Marketing

2023-02-07 18:14:02 Muvaffaqiyatli biznes uchun bularning uchalasi ham talab qilinadi, lekin bir odamning oʻzi bu uch pozitsiyada ham mukammal boʻlishi deyarli ilojsiz. Koʻpchilik kichik biznes egalari yo tadbirkor, yo mutaxassis, ba’zan ikkalasi ham boʻlishi mumkin, lekin kamdan-kam holatda menejer boʻladi.

Allan Dib


@MarketingdaGap Ochish/sharhlash

2023-02-07 18:12:02
Biznes qilish uchun turli odamlardan shakllangan jamoa zarur. Har qanday biznesda uch turdagi odamlar bo‘lishi asosiy talab hisoblanadi:

1. Tadbirkor: g‘oya va kelajakni ko‘ra oladigan inson. Ular bozordagi muammo yoki bo‘shliqni ko‘ra oladilar va muammoni foydaga aylantirish uchun tavakkal qiladilar. Ular yechimni o‘ylab topadi, masalan, bozorda biror mahsulotga ehtiyojni ko‘radi va barcha kerakli odamlarni ishga olib biznesni yo‘lga qo‘yadi.

2. Mutaxassis; tadbirkorning g‘oyasini hayotga tatbiq etuvchi shaxs. Bu muhandis, venchur kapitalist yoki grafik dizayner bo‘lishi mumkin. Ular g‘oyani yoki uning bir qismini olib unga jon beradi, yaʼni ularni haqiqatga aylantiradi, masalan, mahsulotni ishlab chiqarish uchun fabrika ko‘rish, instrumentlardan to‘g‘ri foydalanish, mahsulotni chiroyli qoliplash.

3. Menejer: ular har kuni keladi va ishlar bajarilayotganini, g‘oya to‘g‘ri amalga oshayotganini nazorat qiladi. Ular buning takrorlanishini taʼminlaydi, masalan, fabrikaning to‘g‘ri ishlashi, yuklar vaqtida yetib borishi, sifat talabga javob berishini muntazam nazoratda ushlaydi. Ochish/sharhlash

2023-02-05 17:28:02
ENG XAVFLI RAQAM

Bir biznesdagi eng xavfli raqam. U bizneslarni juda mo‘rt qilib qo‘yadi. Sizning biznesingizda lid chaqiradigan faqat bitta resurs bormi? Bitta katta taʼminotchi? Bitta katta mijoz? Medianing faqat bir turiga bog‘lanib qolganmisiz? Faqat bir turdagi mahsulotni taklif qilyapsizmi? Kompyuter termini bilan gapiradigan bo‘lsak, biznesingiz "kasodga uchrashi faqat bir narsaga" bog‘liqmi? Agar shunday bo‘lsa, biznesingiz juda murt va taʼsir doirangizdan tashqaridagi kichikkina o‘zgarish ham katta inqirozlarga olib kelishi mumkin.

Allan Dib

@MarketingdaGap Ochish/sharhlash

2023-02-04 18:39:02
MAHSULOTIM ZO‘R, MARKETING KERAKMI?

Ko‘pchilik biznes egalari: "Mahsulotim zo‘r bo‘lsa, bozor o‘zi sotib oladi", - deb o‘ylaydi. Bu xuddi rejasiz uy quraveraylik, kimgadir yoqib qoladi va sotib oladi deganday gap. Bu juda qimmat strategiya va ko‘pincha muvaffaqiyatsiz yakun topadi. Texnik jihatdan zo‘r, moliyaviy jihatdan esa yo‘q bo‘lib ketgan mahsulotlar tarixda tikilib yotibdi.

Mahsulot yaxshi, hatto zo‘r bo‘lishining o‘zi yetarli emas. Agar biznesda muvaffaqiyatga erishishni xohlasangiz, marketing sizning asosiy faoliyat turlaringizdan biri bo‘lishi kerak.

O‘zingizga savol bering, bo‘lajak mijoz sizning xizmatingiz yoki mahsulotingiz zo‘r ekanini qayerdan biladi? Javob esa oddiy: sotib olganda. Agar ular sotib olmasa, Hech qachon siz taklif qilayotgan xizmat yoki mahsulot zo‘r ekanini bilmaydi.

Allan Dib

@MarketingdaGap Ochish/sharhlash

2023-02-03 18:17:01
JAVOBLAR O‘ZGARDI

Albert Eynshteyn bir kuni o‘zining bitiruvchi talabalaridan imtihon oldi. Bu savollar o‘tgan yilgi savollarning ayni o‘zi bo‘lib chiqdi. Bundan xabar topgan assistent o‘qituvchi professorning parishonxotirligi sababli yuz bergan bo‘lsa kerak, darhol buning oldini olish kerak deb xavotir oldi va professor oldiga borib:

- Kechirasiz, ser, dedi ulug‘ odamga xato qilib qo‘yganini aytishga iymanib.

- Ha? - deya javob berdi Eynshteyn.

Siz talabalarga bergan test haqida aytmoqchi edim.

Eynshteyn sabr bilan tingladi.

- Siz buni sezganingizga ishonchim komil emas, lekin bu testlar o‘tgan yili berilgan testlarning ayni o‘zi ekan Umuman olganda ular bir xil.

Eynshteyn biroz o‘ylanib turib:

- Ha, savollar o‘sha-o‘sha, lekin javoblar o‘zgargan, deb javob bergan.

Yangi ixtirolar qilingani sabab fizikada ham javoblar o‘zgarib turgani kabi biznes va marketingda ham javoblar tez-tez o‘zgarib turadi. Bir paytlar biznes egalari katta pul evaziga "Yellov pages" sahifalariga reklama joylashtirar va yil bo‘yi marketing haqida uylamas ham edi. Hozir sizda «Google», ijtimoiy tarmoqlar, bloglar, veb-saytlar va boshqa ko‘plab imkoniyatlar bor. Internet raqobatchilar dunyosini ochib yubordi.

Allan Dib

Do'stlarga ulashing
@MarketingBilim Ochish/sharhlash

2023-01-30 13:41:59
"Nike" kompaniyasi tarixi

1960-1970 yillarda sport poyabzali xalqaro bozorida «Adidas» kompaniyasi oldiga tushadigan biron bir raqobatlashadigan firma yo‘q edi. Bu vaqtda bir qancha g‘ayratli yigitlar poyabzal ishlab chiqaruvchi o‘z firmalarini tashkil qilishga, shu yo‘l bilan "kuragi yerga tegmayotgan" bahaybat konsern (ishlab chiqarish korxonasi) bilan bellashishga ahd qildilar. Bu harakatning amalga oshishiga uncha-muncha odamning aqli yetmasdi. Hali rostman tashkiliy ishlar maromiga yetmay turib, ularni tanqid qiluvchilar, kalaka qiluvchilar, ular ustidan goh pinhon, goh oshkora kuluvchilar topilardi. Chunki “bellashuv”siz ham ulkan muammo va qiyinchiliklar yaqqol ko‘zga tashlanib turardi.

Kemaga tushganning joni bir, deganlaridek, tashkilotchilar ko‘p o‘ylandilar. Ishni yuritishga asosan nima to‘sqinlik qilayotganligini aniqlashga kirishdilar. Ko‘p bahs-mulohazalardan so‘ng ulardan biri shunday dedi: "Bizning bu yerdagi hamma gapimiz, agar bilsangiz, sariq chaqaga arzimaydi. Ishimizning sal bo‘lsada, olga siljishiga yordam bermaydi. Ishni qo‘lga olayligu bajaraylik". Sheriklar bir-biriga qarashdi. U nima deyayotganligini anglaganday bo‘lishdi. Rostda! Boshqalar bilan bizning nima ishimiz bor. Ular nima deb vaysasa, vaysab o‘lmaydimi?! Hammamiz o‘z ishimizni bajarishga, shunga javob berishga masʼul bo‘laylik! Xayolparastlikni bas qilaylik! Allaqachon boshlashimiz kerak edi! ISHNI

Bu ilhombaxsh va kinoyaga to‘la achchiq daʼvat yigitlarni jiddiy harakatga keltirdi. Ular "Ol va bajar!" so‘zini firmaning qatʼiy shioriga aylantirdilar. Ular ana shu maqsadda mayka buyurtma berdi. Futbolkaning orqa tomonida “Ol va bajar” degan yozuv bor edi. Shu tarzda ko‘ylaklarini kiyib, ishga kirishdilar.

Bir necha yil o‘tgach, sport oyoq kiyimi ishlab chiqarish bo‘yicha «Nike» dunyoda birinchi o‘rinni ishg‘ol qilib, «Adidas» ni quvib o‘tdi.

Bugungi kunda xam «Nike» kompaniyasi ishchi xodimlari "Ol va bajar!" deb yozilgan mayka kiyishadi.
Bodo Shefer

Do'stlarga ulashing
@MarketingBilim Ochish/sharhlash

2023-01-29 12:31:03 Odamlarning bor yug‘i 2 foizigina uzganing nazoratisiz ishlay oladi. Biz ularni “liderlar” deb ataymiz. Siz orzu qilgan inson toifasi shu emasmi? Ular qatoridan joy olish yoki olmaslikni o‘zingiz hal qilasiz.

To‘liq ichki salohiyatingizga erishish uchun javobgarlikni o‘z zimmangizga olish va boshqa birov kelib siz uchun nimadir qilib berishini kutib o‘tirmaslikga odatlanishingiz zarur. O‘z «qurbaqalaringizni»(maqsadlar nazarda tutilmoqda) ajratib olishingiz hamda ularni muhimlik darajasiga qarab navbat bilan tanovul qilishingiz lozim.

Brayan Treysi

@MarketingdaGap Ochish/sharhlash

2023-01-28 11:41:43

Yozilgan maqsadlar kuchi

Aniq yozib qo‘yilgan maqsadlar sizning fikrlashingizga kuchli taʼsir ko‘rsatadi. Ular sizni ruhlantiradi va ishga kirishishga undaydi. Sizda yaratuvchanlik hisini uyg‘otadi, quvvatingizga erk beradi va boshqa omillar singari ishni ortga surishni bartaraf etishingizda ko‘maklashadi.

Brayan Treysi

Manba: Samaradorlikning 21 yo'li

@MarketingdaGap Ochish/sharhlash

2023-01-28 11:19:56 ​

Shaxsiy samaradorlikning eng qimmatli qoidalaridan biri 10/90 tamoyilidir. Qoidaga binoan, agar biror ishga qo‘l urishdan oldin reja tuzish va loyihalashga 10 foiz vaqt sarflasangiz, bu boshlangan ishni nihoyasiga yetkazishda 90 foiz rol o‘ynaydi. Buni isbotlash uchun mazkur qoidaga amal qilishning o‘zi kifoya.

Har bir kunni oldindan rejalasangiz, vazifani boshlash va davom ettirish ancha oson tuyuladi. Ishlar har qachongidan ko‘ra tez va silliq kechadi. O‘zingizni yana-da kuchli va bilimli his qilasiz. Ishni kutganingizdan ancha tezroq amalga oshirasiz. Natijada, sizni to‘xtatishning iloji bo‘lmay qoladi.

Brayan Treysi

@MarketingdaGap Ochish/sharhlash

2023-01-27 15:36:47 Muvaffaqiyat uchun zarur qoida shunday: "Fikrlaringizni qog‘ozga tushiring"

Atigi 3 foiz kishilargina aniq reja tuzib, uni qog‘ozga tushiradi. Boshqalar ular qatori yoki ulardan bilimliroq va qobiliyatliroq bo‘lishi mumkin, biroq nimani istashlarini qayd etish uchun vaqt ajratmaydilar. Natijada ular besh, hatto o‘n barobar kamroq ishga ulguradilar.

Brayan Treysi

Sizning fikringiz qanday?

@MarketingdaGap Ochish/sharhlash