2022-05-31 05:27:35
Мактаб "Ремонт"и учун ростдан ҳам маҳаллий бюджетдан пул ажратиладими?
Ҳар ўқув йили якунида ана шу масала кўтарилади. Ҳар ўқув йили сўнггида ўқувчилар мактабни ўта таъмир талаб ҳолатга келтириб қўядилар. Халқ таълими вазирлиги пулни маҳаллий бюджетдан олиняпти дейдию, ваҳоланки мактабга ҳеч қандай пул ижратилмаслигини, агар ажратилса ҳам етиб келмаслигини барчамиз яхши биламиз. Хўш ремонт учун мактабларда ўртача ҳар бир бола учун неча пулдан йиғилади!?
Айтайлик, агар синфда 30 та ўқувчи бўлса, шундан 5-10 таси кам таъминланган ва қурби етса ҳам пул бермайдиган ота-оналар бўлса, ўртача 50.000 сўмдан пул йиғилган тақдирда 1 млн - 1 млн 250 минг атрофида пул йиғилади (Агар у ҳам йиғилса). Фарзандимнинг синф хонаси тахминан 9х6 экан.
Пол учун бўёқ 3 та "банка" - 300.000-400.000 сўм атрофида
Деворнинг пастки қисми учун 2 та "банка" - тахминан 200.000-250.000 сўм
Деворнинг юқори қисми учун 150.000-250.000 атрофида.
Уста ҳаққи деган нарса ҳам бор (қорнини тўйдириш ҳам). Усталар қолган пулга рози бўлишармикин. Бу бир кунлик иш эмасда. Мен ҳозирча фақат синф хонаси ҳақида гапирдим. Корридорни ким ремонт қилади!? У ҳам ўқитувчини зиммасидаку. Мен мен санаб ўтмаган яна бошқа чиқимлари ҳам бор. Уларни ким қилади. Ўқитувчини ойлиги ўзидан ошмаса, ота-оналар 50 мингни беришни истамайдику, ўқитувчи 1-1.5 миллион пулни чўнтагидан чиқариши керакми? Қани мантиқ? Ўқитувчини бола-чақасини ким боқади у ҳолда.
Қанийди ўқитувчилар ҳам пул йиғмай, бошини оғритмай меҳнат таътилига чиқиб кетса, қайтиб келганида эса давлат томонидан ремонт қилинган тайёр хонага кириб дарсини бошласа.
Бу масалани Халқ таълими вазирлиги аниқ қилиб маҳаллий бюджет билан келишиб олиши керак ва пулни аниқ ажратиб бериш керак ёки пул йиғилиши таъқиқланади деган баёнотни бас қилиб, ҳадеб ўқитувчиларни айбдорга чиқаравериш керак эмас. Агар маҳаллий ҳокимликка вазирлик мурожаат билан чиқса, ўқитувчиларга бу: "Бюджетимизда пул йўқ, ҳомийлик асосида пул йиғинг" деган йўсинда буйруққа айланиб ўқитувчиларга етиб келади. Ўқитувчилар нима қилишини билмай икки ўт орасида. На ота-оналардан пул йиғишни билади, на маҳаллий ҳокимиятни пулидан умидвор. Хуллас кимдир аниқ ечимини берадими? Вазирлик аниқ бир ечим берадими ўзи?
Шуни эсингиздан чиқарманг: Ўқитувчи ремонтга йиғилган пулни ўзи учун ишлатмайди.
https://t.me/matematika_fan_oyligi
10.3K views02:27