Masofaviy Ta'lim™

2021-02-04 11:42:42 5та фандан тест синовларига оид ҳозиргача маълум бўлган барча маълумотлар

2021 йилда 5та фандан тест бўлади. Аслида бу тартиб 2020 йил бўлиши керак эди, аммо пандемия сабаб ортга сурилди. Агар Худо кўрсатмасин, келаси йил ҳам ўта катта форс-мажор ҳолат бўлмаса, унда 99,9% эҳтимол билан келгуси йил 5та фандан тест бўлади. Бу ҳақдаги қоида анча олдин Президент қарорида белгиланган;

Ҳозирча бизга маълум бўлган қоидалар қуйидагилар:

Mажбурий фанлар блоки (барча учун тушади):

Она тили (ўзбек, рус ёки қорақалпоқ тили) - 15 та савол, ҳар бири учун 2.1 баллдан;
Mатематика - 15 та савол, ҳар бири учун 2.1 баллдан;
Ўзбекистон тарихи - 15 та савол, ҳар бири учун 2.1 баллдан.

Жами тўплаш мумкин бўлган балл – 94.5 балл.

Она тили ва Ўзбекистон тарихи фанидан 1 дақиқагача, математикадан - 1,5 дақиқагача вақт ажратилади.

Tаълим йўналишига мос мутахассислик блокидаги фанлар (йўналишига қараб ўзгаради):

1-фан - 30 та савол, ҳар бири учун 3.1 баллдан;
2-фан - 30 та савол, ҳар бири учун 3.1 баллдан.

Жами тўплаш мумкин бўлган балл – 186 балл.

Асосий блокдаги 2 та фан учун жами 2 соат вақт берилади.

балларни ҳисоблаш тизимида ўзгариш бўлмайди, аввал қандай бўлса, шундайлигича қолади. Яъни ҳар бир блокдан тўпланган баллар қўшилиб, умумий баллни ташкил этади ва абитуриентлар мана шу 5 та блокдан тўплаган бали бўйича ўзаро курашади (жорий йил 2та блокнинг умумий бали олинди). Энг максимал балл 280,5 балл бўлади;

айрим йўналишларда мажбурий блокдаги фан билан махсус блокдаги фан бир хил бўлиб қолиши мумкин. Масалан, математика йўналишига ҳужжат топширган абитуриент мажбурий блокда ҳам, мутахассислик блокида ҳам математика фанидан тест ишлайди. Бу иккаласининг асосий фарқи —мажбурий блокдаги саволларнинг барчаси соддалаштирилган, энг осон даражада бўлади, мутахассислик блокидаги саволлар эса турли мураккабликда (осон, ўртача, қийин) бўлади;

5та фандан тест бўлишга оид тартиб, фақат давлат ОТМларига тааллуқли. Шу пайтгача бўлгани каби, бу янги тартиб ҳарбий, диний, хусусий, нодавлат ва хорижий ОТМларга алоқадор эмас;

3та мажбурий фан магистратура учун тааллуқли эмас;

3+2 кўринишдаги ушбу тартиб бакалавриатнинг барча таълим шакллари (кундузги, сиртқи, кечки) учун бирдек қўлланади;

мажбурий блокда она тили (ўзбек, рус ёки қорақалпоқ тили) фанидан тушадиган 15та савол ичида Адабиёт фанидан тест саволлари бўлмайди;

мажбурий блокда Ўзбекистон тарихи фанидан тушадиган 15та савол ичида Жаҳон тарихидан тест саволлари бўлмайди;

мажбурий блокда Математика фанидан тушадиган 15та савол ичида Геометриянинг фақат 5-6-синф дастурларида бор мавзуларидан саволлар бўлади, 7-11-синфлар дарслигидан савол бўлмайди. Батафсил.

Мутахассислик блокида эса Математикадан тушадиган 30 та савол ичида Геометриянинг барча синфлар учун мўлжалланган мавзуларидан саволлар бўлади;

мажбурий блокда ҳам, мутахассислик блокида ҳам Математика фанидан тушадиган саволлар ичида информатикадан тест саволлари бўлмайди;

мутахассислик блокдаги 2та фан учун жорий йилги тест синовларида қўлланган фанлар мажмуаси олиниши кутилмоқда. Масалан, тиббиёт йўналишлари учун биология ва кимё. Молия-иқтисод йўналишлари учун математика ва чет тили. Ва ҳ.к;

келгуси йилда қайси йўналишда қайси фанлардан тест саволлари бўлиши ҳозирча расман тасдиқланмади;

тест саволлари тушадиган дарсликлар рўйхати мана бу ерда эълон қилинди.


@xushnudbek Ochish/sharhlash

2021-01-14 11:58:24 Talabalar - kelajak kadrlaridir. Ularga zarur imkoniyatlarni yaratish har bir mas'ul tashkilotning muhim vazifasi hisoblanadi.

Bugungi kunda oliy ta’lim muassasalarida tahsil olayotgan talabalarning turar joylarga bo‘lgan ehtiyoji, talabalar turar joylaridagi vaziyat hamda ularni yotoqxonaga joylashtirish masalasi eng dolzarb masalalardan hisoblanadi.

Yoshlar ishlari agentligi ushbu mavzuda talabalar o'rtasida so'rovnoma o'tkazdi. Unda 3000 dan ortiq respondentlar talabalar turar joylariga oid turli savollarga o'z fikrlarini bildirishgan.

So'rovnoma natijalari bilan quyidagi havola orqali tanishing.

O'zbekiston Respublikasi Yoshlar ishlari agentligi barcha mas'ul vazirlik va idoralarni ushbu masalada hamkorlikka chorlaydi.

Do'stlaringizga ulashing
@YQQUZB_KANAL | Instagram Ochish/sharhlash

2021-01-14 08:36:08 Deputatlar Oliy va o‘rta maxsus ta’lim vaziri lavozimiga Termiz davlat universiteti rektori, senator Abduqodir Toshqulov nomzodini ko‘rib chiqdilar va ma’qulladilar.

Kanalga ulanish:
@masofatalim Ochish/sharhlash

2021-01-12 22:39:01 Diagnostik test sinovlari yo‘lga qo‘yildi

Davlat test markazi tomonidan 2021-2022-o‘quv yili uchun oliy ta’lim muassasalarining bakalavriat ta’lim yo‘nalishlariga kirish test sinovlari formatidagi diagnostik test sinovlari yo‘lga qo‘yildi.

Bu orqali abituriyentlar nafaqat o‘z bilimini sinashi, balki test materiallari (test topshiriqlari kitobi va javoblar varaqasi) bilan ishlash ko‘nikmasiga ham ega bo’lishi mumkin.

Diagnostik test sinovlari Qoraqalpog‘iston Respublikasi, viloyatlar va Toshkent shahrida 21-yanvardan boshlanadi va har hafta o‘tkaziladi.

Test sinovida ishtirok etish istagini bildirgan talabgorlar http://my.dtm.uz/ sayti orqali ro‘yxatdan o‘tishlari va kerakli ma’lumotlarni kiritgan holda test variantiga buyurtma berishlari mumkin.

Test variantiga buyurtma berishda talabgorlar tomonidan quyidagi ma’lumotlar aniq belgilanishi lozim:

Qaysi fanlardan test topshirishi (mutaxassislik fanlari sifatida 2 ta fan);
Test topshirish tili;
Test topshirish hududi;
Test topshirish kuni va vaqti.

Davlat test markazining rasmiy sahifalari:
Telegram | Facebook | Instagram | YouTube Ochish/sharhlash

2021-01-08 16:20:23 O'zbekiston Adliya vaziri, shuningdek, Davlat qabul komissiyasi a'zosi Ruslanbek Davletovga kirish imtihonlarida abituriyentlarga kalkulyator berish masalasi haqida ham gapirdik

Masalan, joriy o'quv yilida D.I.Mendeleyev nomidagi RKTU Toshkent filialiga 2020-2021-o‘quv yili uchun kirish imtihonlari 24-avgustdan 29-avgustgacha o‘tkaziladi. Ushbu imtihonda qatnashgan abituriyentlarga kimyo fanidan D.I.Mendeleyevning davriy jadvali va hisoblagich (kalkulyator) tarqatildi.

Bir davlatda, bir davlatning abituriyentlari imtihonga kiryapti. Xorijiy OTMga topshirgan abituriyentga o'sha xorijiy OTM tomonidan kalkulyator berilmoqda, lekin davlat OTMlariga topshirgan abituriyentga kalkulyator bilan kelsang, daolatnoma tuzib, imtihondan chiqarilasan, deyilmoqda.

Imtihonda kalkulyator berish amaliyoti ko'pgina rivojlangan davlatlarda bor, biroq negadir bizda bunga ruxsat yo'q. Mantiqsizlikning eng kattasi shuki, abituriyent yillar davomida kalkulyatorsiz hisoblashni o'rganadi va imtihonga kiradi. O'qishga kirib talaba bo'lgach esa oliy ta'lim muassasasi talabaga nega kalkulyatoring yo'q, qanaqa talabasan, deb urishadi. Ya'ni kirish imtihonida kalkulyatori bor talaba imtihondan chiqib ketsa, talaba bo'lgach, kalkulyatori yo'q talaba darsdan chiqarib yuboriladi (shunaqa holat bo'lgan).

Adliya vaziri bu masala ham Davlat qabul komissiyasida alohida ko'rib chiqilishini, aslida abituriyentlarga kirish test sinovlarida kalkulyator berish kerakligini ta'kidladi. Nazarimizda, shu narsa hal bo'lib ketadiyov. Yanayam kim bilsin :)

Kanalga ulanish:
@masofatalim Ochish/sharhlash

2021-01-01 10:46:23 #2020

#Xush_kelgin_2021 Ochish/sharhlash

2020-12-30 13:17:37 Kanalimiz uchun yangi yil tuhfasi :.) Ochish/sharhlash

2020-12-17 11:43:22 Kirish imtihonlari qanday o‘tdi?

U-Report va Davlat test markazi
yoshlardan shu yilgi kirish imtihonlari jarayoni qanday o'tganini bilmoqchi.

Tahlil natijalari kirish imtihonlarini takomillashtirishga yordam beradi.

Fikringizni shu yerda bildiring
_____________________
Как прошли вступительные экзамены?

Ю-Репорт и Государственный центр тестирования (ГЦТ) хотят узнать мнение молодежи - с чем столкнулись абитуриенты в этом году во время вступительных экзаменов.

Результаты опроса помогут улучшить процессы вступительных экзаменов.

Вырази своё мнение здесь Ochish/sharhlash

2020-12-16 19:52:59 #Rasman

Ertaga kollej va texnikumlarga kirish imtihonlari natijalari e’lon qilinadi

2020/2021-o’quv yilida kollej va texnikumlarga o’qishga kirish istagida bo’lgan abiturientlar ishtirokida o’tkazilgan saralash imtihonlari (test sinovlari, yozma va kasbiy (ijodiy) imtihon) natijalari 2020-yil 17-dekabr kuni e’lon qilinadi.

Abiturientlar saralash imtihonlari natijalarini o’zlari hujjat topshirgan ta’lim muassasalarida bilishlari mumkin.

Shuningdek, Davlat test markazining rasmiy veb-sayti - www.dtm.uz orqali ham test sinovlari natijalari bilan tanishish mumkin bo’ladi.

Oliy va o'rta maxsus ta'lim vazirligi axborot xizmati

Do'stlaringizga ulashing
@YQQUZB_KANAL | Instagram Ochish/sharhlash

2020-12-15 12:25:46 ​​Umumta’lim fanlaridan namunaviy test topshiriqlari

Davlat test markazining rasmiy veb-saytiga oliy ta’lim muassasalarining bakalavriat ta’lim yo‘nalishlariga kirish test sinovlari uchun umumta’lim fanlaridan namunaviy test topshiriqlari joylashtirildi. Unda har bir fan bo‘yicha:

30 tadan test topshirig‘i;
test topshirig‘ining yechilishi;
to‘g‘ri javob;
manba keltirilgan.

Namunaviy test topshiriqlari bilan https://dtm.uz/page/namuna_2020 havolasi orqali kerakli umumta’lim fanini tanlagan holda tanishish mumkin.

O‘ylaymizki, namunaviy test topshiriqlari abituriyentlarning oliy ta’lim muassasalariga kirish test sinovlariga tayyorgarlik ko‘rishlarida yordam beradi.

Davlat test markazi

@Talaba_Live_Rasmiy Ochish/sharhlash