Менинг Биринчи Президентим

2021-02-10 19:17:15 #Биласизми

1992 йил Биринчи Президентимиз Ислом Каримовнинг “Ўзбекистоннинг ўз истиқлол ва тараққиёт йўли” деб номланган илк китоби чоп этилган.

Биз билан бирга бўлинг
@Mening_Birinchi_Prezidentim Ochish/sharhlash

2021-02-09 08:04:08 #Навоий580

Ислом Каримов Навоий ҳақида:

«Агар бу зотни авлиё десак, у - авлиёларнинг авлиёси, мутафаккир десак - мутафаккирларнинг мутафаккири, шоир десак -шоирларнинг султонидир. Инсон қалбининг қувончу қайғусини, эзгулик ва ҳаёт мазмунини Навоийдек теран ифода этган шоир жаҳон адабиёти тарихида камдан- кам топилади»

Суратда: Ўзбекистон Президенти Ислом Каримов Алишер Навоий ҳайкали очилиш маросимида.
Баку шаҳри. Озарбайжон. 12.09.2008 йил

Биз билан бирга бўлинг
@Mening_Birinchi_Prezidentim Ochish/sharhlash

2021-02-08 17:12:30 ​​#Навоий580

Мустақиллик ва Навоий

Алишер Навоий сиймоси ҳақида гап кетса, энг аввало мустақиллигимиз билан боғлиқ бир ҳолат ёдимга тушади.

Биласиз, юртимизда йилларга турлича ном бериш анъанаси бор. Кўпчилик йилларнинг бундай номланиши 1997 йилдан бошланган деб ўйлашади. Лекин ҳужжатлардан кўриш мумкинки, бу анъана ҳали юртимиз мустақил бўлмасдан аввал бошланган.

1991 йил 29 январь куни Ўзбекистон Совет Социалистик Республикасининг Президенти Ислом Каримов «Алишер навоийнинг 550 йиллигини нишонлаш тўғрисида»ги ПФ-139-сонли Фармонга имзо чекади. Фармон матнига эътибор беринг:

«Буюк шоир, мутафаккир, давлат ва жамоат арбоби Алишер Навоий таваллудининг 550 йиллиги нишонланиши муносабати билан меҳнаткашлар ва жамоаларнинг таклифларини инобатга олиб:

— 1991 йил Ўзбекистон Совет Социалистик Республикасида Алишер Навоий йили деб эълон қилинсин;
— юбилей тантаналари шу йилнинг сентябрь ойида ўтказилсин».

Эътибор берган бўлсангиз, фармон январь ойида имзоланган. Лекин юбилей тантаналарини негадир сентябрь ойида ўтказиш режалаштирилган. Қарангки, юбилей танталари белгиланган сентябрь ойида Ватанимиз мустақилликка эришиб бўлган эди! Бу оддий тасодифмикин?

Менимча, буюк бобокалонимизнинг юбилейлари айнан мустақилликнинг илк кунларига тўғри келгани, шунчаки тасодиф эмас. Бунда ҳам рамзий маъно бўлса керак.

Блогер Хушнудбек

Биз билан бирга бўлинг
@Mening_Birinchi_Prezidentim Ochish/sharhlash

2021-02-07 09:55:07 #Хотира

«Ислом Каримов мамлакатда ва минтақада хавфсизликни таъминлаш йўлларини тинимсиз қидирган»

Мен хизмат юзасидан турли даврларда Ислом Каримов билан учрашганман ва ҳамиша унинг халқаро майдондаги вазиятни чуқур билиши ҳамда турли маданиятлар ўртасида келишувни топиш ва мулоқот қилиш қобилиятига қойил қолганман. У замонамизнинг бутун дунёга оид мураккабликларидан, шунингдек, сиёсий ва иқтисодий хавф-хатарларидан воқиф эди. Ислом Каримов мамлакатда ва минтақада хавфсизликни таъминлаш йўлларини тинимсиз қидирган.

Мигель Анхель МОРАТИНОС,
Испаниянинг собиқ ташқи ишлар вазири
2016 йил, сентябрь

Батафсил: http://mustaqillik-asoschisi.uz/?p=437

Биз билан бирга бўлинг
@Mening_Birinchi_Prezidentim Ochish/sharhlash

2021-02-06 11:58:11 #Кун_тарихи

Бугун 25 йил аввал Хуан Антонио Самаранч Ислом Каримовга олимпия орденини топширди.

Халқаро олимпия қўмитасининг президенти Хуан Антонио Самаранч Ўзбекистон Президенти Ислом Каримовга олимпия ҳаракати ва олимпизмни ривожлантиришга қўшган ҳиссаси учун Халқаро олимпия қўмитасининг олтин орденини топширди.

Лозанна, Швейцария. 1996 йил февраль. Ochish/sharhlash

2021-02-04 21:15:10 ИСТИҚЛОЛГА БОШЛАГАН ДАРҒА

Мустақил Ўзбекистоннинг Биринчи Президенти Ислом КАРИМОВ сиймосига чизгилар

Мустақил давлат имижини яратиш, шакллантириш ва ривожлантиришда тарихий шахснинг ўрни, аҳамияти ҳақида сўз юритилар экан, албатта, унинг миллий ва хорижий ОАВ вакиллари билан учрашувлари, интервьюларини алоҳида ўрганиш, тадқиқ этиш мақсадга мувофиқдир. Қўлингиздаги ушбу илмий-оммабоп рисолада давлат раҳбарининг мамлакат медиа имижини шакллантиришда ғоятда муҳим ўрин эгаллаши
Ўзбекистон Республикасининг Биринчи Президенти Ислом Каримов фаолияти мисолида ўрганилган.

Китоб кенг ўқувчилар оммасига, жумладан ОАВ вакиллари, ахборот хизматлари ходимлари, журналистика факультетларида таҳсил олаётган талабалар, тадқиқотчи-мутахассисларга мўлжалланган.

Рисола Ўзбекистон давлат жаҳон тиллари университети халқаро журналистика факультети Илмий кенгашининг 2017 йил 2 ноябрь (4-сонли) қарори билан тасдиқланиб, нашрга тавсия қилинган.

Кўчириб олиш: PDF

Биз билан бирга бўлинг
@Mening_Birinchi_Prezidentim Ochish/sharhlash

2021-02-03 13:34:09 Ислом Каримов ҳайкали олдида.
Москва. 2021 йил 30 январь.
-
У памятника Исламу Каримову.
Москва. 30 января 2021 года.

http://t.me/islam_karimov_museum Ochish/sharhlash

2021-02-03 09:16:58 #Хотира

«Биз ўз миллатимизни мана шу муқаддас диндан айро ҳолда асло тасаввур қила олмаймиз. Диний қадриятлар, исломий тушунчалар ҳаётимизга шу қадар сингиб кетганки, уларсиз биз ўзлигимизни йўқотамиз» - Ислом Каримов

Ўтганларнинг охирати обод бўлсин!

Биз билан бирга бўлинг
@Mening_Birinchi_Prezidentim Ochish/sharhlash

2021-02-02 17:52:56 #ИсломКаримов83

Яқин ўтмишимиздан ноёб кадрлар. Самарқанд, 1992 йил.

Россия Федерациясининг биринчи президенти Борис Елцин ва Ўзбекистон Республикасининг биринчи президенти Ислом Каримов Самарқандда оддий одамлар билан самимий учрашуви.

Биз билан бирга бўлинг
@Mening_Birinchi_Prezidentim Ochish/sharhlash

2021-02-01 20:37:36 ​​#Хотира
#ИсломКаримов83

O‘lsam, janozamni bulbul o‘qisin

O‘lsam, janozamni bulbul o‘qisin,
Kuyib o‘tgan umrim sharhini aytsin.
Bardoshim haqida ash’or to‘qisin,
Mendan norozilar fikridan qaytsin.

O‘lsam, janozamni bulbul o‘qisin,
Aytolmay qolganim desin Ollohga,
Salovatlar aytsin to‘plab bor kuchin,
Bilmagan bilganim desin Ollohga.

O‘lsam, olov tanim muz bilan yuving,
Toki, kafanlarim ketmasin kuyib,
Yuvgach, yuragimga parcha muz qo‘ying,
Boray huzuriga ozgina sovib.

O‘lsam, kafanimni bulutdan qiling,
Yomg‘irga aylansin, yonsam qabrda.
Qabrimni qazsangiz sal kengroq oling,
Gunohkor bandaga tor go‘r jabrda…

O‘lsam, chinor eking qabrim boshiga,
Toki, soyasida tilovat o‘qing.
Cho‘milib yashadim ko‘zim yoshiga,
Yig‘lamang, siz faqat salovat o‘qing.

Kichkina yasating qabrtoshimni,
Qur’on oyatlarin yozdiring o‘yib,
Yozmang qabrtoshga umrim, yoshimni,
Men safarga ketdim chorig‘im kiyib.

O‘lsam, oyoq tomon, o‘ng tomonimga,
To‘rt kishi sig‘arlik kursi yasating,
Sog‘inib kelsangiz ixlosla o‘qing,
Qabrimni gul emas, Qur’on bezasin.

Актриса Дурдона Қурбонованинг “Инстаграм”даги саҳифасидан олинди

Биз билан бирга бўлинг
@Mening_Birinchi_Prezidentim Ochish/sharhlash