Kanal manzili:
Toifalar:
Adabiyot ,
Bolalar parvarishi
Til: Oʻzbek tili
Mamlakat: Oʻzbekiston
Obunachilar:
102
Kanalning ta’rifi
© Мурожаат учун: @Mening_pochtam_bot
Бошқа каналларимиз:
👉 @turtliklar
👉 @sport_xabarlari
Ratings & Reviews
Reviews can be left only by registered users. All reviews are moderated by admins.
5 stars
1
4 stars
0
3 stars
1
2 stars
0
1 stars
0
Oxirgi xabar
2021-01-30 17:45:05
Кетайлик...
Кетишга йўллар етарли,
Сиз билан кетишнинг ўзи бир байрам.
Ишонинг - олдинда ҳали айтарли,
Қанча байрамлар бор нишонланмаган.
Кетайлик...
Ғамларнинг очилсин кўзи,
Йўғимиз билинсин ҳар бир лаҳзада.
Шамоллар эргашсин қорайиб юзи,
Кетайлик, бариси қолсин орқада.
Ахир, жами иқбол қўлларимизда,
Ёруғ дунёси бор - бизга ишонган.
Азизим, кетайлик!
Йўлларимизда -
Қанча байрамлар бор -
Нишонланмаган. Хосият РУСТАМОВА @Kungil_kundaligi
59 viewsedited 14:45
2021-01-26 08:34:37
ИМТИҲОН
Китоб ўқиб ўтирсам, бобом келди.
- Ухламаяпсанми?
- Имтиҳон яқин. Тайёрланяпман.
...Ярим тун. Қарасам бобом жойнамозда ўтирибди, дуо ўқиб.
- Ухламадингизми?
-Имтиҳон яқинлашяпти. Тайёрланяпман...
twitter'дан
Каналга уланиш: @kungil_kundaligi
115 views05:34
2021-01-22 18:02:52
“Сўзловчининг нутқи қалбдан чиқсагина қалбларга таъсир этади”, — дейишади. Абдукарим Мирзаевнинг
муваффақият калити шу бўлса керак. Тағин билмадим...
Каналга уланиш: @kungil_kundaligi
151 viewsedited 15:02
2021-01-19 10:59:19
Ёшлик (Монолог)
Санжар Саъдуллаев
Каналга уланиш: @kungil_kundaligi
187 viewsedited 07:59
2021-01-17 06:00:11
ЧЎЧҚА НАЗАРИЯСИ Золим подшоҳлардан бири фуқароларидан бирини қамади. Уни ҳеч бир сабабсиз бир кишилик уч квадрат метр масофага эга камерага қўйишни амр қилди.
Фуқаро ғазабланди. Камера эшигини тепиб бақирди: "Менинг айбим йўқ! Нега мени қамадингиз?! ".
У бақир-чақир қилиб тўполон қилгани учун уни бошқа, бир квадрат метрлик хонага кўчириш ҳақида буйруқ чиқди.
У яна бақира бошлади. Бу сафар айбим йўқ демади. "Ҳаромилар! Мени ўтириб ухлайдиган хонага қамадингиз!" , деб додлади.
Унинг дод-войи яна қамоқхона хўжайинларини безовта қилди. Энди айнан шу камерага яна тўққизта маҳкумни киритишди.
Иш чидаб бўлмас даражасига етгач ўнта маҳбус ёрдам сўраб дод солишди:
"Бу иш мақбул эмас. Қандай қилиб бир квадрат метрли жойга ўн кишини жойлайсиз?! Биз бу ерда бўғилиб ўламиз. Ўтинамиз ,ҳеч бўлмаганда беш кишини бошқа хонага ўтказинг! ".
Уларнинг дод-войини эшитгач қамоқхона ходимлари уларнинг ёнига бир чўчқани келтириб қўшиб қўйишди.
Уларнинг ақли бошидан учди:
"Қандай қилиб бу ифлос, исқирт ҳайвон билан бирга яшаш мумкин?! Унинг ҳамма жойни тўлдирган ахлатининг ҳиди бизни ўлдиради-ку! Илтимос, шуни бизнинг олдимиздан чиқаринг. Бошқа нарса сўрамаймиз! ".
Бошлиқ ходимларга чўчқани олиб чиқиб хонани тозалаб беришларини буюрди. Бир неча кундан сўнг улардан ҳол-аҳвол сўрагани келди:
- Аҳволлар қалай? Камчиликлар йўқми?
Маҳбуслар:
- Йўқ, йўқ! Алҳамдулиллаҳ ҳаммаси яхши. Қийинчиликларимиз барҳам топди!
Ана шундай қилиб муаммо биргина чўчкани олиб чиқиш билан ҳал қилинди. Шундай қилиб камеранинг майдони торлиги масаласи унутилди. Ундан олдинги масала ҳам, ундан олдингиси ҳам...
Ҳатто биринчи маҳкумнинг зулм билан қамалганлиги масаласи ҳам унутилди. Ҳеч ким эсламади ҳам. Ҳатто сиз ҳам унутдингиз уни ҳурматли ўқувчи! Ҳаётимиз ана шундай. Асли муаммомизни унутишимиз учун янги мушкулотлар ўйлаб топишади. Сўнгра моҳирлик ила чўчқа назариясини татбиқ қилишади. Афсуски, энди бизнинг энг олий истагимиз чўчқани орамиздан чиқаришлари бўлади! Абдулқодир Полвонов, "fayzbog uz" @kungil_kundaligi
185 views03:00
2021-01-11 08:16:35
Дўстлик
Бир киши бир оз пулга муҳтож бўлиб қолди, дўстидан ёрдам олиш мақсадида унинг уйига келиб эшикни тақиллатди. Дўсти чиқиб, у билан кўришди, уйга таклиф қилса ҳам у киши қабул қилмай:
— Дўстим, мени кечир, уйга қилган таклифингни ҳозирча қабул эта олмайман, вақтим зиқ. Бир кишидан юз сўм қарздор эдим, бугун келиб пулини қистади. Қўлимда пул йўқ эди. Шунинг учун сенинг ҳузурингга келдим, ёрдам этарсан деб умид қиламан,— деди.
Уй эгаси дарҳол ичкаридан юз сўм олиб чиқиб, дўстининг қўлига берди.
— Дўстим, бирор нарсага муҳтож бўлиб қолсанг, мендан яширма, қўлимдан келганча ёрдам беришга тайёрман,— деб дўстининг кўнглини кўтарди. Дўсти хурсанд бўлиб, у билан хайрлашиб уйига қайтди.
Уй эгаси дўсти қайтиб кетгандан кейин йиғлаб уйига кирди. Хотини: «Эрим кўп пул бериб юборганига пушаймон қилиб йиғлаётган бўлса керак»,— деб эрига:
— Бирор нарсани баҳона қилиб пул бермасдан қайтариб юборсангиз бўлмасмиди? Энди пушаймон қилиб йиғлайсиз,— деган эди, эри шундай жавоб берди:
— Йўқ, сен ўйлаганча эмас, дўстим пулга муҳтож бўлиб қолганини билмаганман. У келиб сўрамасдан олдин ўзим бориб:
— Дўстим, бирор нарсага муҳтожмисан, тортинма, айт,— деб сўрашим керак эди,— ғафлатда қолганимга ачиниб йиғлайман.
Манба | @kungil_kundaligi
197 views05:16
2021-01-06 19:35:58
Дунёда энг «яқин»ларимсиз –
Мени мендан «яхши билгувчи»,
Дўстман, дея қасамлар ичиб,
Дўстларимга иғво қилгувчи.
Бор бўлинг-эй, ҳасадгўйларим,
Сизда фисқу-фужурлар нақддир.
Сиз бор – мудом сабрдаман мен,
Сиз бор – менга ажрлар нақддир!
Ўз ҳолимга қўймаганларим,
Кўзим очиб қўйганларимсиз,
Дунёларни қизғониб мендан
Дунёлардан тўйганларимсиз.
Туширмайсиз номимни тилдан,
Бекор кетмас туҳмат тошингиз –
Ғафлатлардан бўламан омон,
Омон бўлсин тилли бошингиз.
Иймонимнинг ёрдамчилари,
Яқин қилиб узоқларимни
Жон-жон дея елкалайсиз-ей
Менинг қанча гуноҳларимни.
Дуодаман сиз учун:
Раббим,
Барака бер жон-молларига,
Узоқ-узоқ умрлар бергин
Гуноҳимнинг ҳаммолларига... Дилфуза КОМИЛКаналга уланиш: @kungil_kundaligi
208 viewsedited 16:35
2021-01-04 09:26:13
Ўринли маслаҳат
Бир куни кўчада сайр қилиб юрган киши йўл четида ўтирган кекса одамни кўриб қолди. У мўйсафиднинг қаршисига келиб, мурожаат қилди:
– Отахон, улуғ ёшли инсон экансиз, анчагина узоқ ҳаёт йўлини босиб ўтгансиз. Шубҳасиз, жуда доно бўлсангиз керак. Айтинг-чи, мана, мен ёш ва кучлиман-у, аммо ҳеч қаердан иш топа олмаяпман, ўғлим гиёҳвандликка берилди, қизимни ҳам яхши тарбиялай олмаяпман, аёлим эса кун бўйи уйда ўтирса ҳам, ҳеч қаерга қарамайди. Хўш, мен бу вазиятда қандай йўл тутишим керак? Нима қилсам, буларнинг ҳаммасини ўзгартира оламан?
Қария жавоб берди:
– Эшигинг устига кичкинагина тахтача осиб, унга “Ҳамиша шундай бўлавермайди” деб ёзиб қўй.
– Шу холосми? – ҳайрон бўлди эркак.
– Шу холос, – жавоб қилди кекса киши.
У уйига бориб, қария айтгандек қилди. Бир қанча вақт ўтгач, унинг ўғли гиёҳвандликни ташлади ва ҳатто қилган иши гуноҳ эканини тан олиб, тавба қила бошлади. Қизи ёш билан йигит билан яхши кўришиб, оила қурди. Аёли ҳам ўзгарди ва рисоладаги бекага айланди. Эркакнинг ўзи эса сердаромад ишга жойлашди ва кўп ўтмай, ҳатто машина сотиб олди.
Кунларнинг бирида у таниш кўчадан ўтиб бораётиб, икки йилча олдин кекса мўйсафидни учратган жойида тўхтади. Қария ҳали ҳам шу ерда ўтирганди. Эркак унинг олдига яқинлашаркан, машинадан тушмаган ҳолда, унинг ойнасини очиб, сўз қотди:
– Ҳа, бобой, ҳалиям ўтирибсизми? Мен бўлса, кўриб турганингиздек, анча нарсага эришдим. Ўғлим гиёҳвандликни ташлади, энди у тақволи йигит, қизим севиб, севилиб турмушга чиқди. Аёлим ҳам яхши рафиқага айланди. Ўзим ишга жойлашдим ва энди ишхонамда мартабали бошлиқман. Сиз эса ҳалиям ўшандек ўтирибсиз, нўноқ чол! Хўш, энди менга нима деб маслаҳат берасиз?
Бу гаплардан қариянинг чеҳраси ўзгармади, аксинча, у суҳбатдошига хотиржам тикилганча, деди:
– Ҳалиги тахтача бор эди-ку, шуни олиб ташламагин…
Манба:
Русчадан Муҳаббат Шарифова таржимаcи.
К
аналга уланиш: @kungil_kundaligi
217 views06:26
2021-01-03 10:16:32
ФАНО
Эй дўстим, бу кемтик дунёда
Кимлардан нималар кўрмадик.
Тўзғоқдан жам бўлган фанода
Кимлардан нималар кўрмадик.
Дунёси чиғирдек айланчиқ,
Бандаси балиқдек сирпанчиқ,
Молга ўч, меҳрга қизғанчиқ,
Кимлардан нималар кўрмадик.
Зўрман деб ризқимиз юлган ким,
Шаънимиз булғамоқ бўлган ким,
Дуч айлаб жафога, кулган ким,
Кимлардан нималар кўрмадик.
Худосиз ташландиқ одамлар
Бошинг еб, сўнг ёлғон «отам»лар,
Улар-чун тўй бизнинг мотамлар,
Кимлардан нималар кўрмадик.
Инсон деб иблисга суркандик,
Номардга сир айтиб ўртандик,
Дўстдан ҳам қўрқишга ўргандик,
Кимлардан нималар кўрмадик.
Бой бўлсанг, қондошлаб қолгайлар
Сой бўлсанг, қармоғин солгайлар,
Лой бўлсанг, четлаб йўл олгайлар,
Кимлардан нималар кўрмадик.
Тўғрилар имонин дарз қилмас,
Оллоҳдан бошқага арз қилмас,
Эгрилар фитнасин бас қилмас,
Кимлардан нималар кўрмадик.
Ўтди минг синовдан сабримиз,
Қачондир тугар бор жабримиз,
Шунда ҳам шивирлар қабримиз:
«Кимлардан нималар кўрмадик...»
Анвар Обиджон
Каналга уланиш: @kungil_kundaligi
170 views07:16
2021-01-02 09:34:48
Ибратли ривоят Кунлардан бир куни дин шайхлари ва уламоларидан бири бошчилигида бир ҳафталик исломий анжуман уюштирилди.
Бу конференцияга шайх Шаъровий ҳам таклиф қилиндилар. Шайх Шаъровий таклифга биноан анжуманга ташриф буюриб, унинг биринчи мажлисига ҳозир бўлдилар. Анжуман бошланди. Шайх Шаъровий мажлис ҳайъатидан жой олдилар. Анжуманга раислик қилаётган киши ўзини илму маърифатда барчадан устун даражада дея мағрурланар ва бу билан ҳузурланар эди.
Мажлис асносида бунга гувоҳ бўлган имом Шаъровий изн сўраб, минбарга чиқдилар ва «Сизларга бир савол бераман:
Расулуллоҳ соллаллоҳу алайҳи васаллам вафот этганларида У зот ювилган сув қаерга кетган?» дедилар.
Мажлис аҳли кутилмаган саволдан ҳангу манг бўлиб қолди. Ҳеч кимдан садо чиқмади. Барча жим, ҳеч ким гапирмайди.
Анжуман раиси ҳижолат ва саросимада қолди. «Наҳотки мен бу саволнинг жавобини билмайман?» ўйларди у. Ниҳоят, раис шайх Шаъровийга: «Бизга фурсат беринг, инша Аллоҳ, эртанги мажлисгача саволингизга жавоб топармиз» деб, бу ҳолатдан чиқди.
Мажлисга раислик қилган киши тўғри уйига борди-ю, кутубхонасига кириб, бу мушкул саволга жавоб қидира кетди. Бироқ, ҳарчанд қидирмасин, китоб титмасин, ҳеч нарса топа олмади. Ҳамма китобларини бирма-бир варақлаб чиқди, лекин бу саволга жавоб топа олмади. Ниҳоят чарчаб, варақлаб ўтирган китобининг устида ухлаб қолди.
Бир пайт тушида Расулуллоҳ соллаллоҳу алайҳи васаллам унинг олдига келдилар. У зотнинг ёнларида фонус кўтарган бир киши бор эди.
Раис дарҳол Расулуллоҳ соллаллоҳу алайҳи васалламнинг ҳузурларига бориб: «Эй Аллоҳнинг Расули, сиз ювилган сув қаерга кетган?» деб сўради. У зот соллаллоҳу алайҳи васаллам ёнларида фонус кўтариб турган кишига ишора қилдилар. Фонус кўтарган киши шундай деди: «Расулуллоҳ соллаллоҳу алайҳи васаллам ювилган сув буғланиб, осмонга кўтарилган. Сўнг ёмғир бўлиб ерга ёққан. Бу ёмғирнинг ҳар бир қатраси ўрнида масжид бино қилинган». Маълум бўлишича, ер юзининг қаерида бўлмасин, Расулуллоҳ соллаллоҳу алайҳи васаллам ювилган сувнинг ҳар бир қатраси тушган жойда бир масжид бино қилинган экан.
Анжуман раиси уйқусидан бахтиёр ҳолда уйғонди. Энди у анжуманга ёруғ юз билан бора оладиган жавобни топган эди. У шоша-пиша анжуманга етиб бориб, шайх Шаъровийнинг оғзига термулиб, кечаги саволнинг жавобини сўрашларини кутди.
Лекин шайх ҳеч нарса бўлмагандек, мажлис ҳайъатида виқор билан ўтирардилар. Раиснинг ичи пишиб, бир амаллаб мажлиснинг охиригача чидади. Ниҳоят, тоқати тоқ бўлиб, имомга деди:
– Кеча бир савол сўраган эдингиз, жавобиини айтайми?
– Жавобини билдингми? – сўрадилар имом Шаъровий.
– Ҳа, – деди раис.
– Хўш, Расулуллоҳ соллаллоҳу алайҳи васаллам ювилган сув қаерга кетган экан?
– Расулуллоҳ соллаллоҳу алайҳи васаллам ювилган сув буғланиб, осмонга кўтарилган экан. Сўнг ерга ёмғир бўлиб ёққан экан. Ўша ёмғирнинг ҳар қатраси ўрнида бир масжид бино бўлган экан, – деди раис.
– Жавобни қандай қилиб билдинг? – сўрадилар имом.
– Тушимда Расулуллоҳ соллаллоҳу алайҳи васаллам олдимга келдилар, У зотдан сўрадим.
– Лекин жавобни сенга фонус кўтарган киши айтди-ку? – дедилар кулимсираб имом Шаъровий.
Раис саросима ва ҳайратдан бир зум ҳайкалдек қотиб қолди. Сўнг ўзига келиб, беихтиёр «Буни қандай билдингиз?» деди. Шунда Шаъровий ҳаммани чексиз ҳайратда қолдириб, «Фонус кўтарган мен эдим!» дедилар…
Бу қиссани ўша анжуман раисининг ўзи ҳикоя қилиб берган. Манба | @kungil_kundaligi
166 views06:34
К
