Odamiyat!

2023-04-24 23:12:33 Hayot - nomigagina hayot,amalda esa bu oʻlimdir

Tugʻilmaslik -  inson uchun eng katta baxtdir
Koʻrmasidan quyosh nurin,yorugʻ dunyoni
Yo tugʻilib shu zahoti yerga kirsaydi
Koʻrmas edi bu gʻam-alam,achchiq roʻyoni

Oʻlim bizni ongimizdan abadiyan judo qilganda biz uchun ezgu tuhfa boʻlur edi,chunki bir kunlik uyqu oromi hayotimizdagi eng baxtli kundan koʻra yaxshiroqdir.

Kelajakni biz avvalroq bilganda evoh
Tushunardik hayotimiz qadahi goho
Shodlik bilan toʻlar,goho gʻam-anduh bilan
Qaysi biri nasib qilar - tasodif ishi
Orzu qilar eng baxtiyor,muhtaram zotlar
Oʻlganimiz yaxshi edi bunday xorlikdan

Hayotingdagi eng quvonchli boʻlgan damlaringni hisobla,besaranjomlikdan holi boʻlgan kunlaringni hisobla,hayoting qanday oʻtgan boʻlmasin,shuni anglagilki,hayot kechirmaganing yaxshiroq boʻlardi.

P.S:Bitta oʻzimga qiziq boʻlmayapti siqilish,ilindim) Ochish/sharhlash

2023-04-22 08:23:06 Men mast-u sen devona
Endi bizni kim uyga olib boradi?

من مستو تو دوانه، مرا كه برفت خانه؟ Ochish/sharhlash

2023-04-18 20:42:38 L.Tolstoyning "Avliyo Sergiy" qissasi Kasatskiyning boshdan kechirganlari asosiga qurilgan boʻlib,unda oʻz botinidan Xudoni izlayotgan odam qiyofasi gavdalantirilgan.Kasatskiy bu yoʻlda rohibga aylanadi,uzoq mashaqqatlardan soʻng xalq koʻzida avliyo darajasiga yetadi,unga Sergiy ota deb murojaat qila boshlaydilar.Ammo hanuz barcha odamlar singari gunohkor banda edi.Qizning makriga uchib gunohga qoʻl urmaslik uchun barmogʻini chopib tashlaydi,biroq hali nafs qutqularidan batamom xalos boʻlmagan edi.Baribir u ham hamma odamlardek qabuliga kelgan qizning qomatini xayolidan oʻtkazardi.Shon-shuhratga berilib ketganligidan Xudoni esdan chiqargandi.

"Hayajonli shu daqiqalarda ibodat qilishni xohladi.Biroq sigʻinadigan zot topilmasdi.Xudo yoʻq edi."

Keyinchalik uning oʻzi Xudoning nomini ortmoqlab aslida odamlar uchun yashaganligini tan oladi.Shundan soʻng bariga qoʻl siltab darveshlik qiladi.Asarda Kasatskiyga Pashenka obrazi zid qoʻyiladi,yaʼni Kasatskiyning oʻzi aytganidek, "Pashenka men boʻlishni istagan,ammo boʻlolmagan odam" edi.Pashenka oʻzini risoladagidek xudojoʻy hisoblamasdi,el qatori ibodat qilishini,roʻzani ham istasa tutishini aytgandi.Biroq Xudoga qalbidan joy bergandi,Xudosi bor edi.Zero, "har kimning qalbida bir Xudo sigʻadigan boʻshliq bor boʻlib,hamma uni oʻz xohishicha toʻldiradi."
Pashenka haqida oʻqidim-u xayolimda annam gavdalandi,uning koʻzlaridan Xudo boqib turgandek tuyilardi menga.

Xullasi kalom,Tolstoy shunday demoqchi:Xudoni topishning hech qanday amallarga bogʻliqligi yoʻq,u mutlaqo botinning ishidir. Ochish/sharhlash

2023-04-18 18:36:12 Balki,borarmiz-a? Ochish/sharhlash

2023-04-18 00:38:07 Boshqalar - jahannam! Ochish/sharhlash

2023-04-16 21:51:35 E boʻfti,ozgina ulgʻayamiz,bolajonlar).Ensammi qotirmangla Ochish/sharhlash

2023-04-16 21:38:08 Aww,meni deb biri intihorga qoʻl urmoqchi,mana haqiqiy muhabbat.Endi nolimasamam boʻladi,bemalol bitta odam meni deb foniy dunyodan boqiy dunyoga rixlat qilgan deb maqtanolaman Vey,anchadan beri bunaqa hangama boʻlmagandi,ichagim uzilyapti Ochish/sharhlash

2023-04-14 23:08:14 Menda hech narsa meʼyorida emas
(Risoladagidek narsalar faqat risolalarda qolgan)
Kulgularim haddan ortiq
Nafratim haddan ortiq
Sukutim haddan ortiqki faryod isi kelar undan
Bu kun iztirobim haddan ortiq
Ammo bir bor baxtlanmadim haddan ortib. Ochish/sharhlash

2023-04-14 01:19:29 Bu axloqsiz deysiz ortimdan
Ha,men axloqsizman
Bu Xudosiz deysiz ortimdan
Ha,men Xudosizman
Ikki ogʻiz soʻzingizda
Odamlarni hurmat qila bilmas deysiz
Ha,hurmatim yoʻq sizdek insonga

Agar axloq oʻzimni oʻzimga qarshi qoʻyishda boʻlsa
Agar hurmat sizning oyoqlaringizni oʻpishda boʻlsa
Agar Xudo ulkan qoʼrquv boʻlsa
...davom etaman
Axloqsizlikda
Hurmatsizlikda
Va
Xudosizlikda. Ochish/sharhlash

2023-04-14 01:02:03 Juda qo’rqoq edim bolaligimda
Xatolardan qo’rqar to’g’rilarni izlab ovvora edim
Havoga yozardim istaklarimni
Titrardim
Xato bo’lsa
Darror o’chirib, puflardim havodan
xatolarimni

Yolg’on bir dunyoyim bo’lardi
Baxtli edim unda
Yo’q shkalatlarni yerdim to’yguncha
Yo’q idishlardan yo’q yemaklarni yerdim
Artardim lablarimning yo’q dog’larini
qayta va qayta
Yo’q sevgilim bo’lardi
soatlab quchardim uni
hech narsa yo’q ammo umidi bor edi bolalimning
Tangrisi bor edi
Juda qo’rqardim

Kir moshinasi kir aylantiradi
Uzoq g’irillaydi
Yo’lini yo’qotgan yo’limdek
Boshimda ming hayol
Qishloqqa borgandim tunov kun
Dunyo yuzida eskiribdi onamning
Dadamning qo’llarida burushibdi dunyo
Uyum uyum tezak bo’lib
tandirlarda yonayapti dunyo
Mening bolaligimdagi kabi dunyoga ehtiyojim bor


Taq.. Taq… Taq…
Hamsoyaning darvozasini uradi kimdir
Darichani ochadi onam:
Nazira uyda yo’q
Mo’ralayman
Chiroyli, soch patingiz bormi
so’raydi lo’li ayol
Patim yo’q sochim bor deyman jilmayib
Sochingizni bering istaganingizni beraman deydi qo’njiga boqib
Umid bormi deyman entikib
Xoxolab kuladi ayol
Darichani yopadi onam
Parishon qarayman lo’li qo’lidagi choyshablarga

Sigara yoqaman qo’llarim titrab
She’r bunday yozilmaydi deyman o’zimga
Toza havoday bo’lishi kerak she’r
To’la umid bo’lsin ichida
Xoxolab kulaman
Chiroyli so’zlarni havoga yozaman
O’chirib puflayman
Bo’ralab so’kaman dunyoni
She’rda so’kinib bo’lmaydi deyman
Kulaman

Ehtiyojim yo’q ortiq bolaligimdagi dunyoga
Ehtiyojim yo’q chiroyli so’zlar, umidli she’rlarga
Erkka ehtiyojim bor
Jasoratga ehtiyojim bor mening
Qo’tir qalbingizga tupurish jasoratiga

Juda qo’rqoq edim bolaligimda Ochish/sharhlash