2022-10-07 18:51:42
FARZANDINGIZ BILAN MULOQOT CHOG‘IDA BAQIRMASLIK UCHUN MASLAHAT
Bolaga baqirishdan saqlanish uchun nima qilish kerak?
Buning uchun quyidagi to'rtta bandga rioya qilish lozim:
1. Sizni baqirishga undayotgan hissiyotlarni anglash.
Koʻpincha bu qoʻrquv va gʻazabdan paydo boʻladi. Gʻazab sizning xohishingiz taʼsirida “Hammasi men aytgandek boʻlishi kerak!” deya javob beradi.
Ruhshunoslar bunday vaziyatni oʻtaketgan xudbinlik desa, dinda takabburlik deb ataladi. Men xudbinlikni: “U nima qilishi kerakligini men yaxshiroq bilaman!” deyish deb qarayman. Shuning uchun ongli ravishda gʻururdan tushib: “Men Xudo emasman. Men bolamga nima yaxshiroq ekanligini doimo bilavermayman” deyishni tavsiya etaman.
Xudbinlik sizning ustingizdan hukmronlik qilib, dargʻazab boʻlayotganingizda: "Toʻxta! Bolam buni qilishi shart degan soʻzni qayerdan olding?" deb o'zingizga savol bering (“Chunki men shunday bo'lishini xohlayman” degan gap javob bo'la olmaydi).
Shuningdek, sizga qoʻrquv ham o'z so'zini o'tkazishi mumkin.
Siz qoʻrqasiz:
– bolangizning sogʻligidan;
– buyumlaringizning xavfsizligidan;
– “notoʻgʻri” tarbiya berishning oqibatlaridan;
– bu haqda odamlar nima deb oʻylaydi;
– qayergadir kech qolishdan, nimagadir ulgurmay qolishdan;
Oʻzingizga savol bering: "Qoʻrqinchli nima sodir boʻldi?"
"Bolam shu ishni qilsa (qilmasa), qoʻrqinchli nima boʻladi?"
Bunday qoʻrquvlar mantiqsizlikdir. Hattoki u sizning xayolingizda aniq mantiqiy zanjir asosida qurilgan boʻlsa-da. Masalan, “Agar u hozir likopchadagi boʻtqaning hammasini yemasa, unda kasal boʻlib oʻladi”.
Miyangizda aylanayotgan fikrlarni haqiqatga hech qanday aloqasi yoʻq.
Tuygʻularni “ishontirish” kerakmas. Oʻzingizga yoki boshqaga: “Qoʻrqma!” deb aytish va darhol qoʻrquvdan forigʻ boʻlish mumkin. Ammo ota-onalar negadir oʻjarlik bilan buni davom ettirmoqdalar.
Onam hanuzgacha menga har safar ko'chaga chiqishimda issiqroq kiyinishim kerakligini, aks holda kasal boʻlib qolishimni aytadilar. U bu gapni menga 40 yildan beri aytib keladi. Men unga buni aytsan, onam xotirjam javob beradi: “Nima boʻpti, hali yana 40 yil gapiraman – to uqmaguningcha!” Mana bu maqsadga erishish uchun qatʼiylik! Agar vaziyat oʻzgarmasa, kerakli natijaga erishish uchun siz boshqacha harakat qilishingiz kerak!”
His-tuygʻularingizni jilovlashning yagona yoʻli ularni ongingiz darajasiga chiqarish va uni yoʻq qilishdir. Aslida, bolaligingizda sizga baqirganlarini eslab, bolangizga baqirishingiz kerak emasligini anglashingiz uchun yetarlidir.
860 views•●Isha●•, 15:51