2022-08-30 12:29:34
#Ачик_Хакикат
Москвага пулсиз биринчи маротаба келсанг!!!Ҳужжат тайёрлаш учун сенинг 90 кун вақтинг бор! Бу дегани, бўйнинггача қарзга ботиш ва қарзсиз ўзинг ҳаракат қилишга мажбурсан! Бошқа йўли йўқ, афсус.
1-кун таниш қидирасан ва нарсаларингни унга ишонасан, сўнг кунлик иш ҳақи тўланадиган иш қидирасан (2500-3000 рубл).
Ётоқ — ўша танишингнинг 15 киши ётадиган квартираси. У ердагилардан сим карта сўрайсан, улар сенга ёрдам беришади, чунки ўзлари ҳам олдин сендек ҳолатни бошидан ўтказишган. Кейин метро билан таништиришади, "Тройка" деган карта оласан, ичига 100 рубл солиб ҳам беришади, бориш-келишинг учун.
Эртасига ишга бир амаллаб соат 8:00 етиб борасан, ишлайсан, тушлигингга шерикларинг оз-оздан ўз овқатларидан беришади. Кечки пайт 19:00 да иш тугайди. 2500-3000 рубль иш ҳақингни олиб, ётоқ қидирасан. Квартира сенга биринчи куниёқ ёқмаган, буни биламан.
Умумий ётоқхонада рўйхатдан ўтиб, ётоқ учун пул тўлайсан, нархи кунига 200-300 рубл атрофида, 10 кунга бирдан тўласа ҳам бўлади. У ерда бир хонада 8 киши яшайди.
Сенга маслаҳатим, энг яхши йўл шу, чунки регистрация базада 100% туради. Патент олишда қийинчилик бўлмайди. Эртасига яна кунлик ишга чиқасан.
У ерда сенга ақлли инсонлар "Золотая Корона" деган нарсани айтишади, сен унга тезда қизиқиб, 10000 рубл қарз оласан, еб ичиш учун ўртача 500 рубл (озгина тежайсан-да энди) ажратасан.
Кейин шу кетишда уч кун ишга чиқасан, кечга бригадир (кўпроқ ўзбек) иш ҳақингни эртага беришини айтади, сен ишониб эртасига келасан, яна ишлайсан, кечки пайт пул йўқлигини айтади, бу «ОТИЛДИНГ» дегани. Эшакдек ишлатиб, пулини бермаса роса алам қилади.
Ундан ҳам ёмони, бригадирнинг ўзбек эканлиги. Кейин телефон рақамини беради, 1-2 кун қўнғироқ қиласан, сўнгра рақаминг блокка тушади, хуллас пулинг йўқ. Шундай қилиб ўз ватандошингдан кўнглинг қолади.
Бир икки ҳеч ким йўқ жойларда йиғлаб ҳам оласан (сал енгил тортасан ўзингни). Асосийси, бўш келма!
Унутма! Ҳар хил, нисбатан кўп пул берадиган курьерлик ишларига қизиқма. Бу ишнинг охири қамоқ билан тугайди. Эҳтиёт бўл!Сўнг бошқа иш қидириб, 3-4 кун ишлаб пул тўплайсан, 16000 рубл бўлганда патент олиш учун Сахаровога йўлга чиқасан (белинга сув ва нонни бойлаб). У ерга таксида эмас, автобусда боргин! Нархи 47 рубл. Сахарово миграция маркази метро Лесопарковаяда жойлашган. Эрталаб азонда йўлга чиққин, бўлмаса навбатни кўриб ҳушингдан кетасан.
Метродан чиқаётганингда Патент расмийлаштириш учун талон оладиган автомат бор, у ердан навбат оласан, билмасанг 2-3 маротаба патент олган одам ёрдам беради сенга (ёрдам сўрасанг ўлиб қолмайсан).
Етиб ҳам келдинг энди патент олиш учун бир амаллаб 11-12й ларда ичкарига кирдинг, кираверишда текширув бўлади, нарсаларинг ичида қурол ёки бомба йўқлигини текширади.
Кейин навбат учун қоғоз оласан. Ичкарига кириб ҳужжатларингни топшириб, текширтирасан. Кейин сени қўлингга сариқ браслет беради, шу орқали ҳар-хил хоналарга кириб ўзингни соғлиғингни кўрикдан ўтказасан.
Агар рус тилини яхши билсанг имтиҳондан ўтасан, йиқилсанг чўнтагингга зиён (ташқарида ўзича ўқитувчилар бор, 2000 рублдан ёрдам беради).
Ҳаммасини топшириб, паспортинг ортига наклейка ёпиштириб беради (бу билан ишлайвер дегани эмас). Патентинг чиқишини 15 кун кутасан. Патент олгач фирмаларга ишга киришга ҳаракат қил. Агар баҳорда келган бўлсанг кузгача ташқарида ишла, фирмага кузда киргин, хўп! Қишда ташқарида ишлаш қийин, фирмада баҳоргача жон сақлаб ишлаб турасан (яна ўзинг биласан).
Энг зўр маслаҳатим келма бу Москвасига, чунки Москва КЎЗ ЁШЛАРГА ИШОНМАЙДИ !!!Москва Уйлари | Инстаграм | Админ
1.1K viewsУМАР, 09:29
М
