Matematika NOL dan boshlab

2022-08-31 04:22:30 #Мулоҳаза

Нега ўқувчилар доска олдига чиққанда ҳаяжонланади?

Ҳеч Россия телеканалларида эфирга узатиладиган «Лучше всех» кўрсатувини кузатганмисиз? У ерга асосан талантли болалар олиб чиқилади.

Мен кўрсатувни кузатиш давомида бир нарсага гувоҳ бўлганман. Яъни рус болалари камера қаршисида ҳеч қандай ҳаяжонни ҳис қилмайди. Бунга Россияда бўлган пайтларимда ҳам бир неча бор гувоҳ бўлганман. Ҳақиқатдан ҳам уларда умуман ҳаяжон йўқ.

Бизнинг ўқитувчилар эса дарс давомида ўқувчиларни савол-жавоб қилиш учун шунчаки доска олдига чиқариши билан энг аълочи ўқувчи ҳам ҳаяжонланганидан гапларини йўқотиб қўяди. Камера қаршисида ўзларини қандай тутишини айтмаса ҳам бўлади. Рус болаларидан эса ҳаяжон тугул, ўқитувчининг ҳам ҳаёлига келмайдиган жавоблар чиқади.

Ҳўш бунинг асл сабаби нимада бўлиши мумкин?

Бунинг сабаби шундаки, биз болаларни ёшлигиданоқ чизган чизиғимиздан чиқмаслиги, фақат бизни айтганимизни қилиши учун уларни қўрқитиб назоратда ушлаб туришга ҳаракат қиламиз.

Кўпчилик оналар одатда фарзанлари уларнинг айтганларини қилишмаса яхшилаб калтаклашади ёки отанга айтаман деб қўқитишади ёки бўлмаса омборга қамаб қўйишади.

Бу йўл билан фарзандимни қаттиқ назоратда ушлаб турибман, яхши тарбия беряпман деб ўйлайди. Бола ёшлигида ўзи тушуниб етолмаган нарсалар ҳақида сўраганда эса, жавоб беришга эринчоқлик қилган ота-оналар осонгина «ишинг бўлмасин», «ақлинг етмаган нарсаларга аралашма», «яна савол берсанг калтаклайман» деб ўзларини олиб қочади.

Ундан ташқари агар бола бирор буюмга эҳтиётсизлик оқибатида зарар етказиб қўйса ҳам мактабда ким биландир урушиб келса ҳам, ёмон баҳо олса ҳам болага нисбатан қандайдир жазо чораси қўлланилади ёки аксинча уларнинг ютуқларига умуман эътибор бермайди.

Натижада эса бола хато қилишдан қўрқиш у ёқда турсин дахшатга тушишни бошлайди. Ҳаммаси мана шундан бошланади. Бунинг оқибатида болада хато қилиши билан стрес ва ҳаяжон авж ола бошлайди. Оқибатда унинг онг остида ҳеч қачон ҳато қилмаслик ва агар хатоликка йўл қўйган тақдирда уни муқаррар жазо кутиб туриши мумкинлиги ҳақидаги фикрлар мухрланиб қолади.

Натижада эса бола доим нимадандир қўрқиб яшашга ўрганиб қолади. Болалардаги қўрқув ҳолати оз-озидан журатсизликни юзага келтиради. Чунки бунда болакайнинг иродаси сусайиб, ўзига нисбатан ишончи йўқолади.

Бола вояга етганда ҳам бу фикрлар унинг ҳаёлидан ҳеч қачон кетмайди. Кейинчалик бу жараён мактабда ҳам давом эттирилади. Болалар қўрқув орқали назоратда ушлаб турилади. Худди шунинг учун юқори синф ўқувчиси ҳам доска олдига чиққанида ҳаяжондан гапини тополмай, юзи қизариб тураверади.

Рус болалари эса жуда эркин. Сабаби руслар фарзандларини арзимаган хатолари учун ҳам жазолайвермайди. Шунинг учун уларда қўрқув йўқ. Энг муҳими улар болаларининг мактабдаги ҳар бир хатти-ҳаракатларини, олаётган баҳоларига жиддий эътибор қаратиб, доимий равишда рағбатлантириб боради.

P.S: Буларнинг бари шахсий кузатувларим.

Xalq ta'limi Info Ochish/sharhlash

2022-08-29 17:10:25 #Achchiq_haqiqat
#Abituriyent

Kimga yuborishni bilamiz a? Magistrlar Ochish/sharhlash

2022-08-29 17:08:06 #Ustozlar_milliy_forumi

Shoʻba: Aniq fanlar
Mavzu: Raqamli dunyo uchun kerakli
ko‘nikmalar
Trenerlar: Arabboy Abdullajonov -
Respublika ta’lim markazi metodisti.
Muattar Tilovova - Sergeli tumanidagi 7-maktabning Informatika o'qituvchisi

Kanalga obuna bo'lish:
Telegram | Facebook | Instagram | You Tube Ochish/sharhlash

2022-08-29 16:58:57 #Ustozlar_milliy_forumi

Shoʻba: Aniq fanlar
Mavzu: Matematika fanini o‘qitishda
ilg‘or xoriy tajribalar
Trenerlar: Ra’no Hamrayeva - Algebra darsligi muallifi, Vestministr xalqaro universiteti o‘qituvchisi. Xolmirza Yusupov - Respublika ta'lim markazi metodisti

Kanalga obuna bo'lish:
Telegram | Facebook | Instagram | You Tube Ochish/sharhlash

2022-08-29 16:51:13 #Ҳуқуқий_саводхонлик

Ўқувчилари олий таълим муассасаларига кириш имтиҳонларида энг юқори натижа кўрсатган педагог кадрлар ҳар ойда бериладиган 5 млн сўмлик устамага тавсия қилинади

Умумий ўрта таълим муассасаларида фаолият юритаётган, ўқувчилари олий таълим муассасаларига ёки Президент, ижод ва ихтисослаштирилган мактабларга кириш имтиҳонларида энг юқори натижа кўрсатган педагог кадрлар Халқ таълими жамғармаси ҳисобидан устама олишлари мумкин.

Бу ҳақда Вазирлар Маҳкамасининг 2022 йил 2 августдаги 425-сон қарори билан тасдиқланган “Халқ таълими вазирининг жамғармаси тўғрисидаги Низом”да қайд этилган.

Бунда малакали педагог кадрларга ва илғор ходимларга ҳар ойлик устама ҳамда бир марталик пул мукофотларини тўлаш ишларини мувофиқлаштириш учун Вазирликда доимий равишда ишлайдиган Ишчи гуруҳ тузилади.

Давлат тест маркази умумий ўрта таълим муассасалари битирувчиларининг тегишли ўқув йилида ўқишга қабул қилишда олий таълим ташкилотларига кириш имтиҳони ҳамда Президент, ижод ва ихтисослаштирилган мактаб тўғрисидаги маълумотларни (абитуриентлар ва имтиҳон ўтказилган фанлар бўйича) натижалари вазирликка тақдим этади.

Вазирлик ишчи гуруҳи умумий ўрта таълим муассасалари битирувчилари (ўқувчилари) томонидан тегишли ўқув йили қабулида олий таълим ташкилотларига, Президент, ижод ва ихтисослаштирилган мактабларга кириш имтиҳонларида жамлаган баллардан келиб чиқиб йиллик квотани «Бошланғич таълим», «Аниқ ва табиий фанлар», «Хорижий тиллар», «Ижтимоий фанлар» ва «Амалий фанлар» йўналишлари бўйича туман (шаҳар)лар бўйича тақсимлайди ва ҳудудий кенгашларга тақдим этади.

Ҳудудий кенгашлар туман (шаҳар) квотасидан келиб чиқиб ҳар ойлик устама олиш учун номзодларни «Бошланғич таълим», «Аниқ ва табиий фанлар» «Хорижий тиллар», «Ижтимоий фанлар» ва «Амалий фанлар» йўналишлари бўйича туман (шаҳар) бўйича Ишчи гуруҳга тақдим этади.

Ишчи гуруҳ томонидан унга тақдим этилган номзодлар орасидан устама тўланадиган малакали педагог кадрлар икки босқичли синов орқали танлаб олингач уларга меҳнатга ҳақ тўлашнинг энг кам миқдорининг 5,5 баравари миқдорида ҳар ойлик устама тўланади.

Ҳар ойлик устама у белгиланган кундан бошлаб 9 ой давомида берилади. Бунда ходимнинг иш жойи, лавозими ўзгарган ҳолда ҳам унинг ҳар ойлик устамаси сақлаб қолинади ва белгиланган муддатга қадар тўланади.

Xalq ta'limi Info Ochish/sharhlash

2022-08-28 19:20:18 ​​ Супер-контракт нархини қандай ҳисоблайман?

ЖАВОБ: буни билиш учун эринмасдан ушбу постни охиригача ўқишингиз керак.

Жуда кўпчилик супер-контракт нархи қанча бўлиши ҳақида савол бермоқда.

Супер-контракт нархи қанча бўлишини исталган инсон ўзи мустақил ҳисоблаб олиши мумкин, бунинг учун етарли барча маълумотлар эълон қилинган. Фақат озгина ҳафсала керак холос.

Энг аввало бир нарсани ёдда тутинг, супер-контрактнинг энг аниқ миқдорини фақат ва фақат ўзингиз ҳужжат топширган олий таълим муассасаси орқали билишингиз мумкин.

Энди минимум миқдорлар ҳақида.

1-эслатма: супер-контракт деган тизим кундузги, сиртқи, кечки таълимда ҳам бор;

2-эслатма: имтиёз олган, лекин кира олмаган абитуриентлар учун умумий кириш балига қараб супер-контракт нархи белгиланади, имтиёзлиларнинг ўтиш балига қараб эмас.

Супер-контракт нархи кундузги таълим шаклида стипендиясиз тўлов-контракт миқдоридан ҳисобланади (сиртқи ва кечкида шундоқ ҳам стипендия йўқ). Демак, қуйида илова қилинган жадвалда кўрсатилган контракт суммасини супер-контракт баробарига кўпайтиришингиз керак.

Шунингдек, 3 та тоифадан қайси бирига тааллуқли эканлигингизни ҳам аниқлаб олишингиз керак.

1-тоифа: кириш чизиғига 4 баллгача етмай қолган абитуриентлар

Бунда қуйидаги шкала амал қилади:

1 баллгача етмаган абитуриентлар учун – базавий тўлов-контракт миқдорининг 1,5 баробари;

1,1 баллдан 2 баллгача — 2,0 баробари;

2,1 баллдан 3 баллгача — 2,5 баробари;

3,1 баллдан 4 баллгача — 3,0 баробари.

Масалан, математика йўналишида 1,5 балл етмай қолди дейлик. Бундай вазиятда ўша абитуриент 2 баробар тўлайди. Жадвалга қарасак, математика йўналишида контракт нархи 6.412.610 сўм. Демак, математика йўналишига 1,5 балл етмай қолган абитуриент 12 млн 825 минг сўм супер-контракт тўлайди (2 x 6.412.610).

2-тоифа: кириш чизиғига 4 баллдан ортиқ етмай қолган ва ўзи 56,7 дан кўп балл тўплаганлар

Бундай абитуриентлар супер-контракт учун йўналишига қараб пастдаги жадвалда кўрсатилган оддий контрактнинг минимум 8, 10, 12, 15, 17 ёки 25 баробарини тўлайди.

Қайси йўналишга неча баробар тўланиши мана бу файлда келтирилган:
https://t.me/xushnudbek/11522

Масалан, иқтисод йўналишига кириш бали 150 балл бўлди дейлик. Абитуриент 70 балл тўплади. Демак, унга 4 баллдан ортиқ етмай қолган, ўзи ҳам 56,7 баллдан кўпроқ тўплаган. Иқтисод йўналишига минимум супер-контракт 10 баробар этиб белгиланган. Стипендиясиз оддий контракт нархи эса 9.129.930 сўм.

Хулоса: иқтисод йўналиши учун супер-контракт миқдори минимум 91 млн 299 минг сўм (10 х 9.129.930).

БУ МУҲИМ: ўтиш балига 4 баллдан кўпроқ етмай қолган ва 56,7 баллдан кўп тўплаганларнинг ҳаммасига бир хил нарх бўлади. Яъни 5 балл етмаган ҳам, 50 балл етмаган ҳам бир хил тўлайди. Ўшанчун менга 10 балл етмади, менга 30 балл етмади, қанча бўлади, деб сўрашдан фойда йўқ.

3-тоифа: 56,7 баллдан кам тўплаганлар

Бундай абитуриентлар супер-мупер контрактда ўқиши мумкин, фақат камида 2-тоифадагилар тўлайдиган сумманинг 2 баробарини тўлашади. Масалан, абитуриент иқтисод йўналишига топшириб, 40 балл тўплаган, яъни 56,7 баллдан кам. Демак, у камида 182 млн 598 минг сўм тўлаши керак (2 х 91.299.300).

Айримлар сўрамоқда. Масалан, абитуриент 54 балл олди. Кириш бали эса 57 балл бўлди. Шунда 3 балл етмаган бўлса, супер контракни камроқ тўлайдими? Йўқ ва асло йўқ! 56,7 баллдан кам тўпландими, тамом, бунақада икки карра кўпроқ супер-контракт тўланади. Кириш балига қанча етмагани аҳамиятсиз.

Хуллас, Сиз тўплаган балингиз асосида камида тахминан қанча супер-контракт тўлашингизни бемалол ўзингиз ҳисоблаб кўришингиз мумкин.

Сўзим сўнггида яна қайтараман, аниқ суммани фақат ОТМ орқали била оласиз.


@xushnudbek Ochish/sharhlash

2022-08-27 21:37:10 #Диққат #Расман
Барча давлат олий таълим муассасаларининг барча босқич талаблари учун тўлов-контракт миқдорлари оширилмайди!

Давлатимиз раҳбари Шавкат Мирзиёевнинг мамлакатимиз таълим тизимига берган алоҳида эътибори, жумладан талабаларга олий таълим олишлари учун кўрсатган ғамхўрлиги, халқчил сиёсати натижасида 2022/2023 ўқув йили учун барча йўналишлар бўйича тўлов-контракт миқдорлари оширилмайдиган бўлди.! Ochish/sharhlash

2022-08-27 21:36:48 ​​#Qabul2022 #Natija
Yakuniy tanlov natijalari (mandat) e’lon qilindi

2022-2023-o‘quv yili uchun oliy ta’lim muassasalarining bakalavriat ta’lim yo‘nalishlariga kirish test sinovlari bo‘yicha tanlov natijalari e’lon qilindi.

Tanlov natijalarini 6 xil usulda bilish mumkin.

my.dtm.uz sayti orqali:

my.dtm.uz saytiga abituriyentning pasport seriyasi va raqami hamda shaxsiy identifikatsiya raqamini kiritgan holda.

mandat.dtm.uz sayti orqali:

mandat.dtm.uz saytining “Bakalavr-2022” bo‘limiga abituriyentning ID raqamini kiritgan holda.

SMS xabarnoma xizmati orqali:

5100 raqamiga abituriyentning ID raqami yuborilganda, mazkur telefon raqamiga tanlov natijalari bo‘yicha SMS xabarnoma yuboriladi (xizmat haqi mavjud).

Davlat test markazining quyidagi telegram botlari orqali (abituriyentning ID raqamini yuborgan holda):

@e_dtm_mandatbot
@e_dtm_mandat1bot
@e_dtm_mandat2bot
@e_dtm_mandat3bot
@e_dtm_mandat4bot

QR-kod orqali:

Abituriyent ruxsatnomasining quyi qismidagi QR-kod (natijani ko‘rish uchun havola) ni skaner qilgan holda.

Test natijalari qaydnomasi orqali:

Shuningdek, test natijalari qaydnomasi oliy ta’lim muassasalariga taqdim etiladi. Ochish/sharhlash

2022-08-27 21:27:19 Мандат чиқди!

my.dtm.uz сайтига абитуриентнинг паспорт серияси ва рақами ҳамда шахсий идентификация рақамини киритган ҳолда.

mandat.dtm.uz сайти орқали:

mandat.dtm.uz сайтининг “Бакалавр-2022” бўлимига абитуриентнинг ИД рақамини киритган ҳолда.

СМС хабарнома хизмати орқали:

5100 рақамига абитуриентнинг ИД рақами юборилганда, мазкур телефон рақамига танлов натижалари бўйича СМС хабарнома юборилади (хизмат ҳақи мавжуд).

Давлат тест марказининг қуйидаги телеграм ботлари орқали (абитуриентнинг ИД рақамини юборган ҳолда):

@e_dtm_mandatbot
@e_dtm_mandat1bot
@e_dtm_mandat2bot
@e_dtm_mandat3bot
@e_dtm_mandat4bot Ochish/sharhlash

2022-08-27 21:07:59 Айтинг дўстим нима қилдик онамиз учун?

Кўз ёшларингизни тия олишингиз жуда ҳам мушкул бўлган видеоролик! Аллоҳим барчамизни ота-оналаримизни ўзи ҳифзу ҳимоясида сақласин!
Ochish/sharhlash