2023-04-19 10:07:05
Bir pedagog dardi: “O‘qituvchilikni tashlab, daromadi yaxshiroq boshqa ish qilgim kelyapti”
“Biz bolalarga mehrimizni, jonimizni, bor bilimimizni beramiz, asabimiz, sog‘ligimizni sarflaymiz. Lekin oqibatda “sizlar oylikni oshirish haqida emas, ta’lim sifatini oshirish haqida o‘ylanglar”, – degan minnatli gapni eshitamiz”, – deydi Sirdaryoda boshlang‘ich sinf o‘quvchilariga dars beruvchi o‘qituvchi.
Foto: iStock
Oliy toifaga ega sirdaryolik o‘qituvchi maktabda 20 soat dars beradi, sinf rahbarlik qiladi hamda daftar tekshiradi. Shular bilan birga hisoblanganda 3 mln 700 ming so‘m oylik oladi. Pedagog o‘zining Twitterʼdagi sahifasida sohadagi eng og‘riqli nuqtalardan biri oylik haqida yozib, o‘qituvchilikdan ketish haqida o‘ylayotganini ta’kidlaydi.
“O‘qituvchilikni tashlab, daromadi yaxshiroq boshqa ish qilgim kelyapti. Oylik olasan-da boshing og‘rib o‘ylaysan: bu pulni nimaga yetkazsam ekan, deb kommunal to‘lovlar, kredit, oylik to‘lanishi zarur bo‘lgan to‘lovlardan ortgan pulni qanday taqsimlash haqida bosh qotirasan”, – deya yozadi o‘qituvchi.
Shumi o‘qituvchiga hurmat, mehnatiga javob?
“Bolang o‘sib boryapti — ust-boshi kichrayib qoladi yoki darrov yirtiladi, eskiradi, nimadir yegisi keladi, hiqillab turadi, aylangisi keladi, undan tashqari, har kuni kundalik xarajatlari uchun pul berib turish kerak. Istaganlarini muhayyo qilishga imkoning yetmaydi.
Onangni yo‘qlaging keladi, nimadir oberging, yegisi kelganini og‘ziga tutging keladi, lekin cho‘ntagingdagi hisob-kitobli arzimagan pulingga qarab yuraging eziladi.
Bolang og‘riydi, o‘zingni kasallik qiynaydi yillab, lekin doktorga borishga o‘ylanasan, imkoning yetmaydi, bolalarimning oldida vijdonim qiynaladi.
Ayollarga xos odatlarni ham unutyapman: chiroyli kiyinish, zeb-ziynatlar haqida-ku orzu ham qilmay qo‘yganman, faqat “bor-ku, shu borini kiyib turay”, – deydigan bo‘lganman. Bolalarimga ham tinmay “sabr qil, sabrli bo‘l”, deyishdan nariga o‘tolmayman.
Bolam yaxshiroq natijaga erishsin deb xususiy maktabga o‘tkazgandim, afsuski to‘lovini to‘lash bir tomonimni o‘yib olganday bo‘lyapti, so‘nggi daqiqada amallab to‘laymiz, ming xil gapni eshitib...
Davolanish tufayli yanayam xarajatlarni qisqartirdim, qarz bo‘lishga ham ulgurdim. Ba’zida bolam isyon qilib qoladi: “qachon bizning uyimiz bitadi, qachon mehmon chaqiramiz biz ham, o‘rtoqlarim undoq, bundoq”, – deb. U kuni bankda ishlaydigan bir dugonam: “erim 14 mln oylik oladi, mukofot pullaridan tashqari”, – dedi. Men oliy toifali o‘qituvchi bo‘lib, bu maosh uchun 4 oy ishlayman. Shumi o‘qituvchiga hurmat, mehnatiga javob?” – deya xo‘rsinadi.
Qanday qilib shuncha yetishmovchiliklar ichida yashayotgan odamdan natija kutasiz?
“Siz bir kun 6-7 yoshli go‘dakka dars o‘tib ko‘rganmisiz? Bir bolaga o‘rgatish, ta’lim-tarbiya berish qanchalar mashaqqatli ekanini bilasizmi? Biz esa nechtalab bolalarga mehrimizni, jonimizni, bor bilimimizni beramiz, asabimiz, sog‘ligimizni sarflaymiz.
Lekin oqibatda “Sizlar oylikni oshirish haqida emas, ta’lim sifatini oshirish haqida o‘ylanglar”, degan minnatli gapni eshitamiz. Boshqa soha xodimlaridan qayerimiz kam? Mehnatimiz shunaqa arzimas baholanadimi? Qanday qilib shuncha yetishmovchiliklar ichida yashayotgan odamdan natija kutasiz?
Gapirsang gap ko‘p, yurak og‘riydi faqat... Yuqori oylik oladigan o‘qituvchilar foizi umumiy o‘qituvchilarning qanchasini tashkil etadi? Nega hammaning oyligi birdan oshirilmaydi?
Bilmadim, odamning ishlagisi ham kelmaydi. Ketay desang shuncha mehnat uvol bo‘ladimi deb achinasan, ketmay desang har kuni qayerdan pul topsam deb boshing og‘riydi…”, – deya yozgan trediga yakun yasagan o‘qituvchi.
P.S usha aytdimu dardimiz bir
Bizniki undan ham battar deb o'ylayman usha dardli o'qituvchiga yetishimizga ham bor biz ulardek maosh olishni hohlayapmiz ular esa buni kam deyapti
hozir ishlam kallamay qolyapti
=
shu haqida yaxshi maqola yozinglar sizlar ham bir aylantirib ko'ramiz
Kim yozishni biladi qo'lini ko'tarsin
@ommalashtirishbot ga yuboring
@maktabgacha_uz.
6.0K viewsedited 07:07
M
