2022-08-10 19:58:18
#ҳадис #дуо #офият
⠀
Ибн Умар родияллоҳу анҳу Набий соллаллоҳу алайҳи васалламдан ривоят қилади:
«Аллоҳдан сўралганда бериладиган нарсалар ичида У Зотга энг маҳбуб бўлгани офиятни сўрашдир».
Термизий ривояти
⠀
«Офият» сўзи саломатлик, эсон-омонлик, бардамлик, яхши кайфият каби маъноларни ифода қилади.
⠀
Кўриниб турибдики, офият ҳам Аллоҳ таолонинг катта неъматларидан бири экан. Бу неъматнинг бандадан бошқа тарафга ўтиши унинг учун катта мусибат бўлиши турган гап.
⠀
Имом Бухорий, Имом Термизий ва Имом Ибн Можалар Абдуллоҳ ибн Меҳсон ал-Ансорий родияллоҳу анҳудан ривоят қилган ҳадиси шарифда Пайғамбаримиз соллаллоҳу алайҳи васаллам қуйидагиларни айтадилар:
⠀
«Кимнинг жасади офиятда бўлса, ўз гуруҳида тинч-омон бўлса ва ҳузурида егани қути бўлса, гўёки дунёни қўлга киритибди».
⠀
Офият Аллоҳ таолонинг бандани барча турдаги бало ва офатлардан сақлашидир. Бандага Аллоҳ томонидан берилган неъматлар ичида энг биринчи ўринда мустаҳкам иймон турса, ундан кейинги иккинчи ўринда офият — тани сиҳатлик, хотиржамлик турар экан.
⠀
Аллоҳ таоло барчамизга бу дунё ва охират офиятини берсин! Амийн!
⠀
«Ҳадис ва Ҳаёт» китобидан
4 views16:58