойда ўз сўзимизни гапира олдик. Бунинг учун биров олиб кириб қамаб юбормади. Намоз ўқир экансан деб террорчи ва экстремистга чиқариб нохақ маҳкамага тортмади.

Биринчи Президентимизни Худо раҳмат қилсин!
Мен у даврларни эсласам фақат ностальгия ҳис этаман.

Дилнур Камилов,
блогер

Биз билан бирга бўлинг
@Mening_Birinchi_Prezidentim Ochish/sharhlash

2021-02-01 07:38:01 #Хотира
#ИсломКаримов83

“Мен сизни барибир туғилган кунингиз билан табриклайман”

Бугун Биринчи Президентимиз Ислом Абдуғаниевич Каримовнинг туғилган кунлари.
Бугун ишда эдим. Учта россиялик йигитлар олдимга келишди. “Феруз, сен Ўзбексан тўғрими?” деб сўрашди. Мен “ҳа” дея жавоб бердим. Улар эса бугун Каримовнинг туғилган куни, яхши инсон бўлган деб айтишдида, яна йўлларида давом этиб кетишди. Кўзимга ёш келди.

Оила аъзоларимнинг тириклигига, уларнинг нафақат соғлиғи, балки юртимизнинг тинчлигини сақлаб, ҳаловатда тонгни қарши олишлари учун қилган меҳнатларингиз сабаб бўлган деб ҳисоблайман.
Тўғри, кўплар тирик одамларни туғилган куни билан табриклаш керак, деб ҳисоблашади. Аммо мен сизни барибир туғилган кунингиз билан табриклайман.

Ўз-ўзидан Ўзбекистон бўлмади.
Ўзбекистон бўлиш осон бўлмади!

Ферузбек Сайфуллаев,
Москва, Россия. 2021 йил 30 январь

Биз билан бирга бўлинг
@Mening_Birinchi_Prezidentim Ochish/sharhlash

2021-01-31 20:59:55 #Хотира

Шавкат Мирзиёев: «Ислом Каримовга отамга хизмат қилгандек хизмат қиламан!»

Биз билан бирга бўлинг
@Mening_Birinchi_Prezidentim Ochish/sharhlash

2021-01-30 19:43:44 #ИсломКаримов83

Бугун Москва шаҳрида ҳам Ўзбекистон Республикасининг Биринчи Президенти Ислом Каримовни хотирлаш тадбири ўтказилди. Унинг хотирасига ҳурмат бажо келтирилиб, пойига гуллар қўйилди.

Ислом Каримов ўзининг серқирра сиёсий фаолияти, олижаноб инсоний фазилатлари билан нафақат Ўзбекистон, балки жаҳон миқёсида катта ҳурмат ва обрў-эътиборга сазовор бўлган улуғ шахс ва арбоб хотирасига 2018 йилнинг 18 октябрь куни Москва шаҳрида ҳайкал ўрнатилган эди.

Владимир Путин ва Россия халқи Ислом Каримовни Ўзбекистон тараққиёти, халқимиз фаровонлиги йўлида фидокорона меҳнат қилган, энг мураккаб пайтларда тинчлик ва барқарорликни таъминлаган шахс сифатида хотирлайди.

Биз билан бирга бўлинг
@Mening_Birinchi_Prezidentim Ochish/sharhlash

2021-01-30 13:51:00 #ИсломКаримов83

Хотира кечасидаги спектаклдан лавҳа

Ислом Каримов ва Татьяна Каримовалар ролини Муқимий номидаги Ўзбекистон давлат мусиқали театри актёрлари ижро этдилар.

Биз билан бирга бўлинг
@Mening_Birinchi_Prezidentim Ochish/sharhlash

2021-01-30 11:34:08 Самарқандда ҳам Ислом Каримов хотираси ёд олинди.

Вилоят ҳокими Эркинжон Турдимов ушбу тадбирларга бош бўлди.

Биз билан бирга бўлинг
@Mening_Birinchi_Prezidentim Ochish/sharhlash

2021-01-30 10:14:10 Президент Шавкат Мирзиёев Ислом Каримов ҳайкали пойига гулчамбар қўйиб, Биринчи Президентимиз хотирасига ҳурмат кўрсатди.
Қуръон оятлари тиловат қилинди. Ислом Каримовнинг эзгу ишлари, олижаноб инсоний фазилатлари ёдга олинди.
Маросимда Президент Администрацияси, парламент палаталари ва ҳукумат аъзолари, илм-фан ва маданият намояндалари, зиёлилар, пойтахт жамоатчилиги иштирок этди.

Биз билан бирга бўлинг
@Mening_Birinchi_Prezidentim Ochish/sharhlash