Ta'lim Huquqi

2022-09-01 12:46:44 Super-kontrakt masalasida ayrim savollarga javoblar.

Super kontraktga ariza qayerga beriladi?

Belgilangan oʻtish balini toʻplay olmagan, ammo tabaqalashtirilgan toʻlov-shartnoma (super-kontrakt) asosida oʻqish istagini bildirgan talabgorlar uchun kontrakt.edu.uz platformasi orqali 5-sentyabrdan boshlab onlayn ariza berish va shartnomani onlayn rasmiylashtirish imkoniyati beriladi.

Super-kontraktning narxi qancha?

Qo‘shimcha to‘lov-kontrakt miqdori amalda o‘rnatilgan to‘lov-kontrakt miqdoriga nisbatan quyidagi miqdorlarda belgilanadi:

Batafsil: https://telegra.ph/Super-kontrakt-masalasida-ayrim-savollarga-javoblar-09-01

Talabalarga ta’lim krediti ajratish tartibi...

@Talim_huquqi Ochish/sharhlash

2022-09-01 11:44:02 #Bilasizmi

Aholini tadbirkorlikka jalb qilish uchun subsidiyalar beriladi

Aholini tadbirkorlikka jalb qilish jamg'armasi mablag'lari hisobidan quyidagi maqsadlar uchun subsidiyalar ajratiladi:

yengil konstruksiyali issiqxonalar o'rnatish uchun – BHMning 30 baravarigacha (9 mln so'mgacha) miqdorida;

sug'orish vositalari xarid qilish uchun – BHMning 10 baravarigacha (3 mln so'mgacha) miqdorida;

urug'liklar va ko'chatlar sotib olish uchun – BHMning 3 baravarigacha (900 ming so'mgacha) miqdorida;

ishsiz fuqarolar, kam ta'minlangan oilalar a'zolari va tashqi mehnat migrasiyasidan qaytib kelgan shaxslarga ularning bandligini ta'minlash maqsadida tashkil etiladigan qishloq xo'jaligi kooperativlari ustav fondiga ulush sifatida kiritish uchun – BHMning 10 baravarigacha (3 mln so'mgacha) miqdorida;

“O'zbekipaksanoat” uyushmasi tarkibidagi qo'lda gilam va ipak mato to'qish bilan shug'ullanuvchilarga 3 tadan kam bo'lmagan ish o'rni yaratish sharti bilan gilam va ipak mato to'qish dastgohini xarid qilishga sarflanadigan xarajatlarni qoplash uchun – har bir dastgoh uchun BHMning 10 baravarigacha (3 mln so'mgacha) miqdorida;

“Yaylov xo'jaligini rivojlantirish” uyushmasi a'zolariga qo'l mehnati uchun uskunalar xarid qilish bo'yicha xarajatlarni qoplash uchun kamida bitta ish o'rni yaratish sharti bilan BHMning 10 baravarigacha (3 mln so'mgacha) miqdorida;

2025-yil 1-yanvargacha jismoniy shaxslarning aholi xonadonlarida baliq yetishtirish yo'nalishi bo'yicha o'quv kurslarida o'qish xarajatlarini qoplash uchun – BHMning 2 baravaridan oshmagan (600 ming so'mgacha) miqdorda bir martalik;

tadbirkorlik va o'zini o'zi band qilish faoliyatini boshlamoqchi bo'lgan ishsiz, shu jumladan, “Temir daftar”, “Ayollar daftari” va “Yoshlar daftari”ga kiritilgan fuqarolarga faoliyatini boshlash uchun kerak bo'lgan asbob-uskuna, mehnat qurollarini xarid qilish uchun – 7 million so'mgacha, xotin-qizlarga 10 million so'mgacha;

tadbirkorlik faoliyatini boshlayotgan ishsiz fuqarolarga tadbirkorlik subyekti sifatida davlat ro'yxatidan o'tgandan so'ng dastlabki 3 oy mobaynida olingan bino va inshootning ijara to'lovini to'lash uchun – BHMning 10 baravarigacha (3 mln so'mgacha) miqdorida;

hunarmandlarning “Hunarmand” uyushmasiga a'zolik badali xarajatlari uchun – a'zolik badali miqdorida;

aholi bandligiga ko'maklashish markazida ro'yxatdan o'tgan, tadbirkorlik faoliyatini boshlashni xohlayotgan ishsiz shaxslarga – yakka tartibdagi tadbirkor sifatida ro'yxatdan o'tish, kichik korxonalar va mikrofirmalarni davlat ro'yxatidan o'tkazish uchun – sarflanadigan xarajatlarni to'lashda bir martalik;

“usta-shogird” an'analari asosida yoshlarga hunar o'rgatayotgan hunarmandlarga (kulollarga) shogirdlar tayyorlash, zarur xomashyo sotib olish va shogirdlarni ish haqi bilan ta'minlash uchun – 6 oy davomida har oyda BHMning 2 baravaridan (600 ming so'mdan) kam bo'lmagan miqdorda;

shogirdlarga – mustaqil faoliyat boshlashi uchun zarur asbob-uskuna va jihozlarni sotib olish, shuningdek, ustalarga – internet saytlarini tashkil etish, o'z mahsulotlarini jahon elektron savdo maydonchalariga chiqarish va reklama xarajatlarining 50 foizi, biroq BHMning 25 baravari (7,5 mln so'm) miqdoridan oshmaydigan qismiga subsidiya ajratiladi.

@Talim_huquqi Ochish/sharhlash

2022-08-31 17:20:17 #Perevod

O‘qishni ko‘chirish bo‘yicha o‘tkazilgan test sinovlari yuzasidan apellatsiya arizalarini qabul qilish boshlandi

Talabalar o‘qishini xorijiy davlatlardagi OTMlardan, shuningdek O‘zbekistondagi xorijiy va nodavlat OTMlardan davlat OTMlariga ko‘chirish bo‘yicha o‘tkazilgan test sinovi natijasidan norozi bo‘lgan talabgorlardan apellatsiya arizalarini qabul qilish boshlandi.

Apellatsiya arizalari 6-sentabrga qadar my.dtm.uz sayti orqali (talabgorning shaxsiy kabinetida) onlayn tarzda qabul qilinadi.

Talabgor apellatsiya shikoyati berishi uchun test sinovida ishtirok etgan va test sinovidan chetlatilmagan bo‘lishi lozim.

Apellatsiya arizasini bergan talabgorga uni ko‘rib chiqish sanasi va vaqti ko‘rsatilgan xabarnoma beriladi.

Talabgor xabarnomada belgilangan vaqtda shaxsini tasdiqlovchi hujjat, xabarnoma va ruxsatnoma bilan Davlat test markaziga kelishi lozim.

@Talim_huquqi Ochish/sharhlash

2022-08-31 14:11:10 #Perevod

Xorijdan o‘qishni ko‘chirish bo‘yicha ijodiy imtihon natijalari e’lon qilindi

Talabalar o‘qishini xorijiy davlatlardagi OTMlardan, shuningdek O‘zbekistondagi xorijiy va nodavlat OTMlardan davlat OTMlariga ko‘chirish bo‘yicha o‘tkazilgan kasbiy (ijodiy) imtihon natijalari Davlat test markaziga taqdim etildi.

OTMlar tomonidan taqdim etilgan kasbiy (ijodiy) imtihon natijalari test sinovi natijalari bilan birga hisoblanib, my.dtm.uz va mandat.dtm.uz saytlariga joylashtirildi.

Oliy ta’lim muassasalari tomonidan o‘tkazilgan kasbiy (ijodiy) imtihonlarda ishtirok etgan talabgorlar o‘z natijalarini 4 xil usulda bilishlari mumkin:

my.dtm.uz saytining “O‘qishni ko‘chirish (xorijdan) Natijani olish“ bo‘limidan pasport seriyasi va raqami hamda shaxsiy identifikatsiya raqamini kiritgan holda.

mandat.dtm.uz saytining “O‘qishni ko‘chirish-2022” bo‘limi orqali talabgorning ID raqamini kiritgan holda.

Davlat test markazining quyidagi telegram botlariga talabgorning ID raqamini yuborgan holda (“O‘qishni ko‘chirish 2022” bo‘limidan):

@e_dtm_mandatbot
@e_dtm_mandat1bot
@e_dtm_mandat2bot
@e_dtm_mandat3bot
@e_dtm_mandat4bot

Talabgor ruxsatnomasining quyi qismidagi QR-kod (natijani ko‘rish uchun havola) ni skaner qilgan holda.

Manba: Davlat test markazi

@Talim_huquqi Ochish/sharhlash

2022-08-31 13:02:33 #xalq_taʼlimi

O'qituvchilarga dars soatlari ularning ko'rsatkichlariga qarab taqsimlanadi

Maktab o'qituvchilariga dars soatlari quyidagi ko'rsatkichlarning ustuvor ketma-ketligi asosida taqsimlanadi:

xalqaro olimpiadalar g'oliblarini tayyorlagan o'qituvchilar;
o'qituvchi bo'lib ishlayotgan xalqaro olimpiadalar g'oliblari;
xalqaro sertifikatlarga ega o'qituvchilar;
TOP-1000 universitetlardan birini bitirgan o'qituvchilar;
asosiy olimpiadalarning respublika bosqichi g'oliblarini tayyorlagan o'qituvchilar;
o'qituvchi bo'lib ishlayotgan asosiy olimpiadalarning respublika bosqichi g'oliblari;
respublika bosqichidagi ko'rik tanlovlarda (yil o'qituvchisi) sovrinli o'rinlarga ega bo'lgan o'qituvchilar;
oliy malaka toifasiga ega o'qituvchilar;
birinchi malaka toifasiga ega o'qituvchilar;
asosiy olimpiadalarning viloyat va tuman bosqichi g'oliblarining o'qituvchilari;
ikkinchi malaka toifaga ega o'qituvchilar;
pedagogik yo'nalish bo'yicha magistr darajasiga ega o'qituvchilar;
o'z fanidan o'tkazilgan sinovlar natijasi bo'yicha a'lo baholarga ega o'qituvchilar;
oliy ma'lumotli toifasiz o'qituvchilar;
qayta tayyorlash bo'yicha diplomga ega o'qituvchilar;
OTMning pedagogik yo'nalish bo'yicha bitiruvchi bosqich talabalari;
pedagogik yo'nalish bo'yicha xorijiy davlatlarning oliygohlarini bitirgan, biroq diplomi tan olinmagan o'qituvchilar;
o'rta maxsus, professional ma'lumotga ega o'qituvchilar;
umumta'lim muassasasining tegishli mutaxassisligi bo'yicha rahbar xodimlari.

Umumta'lim muassasasining pedagogik kengashi tomonidan dars soatlari qayta taqsimlanishi mumkin.

@Talim_huquqi Ochish/sharhlash

2022-08-31 06:07:59 Talabalarga ta’lim krediti ajratish tartibi.

Hukumat qarori (527-son, 18.08.2021-y.) bilan Moliya vazirligi huzuridagi Ta’lim kreditini moliyalashtirish jamg‘armasi hisobidan oliy ta’lim tashkilotlarida to‘lov-kontrakt asosida o‘qish uchun ta’lim kreditlarini ajratish tartibi to‘g‘risidagi nizom tasdiqlangan.

Nizomga ko‘ra, ta'lim krediti Respublikamizdagi oliy, o‘rta maxsus va professional ta’lim muassasalari, shu jumladan xususiy va xorijiy oliy, o‘rta maxsus va professional ta’lim tashkilotlari hamda ularning filiallari talabalariga kontrakt to‘lovlari uchun kredit ajratiladi.

Shu jumladan, ta’lim kreditlari tijorat banklari tomonidan ta’lim tashkilotlarida bakalavr hamda magistraturaning kunduzgi, sirtqi va kechki ta’lim shaklida to‘lov-kontrakt asosida o‘qishga tavsiya etilgan yoki qabul qilingan, shuningdek o‘qishini ko‘chirgan O‘zbekiston Respublikasi fuqarosi bo‘lgan talabalarga beriladi.

Batafsil: https://telegra.ph/Talabalarga-talim-krediti-ajratish-tartibi-08-30

@Talim_huquqi Ochish/sharhlash

2022-08-31 05:07:02 ESLATMA

Mustaqillik bayrami munosabati bilan O'zbekistonliklar 4 kun ketma-ket dam oladi:

2022 yil 1 sentabr - payshanba (ishlanmaydigan bayram kuni);

2022 yil 2 sentabr - juma (qo'shimcha ishlanmaydigan kun - ish haftasi turidan qat'i nazar);

2022 yil 3 sentabr - shanba (qo'shimcha ishlanmaydigan kun - olti kunlik ish haftasi bo'lgan xodimlar uchun);

2022 yil 4 sentabr - yakshanba (taqvim bo'yicha dam olish kuni).

@Talim_huquqi Ochish/sharhlash

2022-08-30 19:39:34 #Akkreditatsiya

Qoʻshni davlatlardagi akkreditatsiyalangan oliy taʼlim tashkilotlarining yangilangan roʻyxati eʼlon qilindi.

Siz tahsil olayotgan oliygoh Akkreditatsiyadan oʻtmagan boʻlsa, oʻqishni koʻchirish talabingiz rad etiladi, imtihondan oʻtgan boʻlsangiz ham.

@Talim_huquqi Ochish/sharhlash

2022-08-30 17:44:33 Toʻlov-shartnomalarni olish toʻliq onlayn tartibda amalga oshiriladi.

Ma’lumki, Oliy va o‘rta maxsus ta’lim vazirligi tizimida barcha jarayonlar raqamlashtirilib, abituriyentlar va talabalarga qulay sharoitlar yaratilmoqda.

Endilikda, birinchi bosqichga tavsiya etilgan talabalar ham yangi o‘quv yilining birinchi kunidan boshlab to‘lov-shartnomalarni elektron shaklda, ortiqcha ovoragarchiliklarsiz onlayn olishlari mumkin.

Buning uchun vazirlikning kontrakt.edu.uz platformasidan foydalangan holda shartnomani osongina yuklab olish talab etiladi.

Shuningdek, belgilangan o‘tish balini to‘play olmagan, ammo tabaqalashtirilgan to‘lov-shartnoma asosida o‘qish istagini bildirgan talabgorlar uchun ham kontrakt.edu.uz platformasi orqali onlayn ariza berish va shartnomani onlayn rasmiylashtirishga yangi o‘quv yilining birinchi kunidan boshlab imkoniyat beriladi.

Platforma orqali ariza berish hamda shartnomani rasmiylashtirish jarayonlarini masofaviy amalga oshirish tartibi va muddatlari bo‘yicha batafsil ma’lumot beriladi.

2022-yil 5-sentabrdan boshlab barcha bosqich talabalari (bakalavr, magistr, superkontrakt) to‘lov-shartnomani onlayn yuklab, to‘lovni amalga oshirishlari mumkin.

@Talim_huquqi Ochish/sharhlash

2022-08-30 08:55:26 ​​ Magistraturada o‘qiyotgan xotin-qizlarning to‘lov-kontraktni davlat tomonidan to‘lab berish uchun arizalar 15-sentyabrgacha qabul qilinadi.

Hukumat qarori (447-son, 15.08.2022 y.) bilan Davlat OTMning magistratura bosqichiga toʻlov-kontrakt asosida qabul qilingan va taʼlim olayotgan xotin-qizlarning toʻlov-kontrakt summasini Davlat byudjeti mablagʻlari hisobidan qoplab berish tartibi toʻgʻrisidagi nizom tasdiqlangan.

Shu sababli davlat OTMning magistratura bosqichiga toʻlov-kontrakt asosida qabul qilingan va taʼlim olayotgan talaba xotin-qizlar (talabgorlar) 2022/2023 oʻquv yilidan boshlab oʻquv yili uchun toʻlov-kontraktning toʻliq summasini qoplab berish yuzasidan (tabaqalashtirilgan toʻlov-kontrakt toʻlovlari bundan mustasno) oʻzlari taʼlim oladigan OTM rektori (filial direktori) nomiga 15-sentyabrgacha ariza bilan murojaat etishlari kerak.

Ushbu muddatdan keyin taqdim etilgan arizalar koʻrib chiqilmaydi.

Arizalar 3 ish kunida koʻrib chiqilib, roʻyxat shakllantiriladi.

Eslatma: Oliygohlarning filialida taʼlim olayotgan talabalar arizani filial direktori nomiga yozadi.

@Talim_huquqi Ochish/sharhlash