Кетди умр ўттизи, Ярми ўтибди, демак. Ниҳоят, сездим шуни, Ўзим ўзимга керак. Оғриб қолса бир ерим, Ачинмас, ҳатто, эрим. Ётиб қолсам, қарар ким, Ўзим ўзимга керак. Билмай роҳат, нима дам, Хизмат қилдим чунонам. Хеч билмайди бир одам, Ўзим ўзимга керак. Уйда қулман, ҳоқонман, Ҳар балога қалқонман. Аммо заиф бир жонман, Ўзим ўзимга керак. Кўзга сурма суришга, Вақт йўқ хина қўйишга. Чек қўяман ташвишга, Ўзим ўзимга керак. Кимга зарур қоқ ўтин, Эркакка аза уч кун. Уйланади шу бугун, Ўзим ўзимга керак. Ёш эдимда гўлман хўп, Аҳмоқ бўлиб чопдим кўп. Бошқа билан ишим йўқ, Ўзим ўзимга керак. Қариб кучдан толгунча, Ҳасса суяб қолгунча. У дунёга боргунча, Ўзим ўзимга керак. Энди ғамни унутиб, Тўқсондан тўққиз ўтиб Яшайман юзга етиб, Ўзим ўзимга керак Бу дунёнинг борини, Тотдим оғу, болини Ҳаққа солдим барини Ўзим ўзимга керак Ҳар кунимда ҳақталаш, Ҳар кимгами ёвқараш Шартмикин араз,яраш, Ўзим ўзимга керак (Барча ОНАлар учун) Каналимиздан узоклашманг https://t.me/joinchat/AAAAAFDcvs2ME2AIJ_ykwA 1.7K views14:42
