Қозоғистон президенти “бир пайтлар Қозоғистонни тарк этган лоббистлар” ҳақида гапириб, “Улар мамлакатимизда катта пул топиб, энди уларни маълум намойишлар уюштиришга сарфламоқда” деди.
Тўқаев бу ҳақда бугун, 29 январь куни «Хабар» телеканалига берган интервьюсида фикр билдирган. “Шу ўринда Ўзбекистоннинг бой одамлари билан солиштирмоқчиман. Улар Ўзбекистондан ташқарида – чет элда катта пул топиб, туғилган ватанларига қайтишмоқда, президентидан уларга топшириқ беришларини сўраб: “Ўзбек халқи учун нима қилишимиз мумкин, қандай ёрдам бера оламиз?” дейишмоқда. Ўз пулларига касалхоналар қуришмоқда, инфраструктура барпо этишмоқда. Мана шунда шартли ўзбек олигархлари ва бизнинг олигархлар ўртасидаги фарқ яққол кўзга ташланади. Бизникилар Қозоғистонда туриб, айниқса, чет элдан ўз юртига ҳужум қилишяпти” деган Тўқаев.
Тўқаев аввалроқ президентлик лавозимига икки муддатдан ортиқ сайланмаслигини маълум қилган эди.
