Microblog

2023-02-27 01:07:02 2020 yilda dunyo ahli turli davlatlarda global yarimo’tkazgichlar (mikrochiplar yoki mikrosxemalar) yetishmovchiligi tufayli avtomobil zavodlari to’xtab qolganiga guvohi bo’ldi. Ushbu yetishmovchilik raqamli mahsulotlarga (kompyuterlar, mobil telefonlar, planshetlar, serverlar, tibbiy asbob-uskunalar va hokazo) talabning oshishiga, infektsiya xavfi tufayli yarimo’tkazgich ishlab chiqarishning sekinlashishiga va global ta’minot zanjirlaridagi uzilishlarga olib kelgan COVID-19 pandemiyasi tufayli yuzaga kelgandi. Buning natijasida ko’plab avtomobil kompaniyalari o’zlarining ishlab chiqarish liniyalarini vaqtincha to’xtatishga yoki qayta ishlash uchun qisman tayyor avtomobillarni ishlab chiqarishga majbur bo’lishdi.

Mikrochiplar yetishmasligi muammosiga bitta avtomobil kompaniyasi tayyor ekanligi tez orada ma’lum bo’ldi. Toyota o’z mahsulotlari uchun yarim yillik yarimo’tkazgichlar zaxirasini yig’ib qo’yganligini Reuters axborot agentligi xabar berdi. Bu ko’pchilik uchun hayratlanarli edi. Chunki Toyota kam miqdordagi qismlar zaxirasini ushlab turishi va uni kamaytirishga intilishi bilan mashhur edi. Ammo kompaniya 2011 yildagi Fukusima yadroviy avariyalaridan so’ng ba’zi qismlarni, shu qatorda yarimo’tkazgichlarni ham, zaxirada ushlash muhimligini tushungandi.

Avtomobilning ko’plab qismlaridan farqli o’laroq, yarimo’tkazgichlar boshqa sohalarda ham keng qo’llaniladi va ularga bo’lgan talab yildan yilga o’sib borayapti. Bu esa qisqa vaqtda mikrochiplarni sotib olish hajmini keskin oshirmoqchi bo’lgan avtomobil kompaniyalar uchun muzokara olib borish kuchini sezilarli darajada kamaytiradi. Shu sababli Toyota mikrochiplarning barqaror oqimini ta’minlash uchun o’zining yetkazib beruvchilaridan kompaniya uchun 2-6 oylik qismlar zaxirasini yig’ishni so’ragan edi.

Ushbu proaktiv yondashuv tufayli Toyota 2021 yilda ishlab chiqarishni odatdagidek davom ettira oldi. Boshqa avtomobil ishlab chiqaruvchilari esa mikrochip yetishmasligi bilan kurashdilar. Lekin Toyotada ham 2021 yilning avgustiga kelib yarimo’tkazgichlar tugab qoldi va kompaniya jahon bo’yicha avtomobil ishlab chiqarish quvvatini 40 foizga qisqartirishga majbur bo’ldi. 2021-yil sentabrida ularning ishlab chiqarish hajmi rejalashtirilgan 900 mingga nisbatan 540 mingta yangi avtomobilni tashkil etdi. Bu kompaniyaning 14 ta zavodidagi 28 ta global ishlab chiqarish liniyasidan 27 tasiga ta’sir ko’rsatdi.

Ushbu muvaffaqiyatsizlikka qaramay, Toyota kompaniyasi uzoq vaqt davomida o’zi yaratgan yarimo’tkazgichlarning zaxirasi tufayli barcha raqobatchilaridan ustun keldi. Kompaniyaning ushbu tajribasi biznesning uzluksizligini ta’minlash uchun tayyorgarlikning muhimligi va buni oldindan o’ylash zarurligi haqida qimmatli eslatma bo’lib xizmat qila oladi.

@leanuz Ulashing va obuna bo'ling! Ochish/sharhlash

2023-02-05 17:37:16 Kaizen (kayzen) yaponcha atama boʻlib, “yaxshilanish” yoki “yaxshi tomonga oʻzgarish” degan ma’noni anglatadi. Biznes va menejment kontekstida kaizen samaradorlik va unumdorlikni oshirish uchun jarayonlar va tizimlarni bosqichma-bosqich yaxshilashga intiladigan doimiy takomillashtirish falsafasini anglatadi.

Davomi: https://makhmudov.net/kaizen/ Ochish/sharhlash

2023-01-29 17:06:38 Ishlab chiqarish murakkab va doimiy rivojlanib boruvchi faoliyat turi bo’lib, undagi muvaffaqiyat ishlab chiqarish samaradorligidan tortib to mijozlar ehtiyojini qondirishgacha bo’lgan ko’plab omillarga bog’liq. Bozorda raqobatchilardan ustunlikka erishish va daromadni oshirish uchun ishlab chiqaruvchilar o’zlarining biznes samaradorligini oshiradigan asosiy KPI ko’rsatkichlarni (inglizchadan Key Performance Indicators) yaxshi tushunishlari juda muhimdir. Lekin qayerdan boshlash kerak?

Ushbu keng qamrovli qo’llanmada biz ishlab chiqaruvchilar tomonidan qo’llaniladigan tsikl vaqti va unumdorlikdan tortib, sof foyda marjasi va net promoter reytingi kabi eng asosiy KPI ko’rsatkichlari bilan tanishamiz.

https://makhmudov.net/ishlab-chiqarish-muvaffaqiyati-sirlari-samaradorlikning-asosiy-KPI-korsatkichlari-boyicha-qollanma/

@leanuz Ochish/sharhlash

2023-01-13 03:24:21 Rezyume ish qidiruvchilar uchun muhim vositalardan biridir. Chunki u potentsial ish beruvchilarga sizning ish tajribangiz, ma’lumotingiz va kasbiy ko’nikmalaringiz haqida qisqacha ma’lumot beradi. Shu bilan bir qatorda, rezyume sizning yutuqlaringiz va malakalaringizni namoyish qilish va nima uchun e’lon qilingan ish joyiga eng munosib ekanligizni ko’rsatish uchun yana bir imkoniyatdir. Ammo har hil turdagi rezyumerlar mavjud bo’lgani sababli, boshida qayerdan boshlash sizga qiyin tuyulishi mumkin. Ushbu maqolada rezyumerlar haqida umumiy ma’lumotlar va qolgan raqobatchi nomzodlardan ajralib turishingizga yordam beradigan foydali maslahatlar beriladi.

https://makhmudov.net/rezyume-tuzish-va-uning-namunasi/ Ochish/sharhlash

2023-01-13 01:18:41 Agar mijozingiz biron sabab tufayli jahli chiqib norozilik bildirayotgan paytda vaziyatni yumshatish uchun qanday yondashgan va unga nima degan bo’lar edingiz? Nega o’zini sohasida bilimi juda kuchli bo’lmasa ham ba’zi hamkasblaringiz lavozim pog’onalarida tezroq ko’tarilishadi? Nega ishdagi biron muammoga sizning nazaringizdagi eng zo’r (texnik) yechim bo’lishiga qaramasdan uni amalda oshirish siz kutganingizdan ko’ra ko’proq vaqt oladi? Agar ushbu savollarga javoblarni bilmoqchi bo’lsangiz, postni o’qishda davom eting.

https://makhmudov.net/avval-tushunishga-keyin-tushunilishga-intilmoq/ Ochish/sharhlash

2023-01-13 01:16:48 Jahondagi yirik professional tashkilotlardan biri bo’lgan Loyiha Boshqaruvi Instituti (PMI) ta’rifiga ko’ra, loyiha deganda noyob mahsulot, xizmat yoki natijani yaratish uchun vaqtinchalik intilish tushuniladi. Loyiha (proyekt) vaqtinchalik tabiatga ega bo’lgani sababli uning boshi va oxiri mavjudligini bildiradi. U yakka o’zi yoki biror dastur/programmaning (bir-biriga bog’liq loyihalar to’plami) yoki portfelning (bir-biriga bog‘liq dasturlar yoki loyihalar to’plami) bir qismi bo’lishi mumkin. Loyihalar boshqaruvida natijalarga erishish uchun asosan uchta yondashuvlardan foydalaniladi: an’anaviy (inglizchada, predictive/waterfall), moslashuvchan (agile) va gibrid (hybrid).

https://makhmudov.net/loyiha-tuzish-va-uning-boshqaruv-jarayoni-bosqichlari/ Ochish/sharhlash

2023-01-13 01:08:37 O’qish davrida yoki mehnat faoliyatini boshlaganimizda eng kerakli ko’nikmalardan biri – taqdimot yaratishni bilish deyilsa mubolag’a bo’lmaydi. Agar bu jarayonning bir nechta muhim qoidalarini o'rganib olinsa, taqdimotlarni tayyorlash tez va oson ishga aylanib qoladi. Ushbu maqolada taqdimot tayyorlash va taqdim etish usullari haqida qisqacha ma'lumot beriladi.

https://makhmudov.net/qiziqarli-taqdimot-yaratish-uchun-nimalar-muhim/ Ochish/sharhlash